السلام عليكم ورحمة الله وبركاته...
كيفكون صبايا عالم حواء الكرام..
:)
طبعا ابو طبيع مايجوز عن طبيعه وعائلتي الكريمه اليوم ((انا:27: وزوجي:arb: ولدي:04:))تناقشنا بموضوع يهم الاسره المالكه>>>اومما عااااد:42:
الموهيم قبل فتره جتني قطعة ارض في مكان مهجور جدا جدا وهي ملكي((حقي بقي)):icon28:
طبعا هاالقطعه تقريبا تجيب ميه الى ميه وعشرين الف ريال
طبعا اوخيتكن ماجاء ببالها تسوي فيها شي((كنت بخليها لولدي))
واليوم ماي هسبند فاتحني بموضوعها>>:42:
الموهيم يقول اشتري ضان نجدي مية راس بمية الف ريال ونحطها بمزرعتنا والضان تولد بالسنه مرتين>>>معلومة جديده بالنسه لي
والمره الاولى الي تجيبه لو تبيعينه من الف ((وغالبا 1600))لكن لو قلنا من الف بترجع لك راس المال ويبقى لك الحلال بضرف سنه تكون معك ميتين الف والراس باقي
مصاريفها الشهريه 3000 ريال ومقدوره عليهم احسن من انك تخلينها تسذا عرضه للنهب والسلب>>>:icon33:
وانا كنت اقوول اني بابيعها وازيد عليها واشتري ارض بمكان زيين وابنيها وااجرها
لكن يوم قال هالفكره كنها لزقت شوي براسي
بس مين يحلبها و يوكلها ويشربها ويهددها>>مو بالمسدس يهددها بالمعني الغنمي يرضع عيالها منها>>>شفتو اني ماني بهينه
قال عامل ب1200 ريال
كذا صار المبلغ104200مية واربع الاف وميتين الف
راس المال بمية الف
شهريا 4200
سنويا 4200ضرب 12=50400
مبلغ مو هين يعني طار نص الشي يعني بالسنه المكسب مية وخمسين الف :icon33:
بسنتين اجيب ارض
بالمختصر طيب اذا جاها مرض ولا انا لاني الي بالزيت ولا الي بالطحين:icon33:
وان تركت الارض ماستفدت شي
ارائكم تهمني>>تبي تصير تاجره خخخخخخ>>لو تقعدين بيتك اصرف
وماي هسبند مو محتاج لاتجي وحده داقه الفين تقول طمعان
طبعا شاورت ولدي عن طريق اني سويت قرعه واختار لا ثلاث مرات وانتن وش رايكن معي ولا مع ولدي والا مع زوجي
والسلام خير ختام
شاركي في النقاش
سجلي الدخول لإضافة تعليق.
التعليقات
85- توني حاطته بسم الله مسرع انحذف ورا
هيلا هوب - الله يكتب لك اللي فيه الخير بس تري الموضوع مو كلام بس الموضوع يبي له اجتهاد ومصارييييييف اعرف ناس كثير مسوينها يعني يبي لك تكونين مفتحه ومهتمه وفيها باذن الله خير كثييير الله يسهل لك يااارب
- هههههههه شكلك شطوره با الرياضيات
ماعندي فكره ابد البيع والشراء والتجاره كلها مالي فيها بنوب
الله يوفقك ويكتب مافيه الخير - اذا ذبحتي منها شي للعزايم لاتنسيني ولا تنسيني من حليبها وسمنها شفتي جبت لك افكار ثانيه ترا سمنها يطلع لك مبلغ وقدره كذا اخصمي راتب الراعي بصراحه فكره حلوه الله يوفقك وقبل كذا استخيري واذا ارتحتي ابدي وبالتوفيق
- خخخخخ الله يزيدك من نعيمه بس الغنم تبيلها مدارات امي عندها غنم وكل اسبوعين يضيع منها والا يمرض والا يجي حنشل ويسرقون منها هذا غير الصبي اللي ماله خاتمه ينحاش ولاعليه من شي ومره جابت صبي قعد 6شهور وش زينه طلع الحمار يسوي عرق في غرفته ويبيع بالعربي الغنم قلق
مواضيع مشابهة
تابعي تجارب أخرى من هذا القسم.