قلبي محرووووووووووق على أولادي

والله ثم والله ثم والله بي من الضيق والهم مايعلم به غير رب العباد

انا عندي ولدين من زواج سابق تعبانييييييين ومشتتين ومعذبين بكل ماتحمله هذي الكلمه من معنى كل سنه في بيت من عندي لعنده

ودي احكي لكم بالتفصيل الي جرى عليهم وعليه بس متأكده اني راح انعرف لأن قصتهم عجيبه وفيها احداث مامرت على احد

حاولت بكل الطرق احميهم ابعد الأذى عنهم بس لا الأهل ولا الحكومه ولا الظروف ساعدتني حتى الطلاق طلبته من زوجي الثاني ابو بنتي كرمى لعيونهم

الحين الساعه خمسه العصر رجعوا لأبوهم ومرته والله اني ابكي واحس صدري فاااااااضي وقلبي منخلع والغصه في حلقي ذبحتني خايفه عليهم وحزنانه وشفقانه ومقهوووووووووره
قتلني الحزن الي بعيونهم والقهر الي في قلوبهم عارفين اقل مصيبه جرت عليهم اش هيه وبدون تفاصيل ابوهم واهله وقفوا ضدهم وكذبوهم ونصروا بنت الناس عليهم وهم بعيونهم شافوا الي سوته فيهم

بنت الناس ماأبي اتكلم عليها ولا أبي أدعي عليها وتكفون لاتدعون عليها والله مادورت خراب بيتها وماأبغى مشاكل الله يهديها

ابي الراحه بس لعيالي أبيها تشيلهم من راسها ولا تشوف فيهم طليقة زوجها ابيها تشوف فيهم الأجر والثواب بس


الله يحفظ لكم عيالكم ماأبي أحد يقول سوي وسوي أو خذيهم أو اشتكي أو دخلي أحد أو .. أو ...كل مايخطر ببالكم عملته لكن اعيتني الحيله ولازلت أحاول

الحين انا بس من حرقتي عليهم بعد ماودعتهم واستودعتهم الله دخلت فراشي ابكي وادعي الله حسيت نفسي بأنفجر ودي أصيح بأعلى صوتي وتذكرتكم حبايبي وحسيت بحاجتي لكلمه حلوه منكم ودعوه صادقه يفرجها الله عليه

ويحمي اولادي من كل شر لأن البلا يزيد عليهم بعد ما يكونون عندي

تكفون ادعولهم الحين ان الله يكفيهم شر ابوهم وعمتهم ويحنن قلوبهم عليهم ويهديهم ومن اراد بهم سوء ان يرد كيده في نحره ويشغله بنفسه

واعذروني اذا طولت مارديت لأنني الحين والله تعبانه مانمت ولاأكلت وبرجع بيتي لأني عند أهلي بحاول اريح نفسي وارجع لكم

أرجوكم اولادي لا تحرموهم دعواتك الحييييييييييين على دخلتهم لعمتهم اللهم يامن لايعجزك شي احفظ عيالي من كل شر واحميهم وارعاهم بعينك الي ماتنام ودعتكم الله يانور عيوني






الله يجزاكم كل خير والله اني اقرا دعواتكم وكلامكم وأبكي لأنكم تأثرتم وحسيتوا فيني قاعده أقول هذا وأنا ماقلت لهم كل شي

أسال الله الواحد الأحد يحفظ لكم عيالكم وكل غالي عليكم وماتشوفون الي شفته فيهم

والي تسأل عن أعمارهم الكبير 11سنه والصغير 9 سنوات
وودي اني أقدر أطمنكم عن أخبارهم بس والله العظيم أنا بنفسي من يخرجون من عندي الين يكتب لي ربي شوفتهم مره ثانيه ماأدري عن أخبارهم ولاسمح الله لو ربي قدر وأخذ واحد منهم ماأستبعد يوصلني خبرهم وهم تحتها مع انهم من الأقارب بس أبوهم مقاطع أهله والكل
ورغم كذه أهله ماأنصفوا أحفادهم عشان كذه ذبحني التفكير وكل ساعه اقول ياترى كيفهم الحين

