أنا و عماتنا ؟؟؟وش الحل؟

مسائكم / صباحكم خييير

ادحل في الموضوووع بسررررررررررررعة حتى لا أطيل
خوات زوجي كبيرات مو مررة بس بالنسبة لعمري يعني انا لي ولد واحد صغير وهم اولادهم في الثانوية
ولما نجلس مع بعض ما فيه مواضيع مشتركة بيننا أكون جالسة اغلب الوقت وساكته و طبعا قالوا عني مغرورة و ما عجبناها و شايفه نفسها .. وان تكلمت بأي موضووع عام ما يعطوون وجه تعودوا علي ساكته ودائما يسألون زوجي وش فيها ضايق صدرها ؟ احد مزعلها ؟ والحين ما يحسبون لي اي حساب ولا كأني موجودة (( مهمشه ))
مع اني اذا رحت لأهلي افرغ طاقة الكلااااام عندهم حتى يقولون اسكتي ازعجتينا
كيف افك هذي العقدة ؟
حماواتي 2 وحدة كبيرة قد العمات والثانية تحشر نفسها بكل شيء وتسأل عن كل كبيرة وصغيرة ونادرا ما يسكتوون ما شا الله عليهم

وش الحل ابي اسولف ابي احد يسمعني يهتم لكلامي

ساعدوني المشكلة في او لا ؟ :44:

8 تعليق 908 مشاهدة

شاركي في النقاش

سجلي الدخول لإضافة تعليق.

التعليقات

7
  1. @shhd_111

    مهماكانت الاعمار مختلفه الحريم مواضيعهم وحدة عن رجالهم وشغالاتهم وعيالهم او حش بخلق الله حاولى تتجاوبين مع مواضيعهم هم تعودوعليك ساكته على شان كذا ماعاد يسالون
  2. @am_slafh2007

    حاولي تغيرين اسلوبك
    حاولي تبدين بسالفه
    مثلا اسالي عن اولادهم كيف اختبارتهم وش مسوين
    اذا مدحو قولي ماشاء الله الله يوفقهم تفاااااااااااعلي معاهم واذا سبوا قولي الله يهديهم واذكري قصص اخوانك مع المذاكره وقولي ماينلامون يملون ووووووووكذا

    اساليهم عن الجو وشخباركم مع هالحر<<< متعقده من الحر
    وتفاعلي قولي اني قريت بنت بالخبر متوفيه من الحر ياحياتي وكذا تجي السواليف

    لكن اذا كنتي ساكته اسمحي لي بيملون منك وبتكوني مهمشه ووجودك زي عدمك
    اما اذا تكلمتي وطبعا مو بربره بس تفاعلتي معاهم وسالتي عن احوالهم واحوال اولادهم بيحبونك اكثر
    يعني سمعتي احد تعبان اسالي عنه امه كيفه وكيف صحته وقولي تجربك لك انا اذا جت ولدي حراره احط له كمادات او امدحي دكتور تعرفينه او او او الموهم تفااااااااااااعلي واسالي عنهم وعن عيالهم اساله عاديه مايكون فيها تدخل زي لو نجح ولدها ماتقولين كم تقديره لان بعض الناس يخافون من العين
    قولي ماشاء الله الله يوفقه يارب ويخليه لك وتشوفيه متخرج من الجامعه
    كلمه بسيطه وتدخل الفرحه بقلوبهم وتخليك متفاعله
    هذا اللي عندي ان اعجبك الحمدلله ان ماخش مخك عاااااااادي طنشيه هههههه
  3. @shgraldr_3

    غاليتى علشان تجذبين الناس لكلامك تكلمى عن مواضيع تهمهم وتناسبهم يعنى الكلام مع فتيات فى العشرين غير مع كبار السن والمتزوجه همومها واهتمامها غير الانسه شوفى محور حديثهم واهتمامهم وتكلمى معهم عنه(دراسه الابناء*مشاكلهم*هموم الزوج*مشاكل صحيه*اقتصاديه)
  4. حااااااااولي تتفاعلين معهم وسوالفي عن الاولاد والمطبخ وامدحي بعض الاماكن وقولي وش رايكم نرووح يعني حاوولي تتكلمين لو شووي لانه بصراحه الوحده اذا صارت ساكته يملوون الحرريم منه وذكرتيني بوحده طبعه ساكته واذا جيت اسوولف معه صررت كاني اساله (كاني احقق معه )وهي بس تجاووب من دووم ماترد علي بسوال
  5. @algydh

    ما أدري لو عليّ ما عندي مشكله لامع الصغار ولا الكبار تبارك الله

    السوالف تجر سوالف حاولي مثل ما تسولفين لأمك سولفي لهم

تابعي تجارب أخرى من هذا القسم.