تجمع الموقنات برحمه الله (خبرات متبادله حول مراكز تأخر الحمل في مصر) الجزء16

رورو ماشاء الله عليكى البرنامج الدينى بتاعك حلو جدا

الحمد لله انا تبسطت جدا لما قريته لانى لقيت نقطة او نقطتين بس هم اللى انا مقصرة فيهم
وهم انى فعلا بقرا قصار السور فى الصلاة لانى حتى اللى حافظاه ممكن الخبط فيه من فلة التركيز وخوفى من انى اغلط

والحاجة التانية انى استغفر الله العظيم ممكن اعيد الصلاة مرتين بسبب انى بحس انى ماخشعتش كويس او ممكن اتكون فكرت فى حاجة
بس الحمد لله احمدك يارب واشكر فضلك بقيت النقاط ملتزمة بيها بس عندى تقصير فى حاجة برضه انى بعد صلاة الفجر بقرا الاذكار واسبح واستغفر وانا م على طول مش بقدر اقرا قرآن وانتظر لصلاة الصبح لانى بصحى الساعة 6.30 لشغلى فبعتمد انى بصلى الصبح لما اصحى بس نفسى بجد ما انامش تانى بعد الفجر وافضل لغاية ماتشرق الشمس اقرا قرآن

ربنا يسمع منك ياريمو يارب ويكملى على خير
انا ميعادى كان يوم 14 يعنى امبارح والحمد لله رحت للدكتور واطمنت ان كل شئ تمام
وقالى انى كده فى الاسبوع الثامن

ان شاء الله ياريمو ابلغ دوددة ربنا يصبرها يارب

ريمو كوكر فى مصر من يوم 29/5 وهى دخلت اخر مرة وقالت انها هناك وان النت فيه حاجة تقريبا مش متظبط عند مامتها احنا اتكلمنا هنا قبل ماتسافر بكام يوم بس للاسف ما اخدتش تليفونها فى مصر عشان اعرف اطمن عليها

مها

انا عاوزة افهم طيب انتى غيرتى من الحقن للحبوب على اى اساس من نفسك كده ولاا لدكتور كان قايلك تعملى كده

الحاجة التانية انا اعرف ان الحقن نشاطها وتأثيرها اقوى واسرع من الحق فلو الدكتور مكانش طالب منك كده يبقى لازم تستمرى على الحقن اول حاجة لمده 3 شهور وبعدين تعملى تحليل برولاكتين ونشاط الاندو وعلى اساسهم دكتورك هيطلب منك ان كنتى تكملى الحقن او تبدأى تنشيط دى كانت خطة دكتور عادل اللى كان طالبها منى لما قابلته فى مصر

انا
بطمنكم عليا احمد لله عملت عمليتى امبارح ودلوقتى احسن والدكتور هيشوفنى انهارده ادعولى الاسبوع ده يعدى على خير لانى ممنوعه من المية والهوا والتراب والخروج وانى اوطى او ابص لتحت فانا بحاول على قد ماقدر انا مش هقدر اكتب كتير علشان عينى