صحيح اني أضحك وأخرج وأحاول أتناسى بس كل الي حولي دايم يقولوا مهما تسوين باين الحزن في عيونك وتنهيدك وشرود بالك


والله فيه جمله قالها الكبير الى الآن والين أموت وأنا كل ماأتذكرها حروفها سكاكين تجرح قلبي

لما زاد الضرب ووصل لمرحله خطيره ماينسكت عليها خاصه انه الكبير عنده اعاقه بسيطه وكانت تركز الضرب فيها
تدخلت كذا جهه خاصه وعامه وصاروا الأولاد موضوع حديثهم وفين يروحون ومين ياخذهم والي يقول ماني مكلف والي يقول ماأبغى أربي من جديد والي يقول ليش تربي وتضيعي حياتك وهي يخلا لها الجو والي يقول مسؤولية

وكل هذا الكلام قدامهم وهم يسمعون وفي مره قال الكبير لأخوه وأنا معاهم صرنا انا وأنت كأننا اولاد شوارع ولاأحد يبغانا

ياربي بغيت أموت وطلبت الطلاق ويشهد الله يشهد الله يشهد الله عليه أنا طلبته من هنا وعرفت اني حامل من هنا وأصريت مع كذه عليه بس أسكت أحسن الي صار بعد كذه ماأدري وش أسميه خديعه خوف عليه يبغوا مصلحتي الله اعلم بس مدام ماعندي وظيفه وحملي على غيري مالي حيله اتكلم
مقهوره من ابوهم واهله واهلي وزوجي والحكومه والقضاة وحقوق الانسان
لكن الظالم وحده رب العباد يقدر عليه

لكم عهد مني ان شاء الله كل مارفعت يدي لفاطر السموات والأرض أدعي لكم يابنات هذا المنتدى انه يحقق أمانيكم ويسخرلكم الناس الطيبه ويقر عيونكم بالضنى الصالح ويكفيكم من كل شر

اسال الله لي ولكم الرضى التام وحسن الختام ونزل الكرام







322 تعليق 20,527 مشاهدة

شاركي في النقاش

سجلي الدخول لإضافة تعليق.

التعليقات

311
  1. @mlk_alshmookh

    الله يكفيهم شر ابوهم وعمتهم ويحنن قلوبهم عليهم ويهديهم ومن اراد بهم سوء ان يرد كيده في نحره ويشغله بنفسه
    الله يجمع شملك بشملهم يارب
  2. @quotquotbylsanquotquot

    والله بكيتيني معاااااااااااااك
    اسال الله الكريم رب العرش العظيم في هذا اليوم الفضيل انه يفرج همك وهم كل وحده انحرمت من ضناااااااااااااها
    وحسبي الله على كل مرة ابووووو تحقد على الاطفااااااااااااااااااال
    مالهم ذنب
    والله يردهم لك عاجل غير اجل ياااااااااااااااااااااااااااااارب يارب ياكريم ويبرد قلبك
    بشوفتهم ويريح بااااااااااااااااااااااااااااااالك
  3. اللهم يارب ف هذة الساعه لعلها تكوت ساعه مجابه احمي اولادها من كل شر يارب يارحيم انت ارحم باولاد من الام والاب فادخلهم ف حفظك يا رب ولاتعرضهم لاي اذي واردهم الي امهم ردا جميلا كما رددت موسي لامه ياكريم استجيب دعوتها وفرج همها واشرح صدرها ويسر امورها يارب ياكريم يارب واجعلهم لامهم قرة عين لها يا ارحم الراحمين
  4. @rymoon_2009

    اللهم يارب ف هذة الساعه لعلها تكوت ساعه مجابه احمي اولادها من كل شر يارب يارحيم انت ارحم باولاد من الام والاب فادخلهم ف حفظك يا رب ولاتعرضهم لاي اذي واردهم الي امهم ردا جميلا كما رددت موسي لامه ياكريم استجيب دعوتها وفرج همها واشرح صدرها ويسر امورها يارب ياكريم يارب واجعلهم لامهم قرة عين لها يا ارحم الراحمين

تابعي تجارب أخرى من هذا القسم.