صبحكم الله بالخير خواتي العزيزاات
حبيت استفيد من خبراتكم في مشكله اعااانيها مع بنتي ... وفي البدايه اعطيكم نبذه بسيطه عن شخصيتها عشان تقدرون تساعدوني ولولا ثقتي فيكم جان مااطرحت المشكله ...ولو سمحتوا ماابي وحده تقول لي هذي مو مشكله ومدري وشو صدقوني انها مشكله بالنسبه لي
بنتي بتكمل 5 سنوات ان شاء الله وبتروح بالصف الاول الابتدائي شاقول لكم ماشاء الله عليها مرتبه هااديه الله يحفظها متعااونه معاي جدا تسمع الكلام على طول بدون نقاش ولا انها عنيده لا بالعكس اجتمااعيه والكل يقول انها فااهمه اللي حولها الله يحفظها ...
واحين بعطيكم مشكلتي معاها الله يسلمكم مشكلتها مع لون بشرتها هههههههههه ادري بتضحكون بس جد هي مو حاابه لون بشرتها اكتشفت هاي الشي من شهور كله تقول لي ماما انا ابا اصير بيضه نفسك بالاول كنت مو مقدره الموقف بعدها مرت علي موااقف ان احسها تقولها من قلبها ..
وكلامها دوم ليش انا لوني بني واخوااني لونهم ابيض ؟؟؟:44:
اخواانها اولاد الله يحفظهم ابيض منها طلعوا علي وهي طلعت على ابوها دوم تقول لي انا لون بني على بابا واخوي لون ابيض على ماما ؟؟
حااولت اني اشرح لها انا وابوها بكل الطرق بشكل قصه او مسرحيه يعني بشي بسيط ان حتى لو اللون بني وهي تسمع الكلام وتكون شاطره بالمدرسه تكون احلى وحده ؟؟
ماتقتنع تقول لا ماما انتي حلوه لونك ابيض ؟
ابوها جاب لها كريم تفتيح بشره ههههههههه ادري حل مو عملي بس على تفكيره وهي اقتنعت انها بتصير بيضه مره احط لها الكريم تقول لي انا خلاص بصير بيضه نفس اخوي ونفسك ؟؟؟ هني وقفت موضوع الكريم خفت ان الفكره تنزرع بداخلها ان الكريم بيخليها بيضه ؟؟
والله والله اني هالموضوع ماايهمني وانا ادري انها شااطره ومتعااونه معااي وياربي شكثر هي مطيعه وتسااعدني في البيت مع العلم ان عندي شغاله بس هي ترتب غرفتها بنفسها على اساس تساعدني :)
بس تعبت فهمتها بكل الطرق ان الانسان مو باللون وهي صغيره مو قاادره اوصل المعلومه بالطريقه الصحيحه اللي تشيل من راسها هالافكار
ودوم تقول لي صديقتها بالمدرسه بيضه وهي حلوه .. ولمن تشوف وحده صغيره بالتلفزيون بيضه حتى لو هي مو حلوه تقول عنها لا هي بيضه وحلوه؟؟
انا بقول لكم على شغله ممكن مهمه بنت عمتها بعمرها وهي بيضه وتتلاقى فيها على طول مره قالت لي ان البنت دوم تعايرها انها سمرررره ؟؟؟؟؟؟؟؟؟؟؟:44:
ممكن من هني تعقدت وبنتي تطيع بنت عمتها طااعه عمياءءءء؟؟؟؟
ابي خبرااتكم اشلون اتخلص من هالمشكله اشلون افهمها ان اللون مو مهم ؟؟
وصدقوني ان في البيت ماانتكلم بهذي الطريقه يعني مااعندنا سالفة سمره ولا بيضه والله يشهد بكلامي
سااعدوني خوااتي لاني احين عجرت قدام كلامها وربي قلبي يتقطع اطلب من الله ان الله يعطيها لوني واخذ لونها وربي قمت اخااف اجيب بنت ثاانيه تكون يبضه وتتعقد زياده
صرت ادعي من ربي ان لو عطاني بنت ثانيه ان شاء الله يعطيني نفس بنتي عشان مااتتكدر ولا تحزن
سااااااااااااااااااااااااااعدوني :44:
شاركي في النقاش
سجلي الدخول لإضافة تعليق.
التعليقات
14- ياحياتي والله كسرت خاطري
مثل اختي اصغر وحده حنا بيض وهي الوحيده الي سمره
احسها مو معتبره نفسها حلوه ومملوحه وخطوطها احلى منا و بالرغم انها بالثانوي بس الله يعين
انا اشوف انك تمدحين بنات سمر قدامها
والله مادري وش اقولك لانها صغيره ويالله توصلها المعلومه
ان شاء الله البنات يفيدونك - قولي لها هذا اللون ما يكون الا للجميلاات وبس وهذا اللون الناس يدفعون فلوس عشان يحصلونه وجيبي لها صور لناس عاملين برنزواج وقولي البيضاء هي المسكينه ما حد يبي لونها الابيض يسمونه الشاحب وجيههم توحي بالمرض اما الاسمر وجهه يوحي بالحياة والصحه 000وكل البنات يتمنون لونك وهذا سر حطه الله فيك واذا البنات يبون مثل لونك خليهم يدعون الله انه يعطيهم هاللون 000واتمنى تنفك عقدتها موفقه اختي
سنيوره قمر ياحياتي والله كسرت خاطري مثل اختي اصغر وحده حنا بيض وهي الوحيده الي سمره احسها مو معتبره نفسها حلوه ومملوحه وخطوطها احلى منا و بالرغم انها بالثانوي بس الله يعين انا اشوف انك تمدحين بنات سمر قدامها والله مادري وش اقولك لانها صغيره ويالله ت…
مشكوره اختي
ادري والله تكسر خاطري وقلبي بكلامها مع انها صغيره بس مثل ماقلت تفهم اللي حولها
وانا صرت دوم امدحها لونها حتى لمن يصير شي اقول هذول اللي لونهم بني كذا شطاار
الله يجزيج خير عالردفي جزيرة ها دئة قولي لها هذا اللون ما يكون الا للجميلاات وبس وهذا اللون الناس يدفعون فلوس عشان يحصلونه وجيبي لها صور لناس عاملين برنزواج وقولي البيضاء هي المسكينه ما حد يبي لونها الابيض يسمونه الشاحب وجيههم توحي بالمرض اما الاسمر وجهه يوحي بالحياة والصحه …
مشكوره اختي على ردج
مثل مااقلتي بحاول اقول لها نفس كلامك وان شاء الله تقتنع ومشكوره عالدعوه
ربي يجزيك خير- الله يعينك
مالك الا تصادقين ام بناتها سمر وتخاطهم وتنفك عقدتهاا وفهميها ان السمر حلوووة شوفي عيونك وفمك حلوو
مواضيع مشابهة
تابعي تجارب أخرى من هذا القسم.