شاركي في النقاش

سجلي الدخول لإضافة تعليق.

التعليقات

2,006
  1. @ghyr_4

    ام اسمى

    اخبارج .. ؟
    واخبار بنوتج .. الله يخليها لج وتقر عينج بها عروس يا رب ..

    \\


    ريج البنفسج

    انا بخير عساج بخير .. و البيبيات يسلمون عليج ان شاء الله ما عليهم شر
    انا عيد زواجي يصادف 9 - 7
    مب نفس اليوم .. ولا جان تصرقعت خخخخ تخرعني هالمصادفات . .
    وعن العمرة والله فخاطري اروح ماتصورين شكثر
    بس يعني محد مقتنع ولا راضي ويقولون لي حملتي بتعب وجي ..
    مع اني مقتنعه ان اللي الله كاتبه بيصير
    سبحان الله بعيد الشر يمكن ينزل البيبي لو الله كاتب وانا منسدحه بفراشي
    ما يندرا يعني
    عموماً .. قلت مب رايحه .. مابي حد يشيل همي هناك ويحاتيني كل شوي
    خليهم ياخذون راحتهم وانا ان شاءالله اول ما اخلص الاربعين بروح ..
    وعقبها على طول السفره اللي كانت فخاطري .. ولا رحتها ..!
    وعن طاري دبي :
    اقولج انا لحين متردده لاني مش عارفه اضبطها شلون مع حجوزاته
    لو قدرت اقنعه يخليني انا احجز وارتب الموضوع بيكون اوكي
    بس ماظنتي ريلي يرضا لانه من النوع الي يحب يشرف على كل شي
    وعلى سالفه الكيكة و الدرجه الاولى ..
    حلوووة بس تعرفين ما بتضبط متاكده ..
    لاني مش معقوله بشيل كيكة معاي طول الطريق لـلطياره
    بياكل قلبي يبي يعرف شفيه الكيس خخخخ ادريبه ..!
    والله محتاره .. مع اني دايماً تكون عندي افكار سمبتيك واحب افاجـئه بس من حملت احس صج صج مخي مقفل ولا لي بارض
    شرق حلو .. و ان ما صار سافرت و لا ما سمح لي الدكتور
    راح احجز نفس السويت اللي قعدنا فيه
    مع اني كلش ما اتمنى لاني جد ابي اغير جو ..! وابي مكان يديد ..
    احنا قعدنا فيه 4 ايام لين سافرنا ..
    تجهيزهم حلو الورد اللي ع السرير .. و تجهيز الحمام .. مع الملحف اللي حطيته و ترتيبات اختي فديتها بعد
    كان شي خيال صج ..!
    انا كان فيني فقر نوم بس ما كنت احس بتعب اني ابي ارقد ..
    بس كله طلع علي يوم سافرت تخيلي كنت كل ماركب السياره ارقد لو المشوار بو 10 دقايق هههههههههههههههههههه
    والله اتذكر شكلي افشششششششششششل .. ريلي لحين ماسكها عليّ ..
    وكان فيني نقص اكل استحي اكل جدامه
    اطلب بس ما اكل .. وهو ياكل ولا يستحي مني و انا تنبط جبدي
    تميت فتره على هالحال .. كلش ما اتهنى بالاكل .!
    لقمتين سد يوع وانتها الموضوع
    وهو يخلص صحنه وصحني ..
    ههههههه والله ذكرتيني بايام ..
    ,
    وعن تجهيزاتي :
    والله مافي شي معين لحين في بالي
    بس اليوم قررت اني اقص شعري مع اني قاصته شهر 1
    بس وايد متملله من شكلي وهو اصلا يبيله تريتمنت من قلب
    ف احتمال اقصه
    وباتحنى اكيد حنى عروس
    والهديه للحين محتاره .. لاني خذت له كل شي .. ساعه , قلم وازره , ثياب عطورات كل هالخرابيط ف مادري
    واذا ريلج يحب التكنولجيا اخذيله آي باد .. اجدد شي فالتكنولجيا .. و مب غالي سعره حلو
    ولا ايفون .؟


