
مرحبااا بجميع الحوائيات
اكيد كلكم راح تستغربون من موضوعي و كل وحده تقول بينها وبين نفسها الحمدلله اكيد مافيه احد عيونه من زجاج :09: بس انا راح اترك لكم الاجابه بعد قراءه الموضوع
طبعا اللي اقصده انه كثير من النساء تنظر للامور من ظاهرها يعني تعكس الشي اللي تشوفه وبس بدون ماتفسره او تنظر له من ناحيه ثانيه يعني مثل الزجاج نظرتها احادية البعد >>>> كني قلبتها موضوع علمي
عشان توضح الصوره اكثر راح اطرح بعض المشاكل اللي كثيررر مانواجهها في حياتنا و تتكرر كثير في منتدانا الغالي
الموقف الاول:
بنات اهل زوجي زوجوا ولدهم اللي بعد زوجي وحده جميله مرررره وانا جدا متضايقه :44:وخصوصا كل مااشوفها عندهم واقارن بينها وبيني اتضايق ساعدوني وش اصلح؟؟؟؟
الردود:
1 الله يعينك والله شي يقهرررررر
2 حاولي تهتمين في نفسك عشان تتطلعين احلى منها
وجهة نظري:
ان المشكله في نظرتك للامور انتي تنظرين لها من ناحيه وحده وهي الجمال طيب ممكن تكون تفتقد للجاذبيه في شخصيتها اللي انتي تتمتعين فيها و تتمنى تكون مثلك وممكن تكون مو مرتاحه مع زوجها و تتمنى انها تكون اقل جمال و تعيش سعيده معه وممكن وممكن اشياء كثيره لو نظرتي لها وحطيتيها في حسابك كان ما تضايقتي من وضعك بالعكس كان وجدتي نفسك اسعد و غيرك يتمنى يكون مكانك القناعه و الرضا و الثقه بالنفس من اهم مقاييس السعاده:)
الموقف الثاني:
بنات احس بضيقه و الم ماتتخيلونه عمري وصل للثلاثين والى الان ماتزووووووجت بنت خالي و اخواتي كلهم تزوجوا الا انا اتضايق كل مااروح لمناسبه او اجتماع صرت اقلل من اجتماعي في الناس عشان اتجنب نظراتهم لي:44:واسوني فانا بحاجتكم
الردود:
1 الله يرزقك بالزوج الصالح
2 الله يعينك صدق ما يحس بالنار الا اللي واطيها فلا ترد وحده متزوجه ردود مالها داعي:mad:
وجهة نظري:
الله يكون بعونك حبيبتي ويرزقك بالزوج الصالح فضفضي وخذي راحتك بس لا تتضايقين
حاولي تغيرين نظرتك للحياة انتي تنظرين لها من جانب واحد وهو الزواج انظري لحياتك من جانب ثاني حياتك لك والزواج مجرد اضافه لها ممكن تكون اضافه سعيده لا تخلو من المنغصات و ممكن اضافه تعيسه
انظري لتأخر الزواج بانه ممكن يكون خيره لك عشان تتقربين من ربك و تلتجأين له و قتها يجي يوم القيامه وانتي نلتي افضل الدرجات لصبرك واعمالك الصالحه اللي تتقربين فيها لربك وقتها الكل يتمنى يكون مكانك المتزوجه و غيرها
ممكن يكون تأخر زواجك فرصه لانجاب احلامك و تحقيق ذاتك
ممكن يكون تأخره فرصه اكبر لبرك بوالدينك و الحصول على الاجر الكبير
ممكن يتأخر صح بس تاخذين رجال:arb: الكل يتمناه من دين و اخلاق افضل كثير من اللي تزوجوا قبلك بسنوات
ويمكن ويمكن و تطول سلسله الاحتمالات
الموقف الثالث:
مرحبا بنات .. انا مشكلتي هي زوجي صراحه مااقتنعت فيه مايهتم فيني ولا يعطيني وجه هذا غير المصروف اللي تعبت اتناقش معه ولا فيه فايده صح انه مايقصر يقضي للبيت واذا احتجت شي يشتري لي بس ولو انا ودي بمصروف خاص فيني وش زودي عن اخواتي كل وحده زوجها يعطيها مصروف كل شهررررر وانا لا :icon33: فيه احد مثلي؟؟؟
الردود:
1 الله يعينك ويصبرك عليه
2 وش تبين فيه البخيل تطلقي منه احسن لك:icon28:
وجهة نظري :
غاليتي مشكلتك مو المصروف مشكلتك المقارنه انتي اخذتي الموضوع من جهه وحده وهي المصروف بس مافكرتي بان زوجك ممكن يدفع على مشترياتك الخاصه فقط اكثر من المصروف اللي تاخذه غيرك
ممكن غيرك تاخذ مصروف بس زوجها خاين فيعطيها فلوس عشان يغطي على خيانته
وممكن وممكن ...... يمكن المساله عنده قناعه في رجال عندهم قناعه ان الحرمه ماتحسن تصريف الفلوس فيفضل انه هو يشتري لها فليش اعاند وتكون نظرتي سطحيه مادام اني محصله اللي ابغاه و زياده
الموقف الرابع :
اتركه غالياتي لكم و المواقف كثيررررررره لانه ماودي اطول عليكم
و في النهايه اعيد السؤال هل عيناك من زجاج يالله كل وحده تجاوب بصراحه لكم مني كل الود:26:
ملاحظه : عزيزاتي المواقف ما اخص فيها شخص بعينه او مشكله محدده انا ماانتقد طرح المشكله بالعكس تكلموا وفضفضوا انا انتقد طريقة حلنا للمشاكل و روؤيتنا للامور فقط
ولاحظوا اني كتبت وجهة نظري وليس الحل يعني المسأله كلها وجهة نظر ممكن تكون صح وممكن خطأ >>> وحده خايفه من الردود الجارحه خخخخخ