شاركي في النقاش

سجلي الدخول لإضافة تعليق.

التعليقات

2,241

  1. @krnfl_bydaaa

    ازيك يا ماما بجد انا فرحت اوى لما عرفت انك سودانيه لان كان لى اصحاب فى ثانوى سودانيات وكنت بحبهم بس اتفرقنا فى الكليه كل واحد راح بلده .واحده فى الخرطوم وواحده فى ود مدنى .ياريت اعرف انتوا عندكم دليل تليفونات فى السودان.وانا يا ستى ماشيه فى الاسبوع 8 عقبالك ان شاء الله

  2. @hlmy_alamom_2

    احلى صباح لخواتى
    مشتاقه كثير ومبروك فتح الملف الجديد يارب يكون خير علينا ويكون مليان اخبار حلوووووه

  5. @hya_nnshr_alkhyr

    يا بناات ..
    السلوى و النجاه و الراحه و الطمأنينه و تحقيق الأحلام عند مين ؟؟


    عند الدكتور و الدوا ... الدكتور و الدوا أداوات
    عند الأخرين ..... الأخرين لا حول لهم ولا قوة
    جوانا إحنا .... إحنا أضعف مما نتخيل

    وحده الله عز وجل مالك السموات و الأرض هو مالكنا و مالك حياتنا و مالك الكون كله


    طيب إحنا بنحب ربنا ؟ قريبين منه ؟ طب لو عرفنا إن ملك الموت قرب مننا شويه ... هنصحى الصبح نعمل نفس اللى بنعمله كل يوم ولا هنشتغل بكل قوتنا علشان نلحق نملا الشنطه الوحيده اللى هناخدها معانا لما ملك الموت يحضر ؟؟

    طيب لو إحنا فعلا قريبين ..

    المصحف اللى فى المكتبه أو أى مكان فى البيت بالأمانه كده مسكناه أخر مره إمتى ؟

    مين مواظب على الأذكار مهما كان مشغول ؟؟

    مين بيمسك نفسه ساعة الغضب ؟؟

    مين بيراقب ربنا فى كل كلماته و ألفاظه حتى لو كان الكلام بين إتنين بس ؟؟

    مين بينفق مما يحب ؟؟

    مين بيقرأ كل يوم سور مختلفه فى كل صلاه و مش شغال على قصار السور فقط ؟؟

    مين بيصلى و هو ناسى الدنيا بحالها و مش عمال يفكر فى أى موضوع تانى خارج الصلاه و عمال يرتب هيعمل إيه أول مايخلص ؟؟

    مين بيخلص النيه بجد و هو جاى يقدم على أى عمل ؟؟

    مين ممكن يسامح حتى لو الأذيه كانت ليه هو شخصيا ؟؟

    مين ممكن ينام بدرى مخصوص ويخلص النيه وهو جاى ينام علشان يصحى الفجر يصلى فرض ربنا ؟؟

    مين بيطهر قلبه أول بأول من أمراض القلب و النفس ؟؟

    مين بيستغفر بإنتظام أو بيسبح أو حتى بيختم الصلاه ؟؟

    أخر مره أقمنا الليل إمتى ؟؟


    .............


    أنا عارفه إن ممكن تكون نسبه كبيره مننا بتعمل كده و أكتر ماشاء الله ... لكن الدين ده عامل زى السهل الممتنع لو مازدش هينقص ... مفيش حاجه إسمها الحفاظ على نفس المستوى واللى بيحاول يعمل كده بينزل عن مستواه بمرور الوقت ... علشان كده لازم كل يوم يمر نقدم فيه ولو نصف خطوه .... علشان كده فكرت إننا نجمع بعض فى حاجه زى كده ولو فى الأول وبعد كده ممكن كل واحد يبقى عرف الطريق و يكمل لوحده

    طبعا الحاله اللى نتمنى نوصلها مش هنوصلها مره واحده ...... كل شئ بالتدريج
    يعنى ممكن نبدأ بحاجه بسيطه و لما نظبطها ندخل على اللى وراها مع الحفاظ عليها ..... ده فى العبادات العمليه
    وطبعا هنشتغل كمان على العبادات القلبيه ؟ لكن لسه فكرتها مش واضحه فى ذهنى دلوقتى ...

    لو حد مقتنع بالكلام ده وعنده النيه المخلصه و التفرغ للمتابعه يبدأ وله الأجر و الثواب
    وكإقتراح للبدايه ممكن نبدأ بموضوع الأذكار ... هتقولولى طب ليه مش نبدأ بالخشوع فى الصلاه
    هقولكم الخشوع فى الصلاه محتاج مننا نكون قربنا أكتر علشان نعرف نعملها .. و برضه هتبقى بالتدريج

    لكن الأذكار سهله و مش بتاخد وقت و سهل نبدأ بها

    وربنا يوفقنا كلنا ..

تابعي تجارب أخرى من هذا القسم.