    \\

    بنت الظهران

    ماشاء الله الله يتمم عليكم و طول العمر مع بعض يا رب
    ان شاء الله تحملين وتكون احلى هديه لريلج فهالمناسبة


    \\


    كود

    انا مابي افكر شبيصير فالولاده وبلاويها من الحين لاني كله مريحه نفسي واقول اني بولد قيصري اذا الله تمم علي حملي ان شاء الله
    بلا عوار راس بلا طلق بلا ماي و غيره
    عاد ما يندرى لذيج الحزة الله يستر
    بس سؤال ع السريع ك اذا في البيت شلون رحتي المستشفى وانتي تخريّن ؟
    كله هالسؤال يجي في بالي ههههه

    \\

    لين

    الرتز حلو .. بس التغيير احلى !
    يعني اذا دايماً تروحين له غيري
    الفورسيزن وايد حلو و اذا عندج عيال البرجه وايد تونس
    انا يوم رحت وديت عيال اخت ريلي و غيروا جو من قلب
    وايد حلو المكان ..
    بس الغرف صراحه حستها عادية نفس الرتز وغيره ..!
    يعني لا تقارن بـ شرق و الدبليو و هالفنادق اليديده ..

  2. @am_asm

    هلا غيورة ربي يتمم عليج .. بنتي بخير تسال عنج العافيه عقبال ما تشوفين بيبياتي يراكضون حولج
    حبوبه ان شاء الله بتروحين العمرة كل شي لاحقه عليه الحين انتي عندج مهمة ها لحمل ديري بالج انا والله خاطري اروح من احط على قناه السعودية على القران ولا السنة اقعد اشوف الحرم قلبي يطير وريلي مب فاااااضي كلش يقول ماحب اروح بالحر .. وافكر ببنتي ما اصبر عنها ماقدر اخليها اقول بتعبها معاي ..اقول بخاطري بعد رمضان اذا ما بديت علاج اذا الله اراد
    بنت الظهران ربي يجعل ايامكم فرح و سعادة و تكونين حامل ان شاء الله ...
    تصدقون انا اشوف سوالفكم و تواريخ زواجكم و ناسية عمري يوم زواجي 18 _7 العام نسيت يوم زواجي و السنة اعتقد بيلحق العام :( بس بسوي تنبية بتيلفوني
    وااااو طمنينا و ينج ...؟؟ اكيد بدا الوحام ياربي يتمم عليج
    ضحكت بنتي ..شخبارج ؟؟
    لين يارب يفرح قلبج بالخبر الطيب و تفرحين ان شاء الله .. بخصوص السفر ماضنتي ماقدر اخلي بنتي و اسافر و اخر مرة رحت لندن من شهرين يننتني بنتي ما تحب المكان الضيق وكان برد قعدت 5 ايام و ردينا ماقدرت اقعد كلشششش صعبه السفر مع يهال وماقدر اخليها عن اي احد لانها متعلقه فيني ..
    كوود شحالج ؟؟ تتكلمين عن الحر .. الله يعين انا من العصر اشغل رشاشات الزراعه البيت بالحوش حتى يبردن الارض الله يعدي ها الصيف السنة رمضان غير و اذا الله احيانا رمضان اللي بعده بعد غير يارب يعطينا اجرة ..
    بنات مازال الام الدورة يروح و يرد عليه تذكرت اج ار لما نزلت عليها الدورة .. وانا مسويه تنظيف مادري بيرد ينزل عليه شي ولا لا ...وبعد تفكير طول قلت ااجل التجربة لاخر 10 بيكون تطمنت على بنتي في الحضانة ..و يكون قد سويت عملييت و الحمد الله ماوراي شي ..و بفضى للابر و التنشيط والله كريم :)
  3. { غير ~
    ام اسمى اخبارج .. ؟ واخبار بنوتج .. الله يخليها لج وتقر عينج بها عروس يا رب .. \\ ريج البنفسج انا بخير عساج بخير .. و البيبيات يسلمون عليج ان شاء الله ما عليهم شر انا عيد زواجي يصادف 9 - 7 مب نفس اليوم .. ولا جان تصرقعت خخخخ…
    تصدقين انا بعد وايد احب الرتز كارنتون سكنت فيه مرتين و تكونين بعيدة عن الدوحة و جوها .. بيت اهلي ساكنين في الجراند حياة الفلل صار لهم فترة .. شعععععععبببببببببي شعبي على الاخر الخدمة نجمة و ربع حدهم مب ٥ نجوم مع ان المكان حلو و الفلل راقية بس نوعيات الناس و الخدمة لوعه ..

