السلام عليكم ورحمة الله وبركاته:26:
بما أن الصيف بداء قلت بانزل لكم أيس كريم من تصليحي بالصور طعمه مابين أيس كريم لندن وأيس كريم باسكن روبنز(يعني يلعب بين الحبلين)
صراحه طعمه غير طبيعي ولا هو متعب ولامكلف بس سويه قبل بيوم وبالعافيه عليك
ودعو لي الله يبرد علي في قبري
يالله هذي طريقته مع الصور
هذي صور المقادير
أخلطي في كأس الخلاط :
3ظرف دريم ويب(أناماحصلت دريم ويب وحطيت كريم شانتيه )
8ملاعق حليب بودره
1 و نصف كأس ماء بارد
فنجال سكر
وتستمري في الخلط لمدة خمس دقائق حتى تعلو الرغوه ثم تصبيه في زبديه تكون ضيقه من الاسفل مثل هذي
عاد ويبدئ أبداعك أما تخليه ساده اوتحطي معه أي نكهه تحبيها أنا حطيت طبقه شكولاته هيرشي السائله وطبقه بسكوت اريو ثم هيرشي ثم أوريو وكان لذيذ بالمره:33: واذا بغيتي حطي واحد منهم بس ,ومره حطيت التوفي السائل (لآني صراحه احب باسكن الي بالتوفي وكان لذيذ بس جربت مره أحط مكسرات وخرب الطعم :09:كله لانها ترطبت وصارت لينه)
وخليه بالفريز لمدة 24ساعه وهذي صورته في النهايه بالعافيه على قلوبكم
حطيت ملاعق باسكن روبنز عشان أعيش زوجي الجو هههه
ها وش رايكم فيه
ها وش رايكم هذا أول موضوع انزله في هذا القسم يستاهل يكون بدايه مشرقه ولالا
وترا بتحطم لو قلتو لا :29:
شاركي في النقاش
سجلي الدخول لإضافة تعليق.
التعليقات
28مواضيع مشابهة
تابعي تجارب أخرى من هذا القسم.