أسكن امي بالسطح وش راااايكم

ماعليك من الناااااااس بعدين شقه بالدور الثالث السطوح اذا غرف بالسطح لاحد يهمك ماقصرتي فيه رجال ماقدرت تسكن امهاتهم رايتك بيضاء ماعليك من كلام الناس

اهم شي راي امك
واذا امك تقدر تطلع وتنزل مع الدرج عادي

ما فهمت يعني بالدور الثاني يضغطك ماديا وبالسطح ما يضغطك؟
وضحي لو سمحتي لان البيت كله لك سواء السطح او الدور الثاني فليش الضرر عليك اكثر اذا سكنوا بالدور الثاني؟؟

أنا أتوقع إن سبب إنك تسكنينهم على قولتك بالسطح عشان الأجار يعني آجار دور ثاني لا يقارن بدور ثالث وتبغين تشيلين شوي من العبء المادي اللي على ظهرك ..

واللي يقول لك إنه مايسكن أمه بسطح بقول له اللي يده بالمويه مو مثل اللي يده بالنار..

أنا الحين سهل علي أقول لك لو إني منك سكنت أمي بالأرضي وما إلى ذلك من هالكلام .. بس أنا حاسه باللي تمرين فيه ..

تخيلي مره أبوي تعبت جدتي وماصارت تقدر تطلع لغرفتها اللي بالدور الثاني راح بنا لها غرفه بجمب البيت لها بابين واحد على الحوش والثاني داخلي على البيت والغرفه كأنها بداخل البيت بس لها باب خارجي للحوش .. والله الناس مارحموه إيه مسكنه أمه بملحق بالحوش وقاعد هو وعياله بالبيت بس أبوي والله ولا همه أهم شي حنا مرتاحين وجدتي مرتاحه لها غرفه خاصه بحمامه ومغسلتها وبالدور أرضي ... لو جلسنا نسمع كلام الناس ماراح نستفيد .. وتخيلي إذا جانا أحد وشاف الغرفه قال حسبي الله على الناس اللي مالها هم إلا تحكي لأن الغرفه مافيه شي معيب ..

يا أختي أول شي إلسانك هذا وأنا أخيتك عدليه كلمة سطح لا تقولينها .. قولي دور ثالث وأهم شي لا تحسسين أحد إنك غلطانه لأن أهم شي إنك واثقه من نفسك لأن هالثقه تسكت ألسنة الناس ..


مافيه أي مشكلة أمك تسكن بالسطح على قولك دام إنها راضيه ودام إنها بصحتها تقدر تطلع الدرج لو ماتقدر ما أنصحك حرام تعب عليها ..وأهم من هذا كله إن الدور زين وعلى كلامك ماشاء الله كبير

أحس إني قرقت كثير بس الله يهون عليك وييسر لك أمور ..