< بنتي مسببه لي ازمه >

بسسسم الله الرحمن الررررحيم
السسلام عليكم ورحمة الله وبركاته
صباح الخير خواتي وجعل الله اليوم يوم مبارك علينا وعليكم :)

انا عندددي مشكله مع بنتي يمكن البعض يشوفها بسيطه لكني كام جدا اعاني منها وخصوصا في وقت جمعاتنا :icon33:
بنتي يا طويلات العمر حساااسه بشكل ما تتوقعونه عمرها 8 سنوات ربي يصلحها ويخليها لي << لدرجة لو طفل صغير يقولها كلمه تنجرح وتصيح صياح يعوور القلب والاطفال استغلوا الشي هذا فيها وكل شوي يحرقونها بالكلام وانا يتقطع قلبي عليها كل البنات اللي في عمرها غير :09: ولا يهتمون لكلام احد بعكسها والله ان الشي هذا مسبب لها صعوووبه في الكلام حتى ما تقدر تاخذ حقها لا احد تكلم عليها وكل حيلتها الصياح
ومدرساتها يقولن لي بنتك مره حساااااسه ونتعب معاها
فيا ليت اخواتي اللي جربت والا اللي مرت بنفس حالتي تقولي كيف انتزع الشي هذا من شخصيتها واقوي ثقتها في نفسها واخليها ما تهتم لكلام احد :(

21 تعليق 1,771 مشاهدة

شاركي في النقاش

سجلي الدخول لإضافة تعليق.

التعليقات

20
  1. @khyaaal_4

    الله يكون بعونك
    والله مالي خبره بهالشي
    بس حبيت ارفع الموضوع

    لا اله الا الله اللهم صلي على محمد
  2. يمكن بنتك تعاني من شيء انتي ماتعرفيه او يمكن يكون عندها شيء تستحي منه والعيال يعايروها فيه تكلمي معاها وعززي ثقتها بنفسها وامدحيها وعلميها كيف ترد على العيال عشان مايضحكون عليها وكمان بابتها لازم يمدحها ويحسسها بانه يحبها وانه يفتخر فيها الطفل تتعزز ثقته بنفسه من البيت والاسره ..ويارب اكون افدتك
  3. @am_dan_5

    صباح النور والسرور..

    شوفي يالغلا اول شي دوري السبب اللي يخليها حساسه بهالشكل ..

    هل تنضرب من احد والديها هل احد يعاملها من طرفكم معامله قاسيه هل في احد في العايله ماخذ اهتمام اكثر منها كلها اسباب يكون الطفل حسّاس ومايتقبل شي..

    عشان تعززين ثقتها نصيحتي لك معاملتها بالتطنيش يعني اما تشوفينها تبكي سوي نفسك ماشفتيها والهيها تعالي نسوي شي تعالي نشوف التلفزيون اكثر شي يحبونه البنات تعالي نروح المطبخ نسوي كيك..

    شوي شوي ابدأي علميها كيف تعتمد على نفسها اعطيها المهام الصعبة وخليها مع نفسها تحاول وتحت مراقبتك ونظرك..

    لاتتركينها لوحدها خليك جدا عاديه عصبي متى الوضع يستلزم وافرحي برضو كما يجب بس اكيد الضرب ممنوع في جميع الحلات لازم الصبر..
    المهم المشكله ذي لازم ماتثيرونها قدامها وتحسسونها بكبر المشكله لانها راح تضعف اكثر واكثر..

    واكيد اهم شي المدح والترفيع اكثر شي تحبه البنت من امها وابوها ويستحسن من جدتها اوخالاتها لهم اثر في نفسية الطفل..

    بس المحاورة وانشغال الطفل عن هالمشكله بيفيد كثير وزي ماقلتلك كل ماتحسست طنشي واشغليها بشي..

    والله يخليها لك..
  4. ناقصها تعزيز الثقه
    اكثري من مدحها انتي وابوها
    وتقربي منها وخليها تفضفض لك
    وانا قريت مره معلومه تقول ان شخصية البنت تستمدها بالغالب من الام
    فإذا الام فاقده ثقتها بنفسها وضعيفة شخصيه
    ينعكس على البنت بتصرفات الام
  5. @am_gna_7_1

    حبيبتي روحي بها لدكتور نفسي
    راح يعلمك كيف تتعاملين معها وتعززين ثقتها بنفسها
    وراح يفيدك كثيييير
    أهم شئ يكون شااااطر
    نصيحة لا تتركين بنتك ..

تابعي تجارب أخرى من هذا القسم.