تعالوااااا قولوا كيف تتعاملون مع الاطفال أثناء السفر تم دمج المواضيع الخاصه بالأطفال

17 يونيو 2010

طوال السنه واحنا مثل الالات دراسه 00اطفال 00وظيفه 00مشاكل 00هموم 00لكن لما يجي الصيف وطاري السفر نحس بالانتعاش والنشاط والفرح لاننا نجدد نشاطنا ونشم هواء ونغير جوا فتلقينا نحسب الدقايق والايام للحظة الانطلاق والتحرر من المسؤليات :icon28: لكن يواجهنا مشكله صغيره تاخذ حيز من تفكيرنا وتشغله 00هي تجهيز اغراضناالشخصيه للسفرومشكله كبيره بنظري سفرنا مع اطفالنا 00ومسكينه الام الشغل والتفكير فيها فيها عشان كل الامهات اللي بيسافرون مع اطفالهم حبيت احط معلوماتي واساعدها وارتب الشنط معها واذكرها ببعض التعليمات عشان سلامة اطفالها باذن الله 0000نبدا بالاطفال واغراضهم خلي لكل طفل شنطه يحملها بنفسه يكون فيها قصص ودفتر الوان ولعبته المفضله عشان يلتهي فيها بالطياره وباي مكان تروحون له وغيار له ومشروبات وخفايف لو جاع ومظله تتطبق لو بتروحين لمناطق ممطره وجاكيت واقي للمطر 00خلاص جهزتي شنطة كل طفل من اطفالك وتكون من النوعيه اللي تحمل من الظهر عشان ما يتعبون من شيلها طبعا هذا للي عمارهم فوق ال3سنوات عندك طفل رضيع نجي لاغراضه شنطته طبعا راح تكون مسؤليتك اشتري اللي حجمها يسمح دخوله للطايره وهو نفس الوقت يتسع لاغراضه و بعض اغراضك خذي الحليب علبه اذا كان بودره واذا كان يشرب حليبه بالكاس اشتري الكاس اللي مثل الترمس تلقونه الدانوب ب35 ريال وميزته انك تاخذينه لاي مكان مستحيل ينفتح وينكب ويبهذلك ويحتفظ بحرارة الحليب واكيد غيارين له ومناديل مرطبه وجهاز الحراره براون وخافض للحراره وشنطة اسعافا ت صغيره لو حصل جرح او شي لاقدر الله وكمان بخاخ ديتول لو احتاجوالحمامات عامه تعقمين المرحاض قبل لايستعمله طفلك عشان الامراض الله يحمينا وضروري ماتطلع من شنطتك هالاشياء الحين ننتقل لطريقة اللبس خليه مريح وقطني ماله داعي الكشخه واللبس الرسمي نبيه قطني ومريح وواسع يعني خلي لبسهم شورتات وقمصان قطن والجزم سبورت وصنادل شاطى اذا رايحين لرحله بحريه ولبس البحر تلقونه عند كارفور ب18 ريال للبنات والاولاد اما اذا منطقه بارده فمعروف اهم شي تاخذين جاكيت وبلوفرات ثقيله وقبعات اما الداخلي ماله داعي لان بردهم ما يخش العظم مثل بردنا والحين نبدا بالادويه وتكون بشنطه صغيره خاصه فيها وهي مسكن للصداع وخافض للحراره لكبار ومرهم للشد العضلي خصوصا اللي ماتعود على المشي وواقي للشمس للكبار والصغار كل طلعه حطيه لهم قبل بنصف ساعه ودواءللمغص وقطرة تعقيم للعين وقطرة لانسدادالانف مثل اوتروفين خذي حقت الكباروالصغارافضل من قطرة المويه والملح وما ننسى محلول الجفاف لو اصاب احد من اطفالك بالاسهال لاقدر الله نجي للاكل اذا طفلك بالاشهر ماينفع ياكل من المطاعم ولا ينفع يقعد على الحليب بس للاسف مالك الا الوجبات الجاهزه مع اني ما احبها بس مافيه حل الا سيريلاك والوجبات الجاهزه اللي بالسوبرماركت والبسكويتات المغذيه المحتويه على فيتامينات وللتنقلات ماننسى العربيه لازم ناخذها والا ما راح تستمتعون بسفرتكم لان الاطفال ما ينفعون دونها يتعبون للرضع وللاطفال اللي اقل من 6 سنوات لما كنت بسفره اخذت بنتي عمرها 4 سنوات قلت خلاص كبرت وما خذت عربيه وكانت من اكبرغلطاتي لان العربيات ما كانت متوفره بالمدينه اللي رحت لها واضطرينا نطلع لمدينه ثانيه عشان نشتريها لانها كانت تبكي وماهي قادره تمشي وانا وابوها تعبنا من شيلها فانتبهوا لاتنسونها و اذا عندكم اكثر من طفل تحت ال6 سنوات خذوا عربية التؤام احسن من عربيتين00وزي مانتواشايفين السفره طلعت لهم لانك لما تسافرين باطفالك لازم تنتبهين لكل صغيره وكبيره تتعلق فيهم لانهم امانه عندك لو صارلهم شي لاقدر الله تكونين مستعده له بالادويه والاغراض اللازمه ولا تغفلين الناحيه الامنيه حرصي قد ماتقدرين عليهم عشان كذا اشتري لهم بطاقه هويه البلاستيك وعلقيها على صدورهم وحطي اسماءهم وجوال زوجك وجوالك بالبلد اللي بتسافرين لها واسم الاوتيل ورقمه وتبينين انهم سعوديين بالانجليزي تكتبينهاطبعا لانه لو ضاعوا لاقدرالله بغفله منك يودونهم للسفاره او الاوتيل او يدقون عليكم وكمان اشتري السلاسل اللي تربط يد طفلك بيدك او يد ابوه 000وكل هالاجراءت ما تكفي ادعي لهم وحصنيهم وخلي عينك عليهم 00عشان كذا ما حب الاطفال يسافرون مع اهلهم للخارج وهم اصغرمن 6 سنين 00ورحله سعيده والله يرجعكم بالسلامه 0

تعالوااااا قولوا كيف تتعاملون مع الاطفال أثناء السفر تم دمج المواضيع الخاصه بالأطفال

التعليقات

بنات المدينه ... تعالواااا عندي سؤال ؟؟؟

بنات الرياض تعالواااااا .... عندي سؤال