ادمع انا نفذت كلامك جعل جزاك الجنه
عملت له سحور برمضان وكتبت على اللبن الزبادي بالجزر المبشور احبك
يوم شافه قال لي ايش هذا احبل؟
طبعا زعلت لكن مابينت وعاد رجع وقال تسلمين ياحبيبتي بس احسها كلمه تعود عليها يعني ماهي جديده
ادمع انا كل يوم قبل ما اروح الدوام اسويله فطوره واحضر ملابسه شرابه وجزمته وغترته وثوبه كل مل يحتاج واروح لشغلي قبله
بس ما احس هالشيء مأثر فيه لاني يوم اقصر يوم يهزأني ويهاوش
كما ن ما اقدر افتح بوكه واحط فيه ايشيء لانه يزعل وما اقدر احط له اي رساله في شاشه التوقف بالمحمول ماله والله كان يروح فيها لو امسكه
كما ن جواله حاولت اسوي له مذكره وهو في الدوام فيها كلمه حلوه بس مع الاسف اخر شيء ممكن اوصله هو جواله لانه معاه على طول بالنوم تحت المخده بالحمام في الصلاه بجيبه
ويش السوات ؟!
وانا ما ارسل له ولا رساله بالجوال لاني خلال سنه كامله ارسلت له كم كبير من الرسايل وهو ما ارسلي الا 4 رسايل وبالصدفه نسي جواله وفتحته لقيته مرسل لوحده في الشهر 10 رسايل ومن بعدها حذفت خدمة الرسايل وحلفت ما ارسله الا اذا ارسل لي ومر اكثر من 3 شهور ما ارسلي شي
كما ن الرسايل الورقيه
والله العظيم لو تقرين الرسايل الي اكتبها له ما تصدقين اش حلاتها وايش فيها من رومنسيه ومشاعر وافكار واحلام بس مع الاسف لما فتحها اخذ يهزأ مني ويتريق علي وحطمني هالشي
انا عندي حركات خطيره ومريعه بس ما اقدر احطها على العام واتمنى الاقي وقت وارسلها لك تشوفيها
ياليت تساعديني اتغير واغير حياتي
أحلى دنيا ... للشهر الثانى ....
متابعة النقاش، صفحة 40