ببني لأمي بيت وخايفه

اسألي محامي
عشان ماتدخلين في متاهات انتي في غنى عنها

اولا استشيري محامي
وثانيا اسألي اخوانك هل يبون حقوقهم ولا لا

و الدنيا ماتنضمن حتى الاخوان وقت الفلوس يصيرون ذئاب

اختي عشان الحلال و الحرام وكلي محامي و ثمني البيت قبل الهدم و اشتري حصه اخوانك الاثنين و لو تبين حصة امك امك و يكون البيت باسمك انتي لان لو لا قدر الله توفت الوالدة بعد عمر طويل اخوانك يبي يطالبون بنصيبهم ..
نصيحة ثمني البيت اول و اشتري نصيب اخوانك بعدين نصيب امك ..
للاسف الرجال ما فيه احقر منه قدام الفلوس .. يبيع الناس كلهم عشان قرش ..

الاستشاره اخاف انها تطول وتعرقلني عن هالعمل واهون بما اني مندفعه الحين ومقرره ودافعه ومسويه حساب قرض وكله لجل امي




قلت بنفسي حنا اخوان ومابينا هالامور بما اني وثقت فيهم وبسكنهم بمكان يليق بهم بعد هم المفروض يثقون فيني وكل شي ترى على ظهري هم ماراح يدفعون ريال واقسم بالله العظيم ياهدهد لماقررت البناء حطيت في بالي لما الاهل والناس يسألوني من الي بنى هالبيت اقول اخوي ..... وارفع من شانه بين الناس


يا اختي الدنيا وش فيها والله كلها ايام وتزول انا يهمني رضا امي واخواني على شينهم بعد ابي ارضيهم الوحده ماتضمن عمرها هذي مزاهد دنيويه لكن خايفه عيالي يتبهدلون او زوجي واحرجهم بسبب عمل جا بسرعه من تفكيري ويمكن اكون خاطئه فيه فاستشرت







فانيلا انا ماتجهت لمحامي لاني اعرف ان اخوي الاصغر مني لو اقوله بعطيك 100 ألف وخلني ابني لامي ولكم بيت يليق بكم بيوافق بس عنده خصلة الغدر ممكن يقول هذي راتبها اكثر مني وماتحب مثلنا السفر وماترفه عمرها فحنا اولى بفلوسها ويبتزني وانا يعلم الله ان نص مبلغ البناء بيكون دين على ظهري بضمان راتبي


لما رحت اعمل الخريطه طلبوا مني توكيل من امي واخواني على البيت وعطيتهم انا كنت مسويه توكيل ومشاورتهم وهذي برقبتي ليوم الدين وخشيت بخزنتي الوكاله الاصليه حتى اذا صار شي لاقدر الله يرجعون عيالي للخزنه ويشوفون التوكيل ويلغونه ومخبره زوجي بهالتوكيل للحلال والحرام ماضمن ايش بيصير





والله يا اختي احس ان هالبر ولا شي وجا متأخر


عمر امي ولا عمري شكثر باقي فيه


جا متأخر وربي ....... مو بيدي عندي اخوان مايفكرون الا بملذاتهم


وتاركين هالمسكينه ببيت تخاف تنام بالغرفه لايطيح عليها تنام بالصاله مع شغالتها واخوي عايش بفيلا مع زوجته واذا زارها خمس دقايق ويمشي مايتحمل الوضع والثاني سفراته اكثر من اقامته بالبيت

باقي انا ........ وانا ماني بروحي الله يعرف نيتي وكافأني بأروع خوات في عالم حواء ..... كنز احمد ربي عليه

أهنيييك ياقلبي على برك بوالدتك جعل عيالك يبرون فيك يارب...
شوفي ياقلبي هالزمن ماتضمنين حتى خوانك اخاف بكرا يقولوا هذا بيت ابونا ونصيبنا ومدري وشو ومو بعيد يسكنون حريمهم فيه بعد
فنصيحه اشتري للوالده بيت جاهز وخليه بإسمك وبيت الوالد خلوه إيجار وبكذا تريحين راسك من المشاكل و عوار الراس

ونسيت اقولك بعد إنه الجاهز اوفر لك من الهد والبنا وغثا العمااال