تجمع الموقنات برحمه الله (خبرات متبادله حول مراكز تأخر الحمل في مصر) الجزء16

أوكسى
انا املى فى ربنا كبير قوى وعندى ظن بالله قوى انه هيرزقك ان شاء الله الذرية الصالحة عن قريب

ادعولى انا هقوم البس دلوقتى واروح لدكتور عادل علشان الحقن بتاعت العلاج التهبيطى لنشاط المبيض بس انا خايفه قوى من الحقن دى ربنا يستر خصوصا ان مكنش ينفع اخرج اليومين دول علشان عينى بس مضطرة اروح لان بابا عايزنا نسافر مطروح الاسبوع الجاى ان شاء الله وكمان اما بعت رسالة لدكتور عادل امبارح رد عليا برسالة وقالى تعالى بكرة اسكندرية لانه كان كاتبلى كده فى تقرير المنظار

أحلام بسيطة صباح الخير وحلو جدا 2 كيلو نص ربنا يثبتك ان شاء الله ويديكى ويدينا

اوشي: حمد لله علي سلامة كوكي.
كوكر: ازيك يا قمر.
شيمو: سلامتك يا قمر.
عزيزة: كلمي الدكتور ضروري و طمنينا.
اوكسي: ربنا يتمملك علي خير و يكونوا توائم.
رمال: بصي يا قمر, انا بطلت ابات عند حماتي من وقت ما كنت حامل بس المرة ديه اضطريت ابات لاني كنت خايفة اني ابات بالبنت في بيتي لانه بعيد و بقيت خايفة ان لو حرارتها عليت اكتر او كده فنمت عند حماتي لان الدكتورة قالت لازم البنت تنام في تكيف و انا ماعنديش تكييف في غرفتي عند ماما.
و بعد كده انا لما بروح عند ماما مش بروح زيارة. انا بكون بخلص حاجات او بشتري حاجات فصعب اتنقل بيها في الحر ده فبسيبها عند ماما و اقضي مشاويري و ارجع اقعد مع ماما نص ساعة و امشي.
و انا علي فكرة يا ما شفت منها و لامرة اشتكيت بس المرة ديه قولتله لانها كبرت المواضيع اوي فحبيت اوريله انا بيحصل فيه بس بعدي علشان ما تتضايقش.
اما بالنسبة للخروج فانا بقالي اكتر من شهرين مش بخرج لدرجة انا حتي قولتله طب تعالي نروح النادي يقولي طيب و بعد شوية يقولي اصلي تعبان و المرة اللي بعدها اتفقنا و بعد كده لقيته بيقولي ده احمد صاحبي كلمني علشان نروح نحلق شعرنا و كده فحوصلك النادي و ابقي اجب اخدك, طب انا لو عايزة اروح النادي لوحدي ما كنت رحت الصبح بدري حتي البنت تتعرض للشمس مش حروح النادي الساعة 9 بليل بس طبعا ما قولتلوش الكلام ده قولتله لا انا مش عايزة اروح لوحدي لا اصلي مكسل, عايزة روحي و ابقي اجي اخدك قولتله لا.

اوكسى
ربنا مايحرمنى منك ياقمر وربنا ينولك اللى فى بالك يارب

شيمو
بلاش تقعدى قدام الكمبيوتر كتير وحمدا لله على سلامتك ياقمر

كوكر
ربنا يكملك حملك على خير ويزقك بأحلى بنوته فى الدنيا
بوسيلى كل حتة فى مصر واكيد الواد كيمو ومامته
نزلتى مصر يا كوكر وخدتى الجو الحلو معاكى
تعالى يابنتى خدينى ده الحرارة وصلت هنا الايام دى 56 فى الضل
والله مش هتتخيلى انا كرهت انى اشوف الشارع وبقالى يومين بستأذن من الشغل عشان ما الحقش الساعة 12 وانا برة لان بتبقى نار جهنم ربنا يعيذنا منها
حتى المية اللى فى الحنفية نازلة بتغلى والله مصر دى ام الدنيا فعلا امبارح مامتى بتقولى درجة الحرارة 36 والدنيا حر قولتلها انا نفسى فى الحر اللى عندكم ده

اوشى
الف سلامة على كوكى طمنينا عليها بالله عليكى ضرورى اول ماتعمل العملية

طمطم
الف سلامة عليكى ياقمر من دور البرد الوحش ده
هاه طمنينا نقلتى شقتك الجديدة ولا لسة

دانة
الحمد لله ان الدكتور طمنك وحاولى فعلا تنزلى وزنك لان ده اكيد ضرورى وهيساعدك جامد ان شاء الله

ماما
على فكرة انا الاسبوع التالت والرابع من الرجيم بتاعى عملت شوربة الكرنب دى
هى فعلا فظيعة ومريعة وكل حاجة فى الدنيا بس بجد بتغسل الجسم وبتنقيه من اى حاجة وحشة
وبتفرق جامد فى الوزن يعنى انا كنت بنزل عليها اقل حاجة فى الاسبوع 5 كيلو وساعات 4
بس لازم تلتزمى حرفيا بالرجيم بس ولا مرة جربت رجيم التمر واللبن ده

عزيزة
ماما لخبطتنى انا مش فاهمة يعنى هو كان حصل حمل وربنا ما ارادش ولا دى دورة عادية
ماما
نسبة الحمل بتاعة عزيزة دى معناها ايه؟
يارب ياعزيزة تكون شوية دم ونزلوا وخلاص وربنا يكملك على خير يارب

يارب يا شيمو ياااااااارب
ربنا ييسرلك الحال فى زيارتك لدكتور عادل وتعدى بدون تعب وطول انتظار
المهم انتى عينك عاملة ايه دلوقت ... يارب تكون خفت عشان تعرفى تروحى عن نفسك فى مطروح