السلام عليكم
انا من قبل فتره وبنتي (7سنوات) تقولي ماما انتين قبل لاتتزوجين تحبين بابا :32:تفاجأت من سؤالها واعتبرته طفوله والا يمكن بالصدفه شافت من هالمسلسلات التلفزيونيه .. قلت لها عيب اني احب واحد مش زوجي انا الحين احب بابا لانه زوجي .. اليوم فاجأتني بكلام اقوى بالصدفه وانا فاتحه التلفزيون الا فيه مهند الاشقر التركي ..الا تقولي بنتي ماما الاول كنتين تحبين رجال:oانصدمت مرره من سؤالها :eek::blink: قلت لها عيب البنت تحب غير زوجها .. انا قبل لا اتزوج ماكنت احب بابا لكن لما تزوجت بابا حبيته لانه زوجي .. قالت لي ماما معاي بنت في المدرسه تحب اثنين :eek:والله انصدمت مررره .. انا بنات دقيقه مع بنتي واخاف كثير من الي اسمعه واشوف زمن والله يخوف على قد مانقدر نفهمهم لكن للاسف ممكن يسمعون ويتاثرون من البنات الي معها في المدرسه .. قلت لها مايصير البنت تحب عييب وبعدين الله بيعاقبها وحاولت افهمها ان الله يغضب وان بعد الدول الي بره من كثر الفسق والاعمال الغلط شوفي وصار فيهم مثلا الفيضانات والا البراكين لانها قبل وريتها بركان كيف يطلع منه الحمم البركانيه وانه مره حار وغيره اخوفها طبعا اقول لها كل هذا من غضب الله على الناس الي يسوون اخطاء وبعدين ظليت اتكلم معها العكس ان الشخص الي يخاف ربه كيف الله يجزيه بالجنه وان كلنا بنموت وبعدين بيصير لنا حياه ثانيه .. المشكله اني لما ظليت اهذر معها سألتني كيف ماما نموت وبعدين ترجع فينا الروح ؟!:29:انا توهقت ماعرفت كيف اشرح لها ..وقلت لها ان اذنك تشهد عليك يوم القيامه انك سمعتي من هالبنت كلام موزين .. الحين ابي منكم تساعدوني كيف افهمها ؟؟ كيف اخليها تعرف ان هذا شي غلط الي تسمعه وانه تتفادى ولا تتأثر ؟؟ كيف اوضح لها ان بعدين رح نعاقب ونتحاسب ؟ تقولي كيف يعني نطلع من القبر؟؟ :confused-
بنات الله يجزيكم خير انا الي كنت خايفه منه وقعت فيه .. خاايفه على بنتي من زمنا الي يخوف .. حتى التلفزيون بالصدفه تجي لقطات سيئه مو مثل قبل كان مافيه هالاشياء الي عاادي الحين تطلع واحد يبوس وحده والا وحده صديقها واحد ..وصعبه انا نجلس من غير تلفزيون مع اني اغلب الوقت اذا ابوهم مش موجود دايم احط لهم قنوات اطفال والظاهر حتى قنوات الاطفال صارت بعد فيها اشياء سيئه .؟؟ كيف اخلي بنتي محاافظه وعاقله ماينخاف عليها ؟؟ والله بعد ماقالت لي بنتي عن صديقتها وبعد مالقيتها تسألني عن الحب نفسيتي تعبت ..
شاركي في النقاش
سجلي الدخول لإضافة تعليق.
التعليقات
20- اختي انا بنتي 11 سنه حسيت اني تاخرت بالتربيه لما بدت تتكلم زي كذا
انصحك شيلي عنهها القنوات الشينه هذا اهم شي
ادخلي فقره دينيه بحياتها حفظ محاظره تشوفونها بالنت
قصص من قصص عمرو خالد او طارق السويدان
والله احنا تركنا عيالنا للنت والتلفزيون
والتلفزيون تغييييييييييييييييير اول كانت البرامج تتوقف عشان الصلاه
البوسه تحذف حتي المسلسلات كانو الحبايب بس يدووورون شقه ههههه
والحين تفنن بالغزل والكلام الخققق حنا نخققق
والله الوضع يخوف - التربيه صارت صعبه هذي الايام
وافضل طريقه اتخذته مع بناتي هو الالحاح في الدعاء
والله صاروا يمشون صح
والحمدلله رب العالمين 000 اوصيك بالدعاء ( اللهم حبب لذريتي الايمان وزينه في قلوبهم وكره اليهم الكفر والفسوق والعصيان ) - الله يحفظها من كل شر ادعي الله والله خير حافظا
- الف شكر ..ايمان حبيبتي انا ماعندي قنوات سيئه لكن التلفزيون كلله صار مو مثل قبل .. الاول القنوات الخليجيه مانشوف منهم هالقطات الي الحين عاادي تنعرض الحين اتفاجأ وانا اشاهد بالصدفه تجي لقطه بوس والا الصداقه والحب بين اثنين ؟؟..غير كذا البنات الي معها ممكن يخربونها والا يأثرون فيها .. معقوووول بنات صغار اطفال يفكرون بهذا التفكير ؟؟!! حتى قبل كم يوم كانت عندها لعبه (عروسه مادري شنو اسميها ) المهم الا تأشر لي على المكان الي يخرج منه البيبي الا تقولي هذا المكان الي الوحده تولد منه ؟!! والله اني انصعقت لانها لما تسألأني اقول لها من البطن يطلعونه والحين عرفت من من ؟! من الي معها اكيد ؟؟ يعني يتكلمون في هالامور ..مادري كيف اتعامل معها ..؟؟ خاايفه عليها ..
- اسألي عن صديقتها البنت بتسمع من الي حواليها حاولي تبعديها عن البنت الي معها تربيتهم صعبه الايام هاي
مواضيع مشابهة
تابعي تجارب أخرى من هذا القسم.