    ما سألتيهم عن البكتيريا و شلون تتجنبينهم ؟؟ هي نفسها اللي تجي من الاكل او الاكل الغير مطبوخ و الا شي ثاني ..؟؟
    يا رب يبعدها عنج يارب .

    و انا شكلي مافي سفر هالسنة وراي تجهيز البيت و مصاريف البيت ما اعتقد لاني ابي احاول انقل على شهر ١٠ او ١١ ولو قبل احسن .. الله يسير يارب .. الحر وايد حلو اليوم رحت البيت و للحين ما ركبنا المكيفات على الاسبوع الجاي ان شاء الله اليهال يصيحون من الحر .. موت قلتله و الله ما ادخل المرة الجاية الا لما تركب المكيفات ..



    ايش تبين في القيصري انا اول ولادة كانت قيصري ما عطوني فرصة حتى يجيني الطلق لان كان قاعد في بطني و راسه فوق فقرروا القيصري قبل اي شي .. و ذيك الايام ما كان في المستشفى للحين بنج نصفي سويتها بنج كامل .. وولدي الثاني ولد طبيعي فرق الطبيعي الف مرة احسن .. بعد الولادة تقدرين تقومين تركضين القيصرية اسبوع امشي عوية .. عقب القيصير كرشت و الحمد لله عقب الولادة الطبيعية الكرش اخف و رجع بطني طبيعي وايد اشياء كفاية شوفت ولدي لحظة ولادته فقدت هالشي في ولدي الكبير اذكر ما شفته عدل الا ثاني يوم لاني يوم كنت في العناية .بالعكس لو توأم حاولي تولدين طبيعي احسن صدقيني و الله يخلي ابره الظهر.. صج انا ماقدرت اخذها بس غيري ما شاء الله ياخذها و مرتاح عليها .

    يوم ولادتي الله يسلمج ابي ارقد احس شي مضايقني و كل شوي اروح الحمام الله يعزج مافي شي احس اني حصرانه بس مافي شي بعدين دريت ان ضغط الياهل و الولادة اخر مرة رحت الحمام نزلت بخة كبيرة ماي عرفت ان السالفة صج عاد لبست اولويز صديقي الصدوق خخخخخ و رحت المستشفى و قالو لي تسريب في الكيس ( ليك ) جات تكشف و كانت دكتورة قطرية و اخلاقها خايسه و انبط في ويها الكيس و عصبت بس عادي كنت امشي و اتحرك ينزل الماي بس لابسة فوطة و اوكي و اصلا انا ما التعب ما تفرق ينزل و الا ما ينزل ..قصتي طويله بس هذي باختصار يعني الماي ينزل اول شي كمية بعدين يصير اوكي .. بس نصيحة لو ياج الطلق ان شاء الله روحي المستشفى لابسه فستان و الا جلابية انا رحت لابسه بنطلون و تعالي افصخي و البسي .. تعذبت ..

    طولت عليج ما صار سؤال .. :42:
    الله يتمم لج على خير و تفرحين ..

تابعي تجارب أخرى من هذا القسم.