شاركي في النقاش

سجلي الدخول لإضافة تعليق.

التعليقات

2,006
  1. @ryg_albnfsg

    بخير عساج بخير أنت شخبارج وشخبار النونوات الله يحفظهم
    انا عيد زواجي 30 /7 وأنت أما لو يظهر نفس اليوم


    أنا بيت أبوي بيروح العمرة بداية ثمانية علشان يرمضون بداية رمضان هناك
    وأقول لهم بروووح معاكم فخاطر اروح العمرة بس الكل رافض يقلون لين خلصتي الأربعين روحي على كيفج
    ما اتخيل أنا في الدوحة وبيت أبوي محد

    دبي روحي غير جو وتقضي حقج وحق النونو
    بس حاسبي المطار فية مشي وااايد
    ولا تتعبين نفسج كل ما مشيتي شوي ارتاحي
    بس هو أكيد بيكون حاجز فيصير حجزين في نفس الوقت

    أنا ريلي حالف على ما اسافر والكورس الياي قال ما داومين يقول لى اذا أنت ما تخافين على نفسج ولا على اللى في بطنج أنا أخاف يقول لى تخيل يجيج الطلق وأنت في الجامعة <<< فشلة
    الله يخليج الوالد أنا أبوي اللى حجز لى الله يخليهم لنا
    غيور حسيتج أنج أكبر خواتج نفسي ما ادري ليش
    انزين بقول لج فكرة انزين ليش ما تحجزون درجة أول وتكونين شارية كيكة صغيرة وتعطينها المضيفة وأنت في في الطيارة تجيب لكم الكيكة بهدوء ووصيها وتعطينة الهدية هذا اذا كان ريلج يحب المفاجأت أنا ما اعتقد أنها بنجح معاه لأن بيعصب على خخخ


    أنا سكنت فية أول يوم لأن بتسافر عقب
    وما ركزت على الفندق لأن متى ينى الفندق الا الساعة 1 ونص
    بس اللى اتذكرة صوت الطيايروريلي يوم قعد يقول لى ها عديدتي كم طيارة لأني ما رقدت
    ذكرتيني بأول الأيام يومين ما كنت راقده يوم اللى قبل العرس ويوم العرس ويوم رجعت بيت أبوي علشان الغداء أقول حق أمي ما ابي اروح خليني أنام ما رضت قالت لى تعالى بكرة والله معاناة أول أسبوع
    بس كان حلو حاطين ورد على السرير وعلى البانيو وكيكة وعصير اللى كأن خمر



    أنا قلت شنو سوي أول شئ استأذنت منة أبي احجز بفندق أقول أوكي
    وما قلت اسم الفندق ولا اليوم بس يدري انه حق عيد زواجنا مب مشكلة
    وقلت قبلها بيوم بروح بيت أبوي بحف وأتحني
    واليوم الثاني بروح الفندق وقلت بطلب كيكة وبكتب عليها تاريخ زواجنا
    وقلت بسوي عرض الموفي ميكر بحط فية صور زواجنا والأشياء اللى سوينها في هاي السنة
    ومحتار في الهدية ما اعرف شنو اهدية ابي شئ جديد ما اهديتة أيها
    الميزة في ريلي يحب التكنلوجيا فأخبر مرة شريت لها سماعات الواير لس حق الكمبيوتر ومرة شريتله قلم الضوء فرح فيهم أكثر من الساعاات والعطور ...


    أنا هاي الشئ اللى خلاني اتردد في البداية أن مب على البحر
    بس ستايلة المدرن عجبني

    جراند حياة بعد عجيب ستايلة شرقي وعلى البحر
  2. @bnt_althhrat

    هلا بنااااااااااااااات كيف حالكم انا يوم ذكرى زواااااااااااااااجي 29/7/2010 الخااااااااااااامس وش رايكم هههههههههههههههههه ****اااااااااااااءالل

