جاء هذا الموضوع في وقته آآآآآآآآآآآآآآآآه ودي اصيح صياح من هنا لبكرا من شي خسرته على مكياج وعطور مدحوها البنات هنا ووصلوها لسماء وبالاخير رحت انا ادربي راسي ويالله دفع من الفلوس وخيرتها هذي هي عندي مركونه بالادراج وعليها الغبار:09: والبعض الاخر تم توزيعه على خواتي وخوات زوجي لاني بحلت فيها
اولا قلم كحل نوبا <خرااااااااااااااااط فاضي عادي جدا جدا وهذا هو عندي يسمعكم بالدرج له 3 سنين وشكل اخرته بالزباله
اساس فور ايفر<<خلاني شهبه هههههههههههه وجهي كانه مفروك برماد واخيرا صرفته على ادراج امي ياخسارة الفلوس:mad:
اساس ديور <<خفيف ومغبر اذا حطيته صرت كحليه هههههههههههههههههههه على اني اخترت افتح من درجة لوني بدرجه وحده بس ولكنه فاشل وغالي بـ300 ريال <ياحسرت قلبي على قريشاتي
عطر مس ديور وع وع وع انخدعت فيه ريحته مشابهه تماما لريحة الفليت حق الحشرات ومن اول ابخ منه واقنع روحي غصب انه حلو واخيرا وحده اعرفها جلست جمبي بزواج وطلعت نفس هذا العطر من شنطتها وتعطرت وقتها انا آآآآآآآآآآآآآآآع بغيت استفرغ على الطاولة:06: وبعدها خلاص تأكدت انه فاشل بكل المقايس وصرفته لاختي
كريم اولاي بخلاصة اوراق التوت <<مع الاستعمال اليومي سمرني وخرب بشرتي
المسكرة الشفافه (الجل)<<مجدوعه عندي لها 3 سنين برضوا<قال مظهر طبيعي قال
عطر الين وعطر كوكو شانيل <<غالين ولكن ثلاث ارباع سكان الكرة الارضية يستعملونهم يعني صارت الريحه تكرار يكره الواحد بالعطرين وفوق هذا كوكو شانيل كأني كابه على نفسي شامبو جونسون للاطفال
بودرة المضغوطه من ماكس فاكتور الكحليه وع وع وع اول ما احطها تتكتل تقولون حاطه طين على وجهي وما اتوب شريت منها علبتين<قلت يمكن غلطانه بالعلبة الاولى يمكن تقليد بس طلعت هي بحد ذاتها فاااااااااااااااشله:dry:
مجموعة الشاي الاخضر من زهور الريف مدح مدح واروح واشريها ومن زود البلاهه شريت منها بعد مجموعتين هدايا لعرايس يقربون لي وبالاخير ريحتها مو ذاك الزود
مجموعة فاكهة الباشن او زي كذا مو متذكره اسمها وهي برتقاليه<<ريحتها برتقال خربان ومعفن وهذي شهادة ابو الشباب:arb: واخير صرفتها لشغالة اهلي
كحل سمايلنج <<عاااااااااااادي والبنات الله يهديهم هنا مسوين زحمة عليه
خلطة وش السالفة لتبيض<<كلفتني 200 ريال ومصيرها زبالة الحمام وانتم بكرامه كاني متدهنه بزيت سيارات دبقة مرررررررررررره ومقرفة
خلطة لتبيض والتنعيم مكونه من كريمات طبيه مثل رتن اي الكنت و و و كلفتني 280 ريال وعاااااااااااديه ماحركة ساكن على اني مستعملتها بنتظام
مقوي الاظافر من مكياجي<<له 5 سنوات بدرج غرفتي
مكينة امجوي لنزع الشعر طيروها البنات بالمدح فوق فوق فوق وتخسرت 300 ريال واخرتها مجدوعه بدرج الغرفة من 4 سنوات وعليها الغبار طبقات
جل اللمعة من مااااااااااك فاشل وحقير وتافه<حاقده هههههههه خسارة 180 ريال
بودرة ماك المضغوطه كلام في كلام وبالاخير كانك حاطه تراب واشهب بعد ههههه
ماعليش كثرت عليكم الكلام بس حبيت انصح مو اي شي تشوفونه هنا بالمنتدى ركض تشترونه لا لازم تتأكدين منه وخصوصا العطور العطر بذات مايصلح مدح من احد العطر حلاته تشمينه انتي وتتأكدين لان الشخصيات والاذواق تختلف :42:
وكريمات الاساس بشرات البنات هنا مو واحد
اكتبي لناا العطوور والاشياء اللي شريتيها من مدح البناات ..وللأســـــف انخميتي فيها :(
متابعة النقاش، صفحة 8
