اخذ شغالتي معاي او اخليها ابي رايكم

:32:السلام عليكم يااحل حوائيات في الدنيا
ابي استشيركم احنا الحين بدينا في تجهيزات السفر من فيزا لغيرها بس في موضوع محيرني قلت اخذ رايكم فية بالنسبة للخادمة ...........:angry:
انا افكر اروح من غير خادمتي بس أمي فديتها معلنة حالة الطوارئ بين خواتي وخالاتي ورافضة فكرة اني اروح من غيرها .........:angry2::angry2::angry2:
وزوجي نفس الشي يقول تروح عشان العيال وتكون ونس معاك في البيت ونس
بتقولون ليش ماتبينها تروح بنات انا ابي الخصوصية انا وزوجي وعيالي ومن غير كذا انا عندي بنتين الله يحفظهم معتمدين على الخادمة 100%100 الكبيرة 14 سنة الحين والثانية 12 يعني ماشاء الله كبار ابهم يتحركون يشتغلون معاي نوزع الشغل بينا مابيهم يكبرون واهم مايعرفون في الدنيا غير تلفزيون وانترنت ماقد قعدنا انا وعيالي من غير عنصر معانا احس فرصة تقربنا من بعض
انا عندي 5 البنات 14 و12 والاولاد 9 سنوات وتوأم سنة
بنات انا مابي اخذها معاي وخايفة اندم انا اعرف اطبخ الحمد الله بس مثل بناتي مو متعودة اسوي شي وبناتي يشوفون امهم والوضع عندنا عادي جدا مانسوي شي حتى زوجي يشوف امة جالسة والشغاله تسوي كل شي يحسب الوضع كذا عادي بس انا في قرارة نفسي ادري انة غلط ابي اكون بنفسي من غير دخيل معاي في البيت صح اني بتعب في البداية بس بيكون احسن لي ولبناتي خصوصا ان احنا مطولين 4 سنوات تقريبا
انا هنا مستحيل اجلس بدون خامة قلت هاذي فرصتي الوحيدة :(

وش رايكم اخذها معاي والا اخليها ....ابي كل وحدة تقول لي رائيها في الموضوع
وبس ادري طولت عليكم فديتكم :09:وماقدر ارد الحين بنشغل وبرد بعد بكرة
وهاذي لكم مني وربي احبكم واشتاق لكم وانا ماعرفكم يابنات حواء :26::26:

49 تعليق 14,099 مشاهدة

شاركي في النقاش

سجلي الدخول لإضافة تعليق.

التعليقات

47
  1. من رأيي لا تاخذيها خصوصا أن بناتك ما شاء الله كبار
    خصوصا إذا كنتي بتروحين أمريكا لا تاخذيها انتبهي

    يكفي اللي صار لحميدان التركي فرج الله له وفك أسره
  2. @i_am_trying

    نصيحه يا اختي بتدخلون في مشاكل مالها اول وتالي وخصوصا الخدامه بتشوف مجتمع ثاني غير وبتفكر انها فرصه تهرب وتشتغل والا تسوي لكم بلاوي

    ذيك الساعه انتم مسؤلين عنها بالزينه والشينه ........ انتبهي

    وبعدين الله يعافيك وش 14 و12 ماشاء الله حريم وكبار موب صغار ناقصهم رضاعات وتنومينهم ..

    خليهم يعتمدون اذا انتي عودتيهم كذا بكره صدقيني او بالاصح في امريكا صعب تضبطين تصرفاتهم في اي شي

    موفقه خير
  3. @almlkof_2_1

    انا من راي الاخت معلمة متميزة
    روحي من دون شغالة احسن يمكن في البداية تتعبين شوي بس خوذي هذة رحلة استجمام لك انتي وزوجك واولادك ووحدكم احسن وبعدين بناتك ماشاء الله كبار خليهم يقربون منك شوي ويحسو بالمسؤلية
    عزيزتي اذا ماعندك دراسة اوشغل يشغلك اتركيها افضل
    وبعدين هنا الاجوا تختلف عن المملكة بيذبحك الطفش وقلت المسايير
    يعني نادر مايكون عندك معازيم يعني راحة اكثر
    الله انتي شوفي الى فية خير وسوية
  4. @makntoosh

    انا بسافر بعد اسبوع لبريطانيا

    بنجلس 5 سنوات على خير

    وشغالتي لسه ماسافرت اذا

    سافرت بيسفرونها اخواني

    زوجي معطيهم وكاله عليها

    وانا عندي 4 اكبرهم 7 سنوات على بعض

    امي واخواتي يقولون لا تاخذينها وزوجي يقول

    عادي تبينها جبتها

    بس الصراحه في ديرتنا ماسلامنا منهم

    كيف برا عاد هم يدورون علينا الزله

    توكلي على الله وخليها

تابعي تجارب أخرى من هذا القسم.