بنات خايفه اللي أسويه حرام؟؟

من ترك شي لله عوضه الله بخير منه
اتركيه
لا تنفتني انتبهي
الله يحميك

نصيحه لوجه الله سكري الباب من اولها لاتعطين الشيطان فرصه يسهل لك الموضوع
ولاتدخلين نفسك بعذاب نفسي ومعانات ماتطلعين منها بسهوله واللي يراسلك مثل ماسمح لنفسه
يراسلك تاكدي انه يراسل غيرك تعوذي من ابليس واستعين بالله
واشهد الله اني برية ذمتي ونصحتك

انتي الكريمه اتركيه وربي ترتاحين حاولي تدخلين منتديات نسائيه مو بس حواء ياااااااااااكثرهم المنتديات النسائيه

شاركي هناك الين توصلين وتصيرين مشرفه

انا دخلت منتدى مختلط وربي مادريت انه مختلط لانه صديقتي بالجامعه اعطتن الرابط وقالت لي هذا منتدى صديقتي
وصديقتي تبي بنات عشان الاشراف والمراقبه قلت لها تعرفيني انا مااحب غير منتدى حواء والمنتديات النسائيه هو نسائي هالمنتدى؟ قالت لي ايه نسائي كله بنات ... قلت لها ابشرررري وسجلت فيه وشاركت وعلى طوووول توي 25 مشاركة صرت مشرفه على القسم النسائي بدون طلب مني
وعلى بالي اللي مكتوب عليه مدير عام بنت لانه اسمه انقليزي تقل دلع بزران يوم سألت صديقتي قالت لا ذا رجال انهبلللللللت قلت لها مهب قلتي لي انه نسائي قالت فيه كم شاب بس مايدخلون القسم اللي انتي تكتبين فيه يعني الاقسام النسائيه الخاصه بالبنات
قلت ماااشي استمريت مااطلع من هالقسم بس يدخل المدير ويرد على اي موضوع جديد بنفس القسم عيييييييب وحتى ردي صاير نسخ لصق يعني
شكرا جزاكم الله خير حياكم الله .... ممل كريه يحوم الكبد

طلعت من المنتدى خليته ماادخله ابد ابد ابد ... ماصار لي معهم شيء ولا احد يحتك فيني من الذكور لاني مانب خفيفه برد على احد ولا امزح بردي ولا يشوفون معي ريق حلو ولو احد بداء يمزح معي ماارد عليه الا شكرا جزيلاً
بس طفشت مليت عيشه تضيق الصدر احس اني غلط الا غلط اكيد اني غلط
انا بمختلط وش فايدتي مالي فايده لا انا داعيه ولا راح اصلح احد ليه وجودي ماله داعي
طلعت من المنتدى بدون اي كلام ادخله بالاسبوع مره بعدها بالشهر مره بعدين سحبت علييييييييييييييييييييييييييييهم ماصرت ادخله وانا مشرفه مايهمني الاشرف ولا يهمني شيء وش مستفيده منه وربي تجيني تكه وضيقه كل مادخلته مااحس بسعاده
والبنات الله يهديهن مزح مع الشباب والله لو واحد من اخوانها ماتمزح معه كذا
تركتهم وكرهت صديقتي كره العمى وسحبت البنات اللي شاركوا بالمتتدى معي من نفس الجامعه يعني اللي اعرفهم من البنات ودخلوا بهالمنتدى قلت لهم اطلعوا وخوفتهم قلت لهم راح يسحبونكم ويطلعون اسمائكم
طلعوا وتركوه البنات صديقاتي الا وحده استمرت تبي الاشراف زي مااخذته انا تبي تاخذ انا جاني بارد مبرد ومشاركاتي ماتعدت 25 وهي والله وصلت وين ولا عطوها
بعد بفتره قالت لي انه فيه واحد من المراقبين يرسلها رسايل خاصه ويبي ايميلها وهي ترفض تعطيه
اخر شيء قدر يجيبه وسوا اضافه غصب عنها بعدها سرق ايميلها علمت اخوها وجاب اخوها يميلها منه
قلت لها تستاهلين تعبت وانا اقولك اطلعي بس ماتسمعين لولا اخوك متفاهم كان رحتي فيها
قلت من وين جاب ايميلي قلت لها يالغبيه من نفس المنتدى ومن المدير العام خليك استانسي فيه الين تروحين وطي
طلعت بعد هالكلام من المنتدى وتركته والحمدلله انها تركته

اختي المنتديات المختلطه مشاكل وبلاوي ماينفعون ابد
حتى لوكنتي مشرفه ماتدرين وش راح يجيك منهم ( وعسا ان تحبوا شيء وهو شر لكم)

الله يستر عليك ويحميك منهم يارب ياكريم