مشكلتي الرهاب المكياجي هههههه مين تساعدني

مرااااحب بنات

اليوم جايتكم بمشكلة عصيبة <<<<<< على بالها منتدى المشاكل الاجتماعية
لا من جد وكنت راح أكتبها في المشاكل الأجتماعية وقلت إنتوا اللي راح تفيدوني هي المشكلة مش رهاب إجتماعي هو بالأصح رهاب مكياجي <<<<<< أفهمكم

يعني أنا بالعربيإجتماعية جداً لكن أخاف من محلات المكياج ماأدري ليه يعني أنا لما كنت في بلدي كانت أي توفرلي مكياجي أو زميلاتي يعني خروجي للسوق قليل ولما تزوجت وأنتقلت لمدينه أخرى صار لازم أخرج وأشتري أغرضي بنفسي وطبعاً زوجي معايا ومستحيل أخرج بدونه وهو اللي يتكلم مع البائع أنا ولا كلمة مومشكلة

المشكله دحين إني أبغى أروح أشتري مكياج ok وتقريباً حددت اللي أبغاه لكن أخاف لما أروح محل مكياج وأسأل عن ماركة معينة يقولي ماعندنا أو أسأل عن شي معين يقولي ما أعرف وأساساً أنا ماأعرف أتصرف في المحلات يعني أقعد أدور في الأستدنات إذا وجدت أو أسأل البائع مباشرةولا كيف
طيب كيف أعرف الجديد في الماراكات كيف أعرف اللي يناسبني <<<< مأساة

أخاف أسأل عن شي ويحس إني ما أفهم شي ويضحك عليا صراحة يابنات من جد نفسيتي متأزمة من هذا الموضوع والمشكلة كمان زدات في زوجي مايحب يروح محلات المكياج يستثقلها مرررة أنا فكرت أكثر من مرة إني أشتري عن طريق النت من البنات اللي في المنتدى وبعدين لغيت الفكرة لأنه لازم أكسر هذا الحاجز وفكرت أطبع الأغراض اللي أبغاها وأعطيها لزوجي وهو يجيبها بس برضوا موكل شي أبغاه موجودة صوره وأنا لازم أكسر الحاجز


أنا طولت عليكم بالثرثرة بس ماأبغى منكم أسباب الحالة أنا أعرف أسبابها
أنتوأعطوني الحل وإذا كنتم كذا من قبل
وكيف أتصرف في المحلات يعني دروس إتيكيت في محلات المكياج
وياليت محلات المكياج اللي في مكة
وإذا ممكن أبغى ماركة بيس للبشرة المختلطة ولا تحيروني وبالصورة
وسؤال يابنات يعني لازم نطق الكلمات يكون إنجليزي ولا يصير مثلاً أقوله أعطيني خافي عيوب أو لمعه مثلاً أو ظل عيون طيب البيس إيش أقوله الأسم

7 تعليق 937 مشاهدة

شاركي في النقاش

سجلي الدخول لإضافة تعليق.

التعليقات

7
  1. @bhryny999

    ذكرتيني بنفسي اذا اروح مكان اخلي زوجي يتكلم حتى لو الشي مال الحريم اخلية اهو يسأل خخخ


    حبيبتي المكياج الماركة تلاقينة في المجمعات مو في المحلات العادية وحتى اذا رحتي محل في مجمع راح تشوفين هناك في مثل الستاند مكتوب علية اسم الماركة ومنتجاتها حق التجريب واذا تبين ماركة معينة اسألية اذا ما عندة بيقول لك ان ما عندة ما اعتقد انة راح يضحك

    واذا على اللغة في بعض الهنود اللي يبيعون في بلد عربي اذا قلتين لة بالعربي يفهم عليج بس افضل انج تقولين له بالانجلينزي يكون احسن اما اذا كان شخص عربي اسألية بالعربي عادي ما يحتاج تتكلمين معاه بالنجلينزي

    تذكرت خخخ ما افضل انج تعطين زوجج الاغراض اللي تبينها واهو يشتريها لان عادة الرجاجيل ما يعرفون في ها الشي وثاني سبب لان في الوان احتمال ما تناسب بشرتج والسبب الثالث ان في الوان لازم انتي تجربينها علشان لا تنصدمين فيها وخصوصا اذا كانت ماركة وغالية

    وآخر شي بخصوص البيس اني استخدم بيس من عند بودي شوب

    اتمنى اني ما طولت عليج واكون افدتج
  2. صاحبة الموضوع
    مششششششششششكورة أختي بحرينية اللي عبرتيني
    وبالنسبه للبيس ياليت تحطي صورته وهل هو مثبت للمكياج وكيف أعرف اللي يناسبني أنا بشرتي مافيها حبوب بس مسامات واسعة وفيها مناطق غامقة



    بنات فينكم 31 مشاهدة وحدة اللي ردت
  3. @aayoz_aldhr

    السلام عليكم
    الله يعينج اختي بس ان شاء الله اقدر اساعدك
    اول شي اذا انتي حابه ماركه معينه ... نقول مثلا ماك انزين ادخلي حق الموقع مال ماك وبتشوفين شو الي بيعجبك او الي نازل يديد عندهم
    وبعدين بتروحين المحل وانتي واثقه من عمرج :D وبتاخذين الي شفتيه في الموقع
    واذا على البيس عندج ميك اب فور افر حلو . والبيس هو مصطلح بالانجليزي يعني اسمه بيس بالانجليزي..... خلج واثقه من عمرج :icon28:
    واذا الي يبيعلك عربي عادي قوليله الكلمات بالعربي اما اذا كان ما يعرف عربي استخدمي المصطلحات الانجليزي تراها سهله واذا تبين نعلمج نحن حاضررررررررررررين :)
  4. السلام عليكم
    الله يعينج اختي بس ان شاء الله اقدر اساعدك
    اول شي اذا انتي حابه ماركه معينه ... نقول مثلا ماك انزين ادخلي حق الموقع مال ماك وبتشوفين شو الي بيعجبك او الي نازل يديد عندهم
    <<<<<<<<<<<<< نفس طريقتي خخخخخخخ
  5. @bhryny999

    اختي الاسيرة

    البيس اهو اول شي تحطينة في الميك آب

    يستخدم حق ترطيب البشرة

    شوفي هذي الصورة كريم بودي شوب صاير العلبة الدائرية اللي على ايدج اليسار غطاها اسود اني استخدمة حق الميكيب العادي اما اذا كان سهرة في بيس يستخدم كفاونديشن اللي صار تحت لونة اخضر في نفس الصورة



    يوم شريتة قالت لي اللي تبع ان ما يحتاج احط علية فاونديشن بس اني احط لان احس انة ما راح يضبط بدون فاونديشن

    بس لا تخلطينهم اثنينهم مع بعض لان راح تصير بشرتج دهنية

    وعلى فكرة اذا حطيتين البيس لازم تنتظرين دقيقتين على الاقل على ما تحطين الفاونديشن علية ولا تحطين البيس على جفن العين لان راح يدهن لج منطقة العين


    والبيس مل فور ايفر الكل تقريبا يمدحة
    http://hrof.net/im/index.pl/51251516910502881-36840.gif


    وانشاء الله اكون عطيتج معلومات صح خخخخخخخ لان هذا اللي اني اسوية خخخخ

تابعي تجارب أخرى من هذا القسم.