    الله اكووووووووووووووون حاااااااااااااامل
  3. بنت الظهرات
    هلا بنااااااااااااااات كيف حالكم انا يوم ذكرى زواااااااااااااااجي 29/7/2010 الخااااااااااااامس وش رايكم هههههههههههههههههه ****اااااااااااااءالل الله اكووووووووووووووون حاااااااااااااامل
    انا بعد احس سعره حلو الله يهنيكم .
    شرق الكل يقول ان ازعاج الطيرات مشكلة و بعد احس شوي ديكوره كئيب و يخنق مدري شلون .. يمكن لان احب المودرن اكثر ..
    ذكرتيني في ليلة عرسي سكنت في الشيراتون لان عرسي كان هناك .. قعدت الظهر انا و امي نحوس بين الغرف مافي شي عاجبني بعد ذيك الايام ما كانوا مجددين شي لوعه اخر شي عطوني جناح كبير مطعم و و صالتين شي كبير بس الديكور لوعة و مغبر و يوم العرس كلت من الاكل اللي حاطينه لنا و تسممت الصبح خخخ تخيلي عروس متسممه و الصبح بغيت استشور شعري طلع السشوار مع البيب من الطوفة في يدي .. :42: ٣ ايام لوعة بس يوم طلعت و رحت دبي استانست حسيت اني في شهر العسل ..

    تتهنين ان شاء الله .




    الله يفرج همج يارب و يفرح قلبج ان شاء الله ..:) و يرزقج الحمل عاجل غير اجل يارب ..:42:


    الله يعينج مع اني احس ان الابر في العضل المها اخف من تحت الجلد بس يمكن يعتمد على نوعية الدواء .. هانت ان شاء الله كم يوم الواحد يتصبر .. يقولج من تصبر صبره الله .. الله لا يضيع لج تعب يا رب .



    انا وقت الحمل زوجي ما يخليني افكر بعد في السفر .. لا يعني لا :( يحس ان انا حملي صعب ما يحب يجازف مع ان الطيارة ما فيها مشكلة و صار كذا موقف لناس نعرفه بعد السفر يا تصيرلهم مشاكل او بعيد الشر يموت الياهل :44: فخلاص تعقد ..
    بس انا احس السفر العادي المشكلة في الدوارة في السفر و المجهود و الا الطيارة عادية و انا بعد احس ان العمرة تعب و سعي و طواف يعني ان شاء الله عقب الولادة روحي قعدي اسبوع
    على طاري الولادة انا كنت كل اتخيل ان الماي ينزل علي في مجمع او في مكان عام بس الحمد لله نزل في البيت بس جاني الطلع و انا اتعشى في بيلا بس ما كنت عارفه و الصبح رحت المستشفى ولادة :)
    الله تمم لج على خير يارب .



    انا ما اشتهي اطلع من البيت بسبة الحر الله يعدي هالشهرين على خير يارب .



    ان شاء الله يارب و تكون هدية يوم زواجج ...:26:
  4. @lyn_1980

    code
    انا بعد احس سعره حلو الله يهنيكم . شرق الكل يقول ان ازعاج الطيرات مشكلة و بعد احس شوي ديكوره كئيب و يخنق مدري شلون .. يمكن لان احب المودرن اكثر .. ذكرتيني في ليلة عرسي سكنت في الشيراتون لان عرسي كان هناك .. قعدت الظهر انا و امي نحوس بين ا…
    غير وريح البنفسج الله يهنيكم ان شاء الله وتكملون مليون سنة مع ريايلكم قولوا آمين .

    ماادري النسبة للفنادق فانا من عشاق الرديزكارلتون يكفي البحر والحديقة اللي عندهم فمااتتخيل اروح مكان ثاني اقض فيه يومين .

    بس لوتعطوني افكار عن فنادق ثانية موجودة في قطر للاجازة الصيفية اكون شاكرة لكم .

    بالنسبة لغير الحوامل عندكم مخططات للسفر السنة الحالية ولا انا الله ماكتب لي الحمل افكر في لبنان او تركيا شرايكم ؟؟؟

    كود وام اسمى مالكم نية للسفر ولا عاجبكم الحر ؟؟

    بنات ادعولي موعدي للتحليل يوم 14-6-2010 ادعولي وسلام للجميع .

    كود انا سقطت في الشهر الخامس والسبب قالوا لي بكتريا ماادري الله كتب لي شلون اتجنب البكتريا المرة القادمة ؟؟؟

تابعي تجارب أخرى من هذا القسم.