زوجي والجوال

السلام عليكم ورحمه الله وبركاته
حبايبي ان شاء الله طيبين راح ادخل في الموضوع على طووووول انا متضايقه من زوجي
دايما ينصحي اني ابتعد عن المواضيع الاباحيه مع اخواتي حتى مع الناس بصفه عامه
ويقولي انا ابد مااتكلم مع اصحابي في دي المواضيع ولو فتحو اروح عنهم ومن ذا الكلام لاكن اكتشفت مؤخرا
اني كل ماامسك جوالو ياخدو مني بسرعه حتى شكيت انو في شي في الجوال
وفي مره دخل الحمام الله يكرمكم قلت فرصه افتح الجوال وفتحت ولقيت مقاطع اباحيه :06:
انا مرررره انصدمت فيه وانا اقول زوجي مو حق السوالف دي ويطلع منو هذا
دايما يقولي اي شي انتي متضايقه منو حتى لو مني اتكلمي لا تخلي شي في نفسك ومن دا الكلام
انتو اش رايكم افتح معاها الموضوع واصارحو ولا اش اسوي
انصحو جزاكم الجنه محتاجه لردودكم

19 تعليق 1,698 مشاهدة

شاركي في النقاش

سجلي الدخول لإضافة تعليق.

التعليقات

19
  1. @brkoaah

    والله يا اختي انا انصحك انك ما تصاريحيه ....هو خبا عليكي علشانه عارف انو الي جالس يعمله حاجه غلط فلمن تصارحيه ممكن يعتذر ويرجع يشوف هذي الامور ولا يهمه زعلك....ادعيله بالهدايه ****لله واغلب الرجال هذي الايام يشوفون هذي الاشياء الله يتوب عليهم يارب ... وزوجك جالس يحذرك لانه خايف عليكي ...
  2. حبيبتي انتي لا تفتشين وراه وادعي له بالهدايه .. لكن لا تصارحيه لانه راح ممكن ينكر او راح يحطك تحت الامر الواقع او راح يعتذر ويبدأ يحرص على جواله اكثر .. و بالمقابل اهتمي بروحك وحاولي انك تأدين واجبك على اكمل وجه ..

تابعي تجارب أخرى من هذا القسم.