شاركي في النقاش

سجلي الدخول لإضافة تعليق.

التعليقات

152
  1. @msrkaa_hanm

    طيب انت قلتي المجتمع
    وهذا اللي تتكلمين عنه بعد نتاج المجتمع يعني مافيه اي عادات او ادله تحدد زواج الكبيره قبل الصغيره
    طيب لو وصلت الكبيره لسن كبير واللي بعدها واللي بعدها
    والبنات الصغار كان يجيهم اكفااء لكن الاهل ردوهم عشان الكبيره وكلن كبر وراحت على الجميع وترى هذا ملاحظ كثير لاتقولين شوي ويجي نصيبها
    الا سبحان الله اذا انرد الكفؤ عن الصغيره بدا يطلع كلام عن هالعائله وانهم موب مزوجين بناتهم ومهوب عند اي احد يحطون وكلام مهوب واقعي ولا صحيح
    اما السمحين سبحان الله لاحظت كثير تزوجو الصغار ثم انفتحت الارزاق للكبار .... ولكل قااعده شواذ
    وعلى كلام الناس يختي متى الناس صكو حلوقهم !! كلن متأذي الله يعفو عنا وهذا هو سبب اكثر اهل النار
    لكن اذا جاك نصيبك الرجال الكفؤ وردوه اهلك يومها بتتضايقين
    تخيلي انك الصغيره وعمرك بالعشرين وجاك الكفؤ لكن اختك اكبر منك وماجاها النصيب بتنتظرين ؟ لا تجاوبين على طول
    فكري شوي
    تخيلي انك واصله لاخر العشرين ونصيبك معطل عشان اختك الكبيره وانت يجيك الكفؤ وممنوعه من الزواج وانجاب الاطفال والرجال يخطبون لكن ينردون عشان اختك ماربي كتب لها الزواج او ما جاء نصيبها ؟
    هذا رزقها من الله سبحانه وتعطيل رزقها ظلم لها ..
    صدقيني المجتمع اللحين يتصلح مهوب يخرب اول هو الخربان اللي البيوت مليانه ويردون عشان الكبيره
    اما اللحين بدو يخافون الله ويفهمون الدين صح والظلم ويحاربون الغلط
    ومالك الا الدعااااء ياقلبي
    وصدقيني الموضوع صعب لكن الاصعب انك توقفين بوجه نصيب اختك بس عشانك انولدتي قبلها وعشان جاها رجال كفؤ وانت ماجااك
    ولاتقولين اللي يده بالمويه ومدري وشو
    الا اعرف ناااس عزيزين على قلبي ويهمني امرهم زي نفسي ويتقدمون للصغيره قبل الكبيره
    وهي بنفسها اللي تقول : اسالو عنه اذا فيه خير لا تقطون رزق اختي بسببي
    واكيد هي تتعذب زيكم لكن هذا نصيبها والله يرزقها بقدر ماهي اثرت على نفسها
  2. @mdmnh_shokolah

    صديقتي الروح بالروح انخطبت قبل اختها وملكت بس ابوها رافض يتم زواج

    الا بعد مايزوج الكبيره

    تدرين ان الرجال صبر 8 سنين وخلال هالسنوات يكلم ابوها انه يتمم لهم زواج ويرفض

    الا بعد ماتنخطب الكبيره

    وطفش ومل قالو لابوها هذا نصيبها وربي بيرزقها رفض شايب واصر على موقفه

    قال الرجال: ياعم اذا مازوجتوني هالسنه بخطب واتزوج

    وابوها قال اصبر وانا عمك من هالكلام

    كلمتني من 3 شهور تبكي تقول خطب والحين له شهر متزوج

    وارسل ورقه طلاق صديقتي ويقولها يشهد ربي اني ماقصرت صبرت وحاولت بس الى متى ببقى كذا

    ويوم الخميس اللي فات اختها الكبيره تملكت من ولد خالة امها وزواجها بـ 28/ 7

    شفتي القهر شفتي الظلم

    واختها الكبيره ولاهمها فرحانه تتجهز للعرس حتى يوم تطلقت صديقتي ماواستها بنص كلمه

    قال ايش قال مجتمع اهبل

    طيب وش تسوي اذا الكبيره مالها نصيب ؟

    وش تسوي اذا اختها ربي مارزقها الجمال ؟

    تسجن نفسها علشانها

    وبعدين تبون الحق لو كل عزابيه المملكه يتزوجون كان مابقى بنت في بيت اهلها

    ربي يرزق بنات المسلمين جميعا وبنات عالم حواء زوج الصالح التقي الرومانسي الحبوب

    ويسعدهم دنيا واخره
  3. بالعكس انا اشوف اسوا عاده في مجتمعنا الاهالي اللي مايرضوا للصغيره تتزوج قبل الكبيره يعني عشان وحده عنست يعنسوا الباقي كلهم بسببها حتى لو خطابهم طوابير طيب لو كانت الكبيره جمالها مختلف خلاص تخرب على اخواتها كلهم مع ان نصيبهم عالباب بس عشان عادات وتقاليد صراحه هذي من العادات اللي ترفع ضغطي ياحرام في بيوت البنات سبعه او 8 فوق الاربعين جالسين محد عندهم حتى بهتم فيهم وليش عشان الكبيره ماجاها نصيبها وجلست اخوانها كلهم معاها مره مشكله
    ومستحيل يكونوا الاخوات نفس بعض بكل شي حتى لو كلهم حلوات نوع الجمال يختلف ناس تحب الجمال الناعم ناس تحب الجمال القوي وحتى لو كلهم توائم سبحان الله الا مايكون شي مختلف في الشعر او طوله او لونه في الجسم في الصوت في الشخصيه خفه الدم او ثقله شخصيه البنت مغروره متواضعه خفيفه ثقيله يعني الاهل مو جايين بس يغيظوا ويكيدوا الكبيره اكيد الثانيه عجبتهم وارتاحولها وهذا شي من الله
  4. وبعدين اذا انخطبت الصغيره قبل الكبيره الكبيره حتكره اختها
    طيب اذا الصغيره جاها فارس احلامها وردوه عشان الكبيره الصغيره كمان حتكره اختها الكبيره
    وان الكبيره تزعل لو اختها الصغيره انخطبت دليل خلل في الشخصيه
    ماادري ايش هوا بالضبط غيره او حقد مع ان الغيره طبيعيه بس مو الغيره اللي تخليها تكره الخير لاختها ممكن غبطه خفيفه بس ماتمنع انها تفزع لاختها وتفرح لها وترقص لها وتنزل معاها تقضي

تابعي تجارب أخرى من هذا القسم.