الغالي طلبني خبز هولي و لقيمات..بس العين .... واليد...

بسم الله

اللقيمات

كوب ماء دافئ ..... ملعقه اكل نشا ....ملعقه اكل خميرة فوريه .ملعقه اكل حليب بودرة .ملعقه اكل سكر .ملعقه اكل زيت .تخلط هذة المقادير جيدا ثم يضاف لها كوب دقيق او اكثر بشوي .وتخلط جيدا وتترك لمده ساعه او نصف وتشكل كما هو معروف

والله كنت اعاني مثلج بخصوص اللقيمات بس الحين الحمدلله من كثر التجارب عرفت سر اللقيمات ...

بغض النظر عن المقادير ..

العجينه لازم تكون ثقيله لاتكثرين ماي فيها لانها بس تختمر راح تزيد سيوله معااج وهالشي مو بصالح اشكال اللقيمات .. ماراح تصير مدوره ..

خليها تصير ثقيله اثقل من عجينه الكيك بثلاث درجات ولما تعجنينها مطيها لفوووف .. طبعا تعجنينها باصابعج تسحبينها لفوق وظلي عجني فيهاااا كثر ماتقدرين لين تحسين انهاا ما تلصق بالاناااء .. وغطيها وحطيها بمكان دافي لساعه او ساعه ونص ..

وقت القلي .. تجهزين جدر صغر ثلاث ارباعه زيت وماعون صغير فيه زيت وملعقه وسط بايركس فيه شيره او قطر بحراره الغرفه بس ماتكون حااره ... وماعون ثاني تحطين فيه اللقيمات ...

تاخذين مقدار من العجينه بقبضه الكف تعصرينها تطلعين العجينه بين الابهام والسبابه وبالملعقه الوسط تقطعين العجينه وترمينها بالزيت ... وترجعين تغمسين الملعقه بالزيت وتقطعين من العجينه الي بقبضه اليد ..

خففي على النار وخلي اللقيمات تستوي على راحتها واتركيهااا تتحمش زين على نار وسط كل مازادت مده اللقيمات بالزيت كلمااا طلعت معاج مقرمشه ومستويه زين ولا راح تتعجن عقب فتره وتذبل ..

بس اذا كنتي حابه انها تكون كلها طريه فالعكس .. خلها تتحمر تحمير عادي بالزيت ..

وبس تتحمر اللقيمات تحطينها بالبايركس الي فيه الشيره غمسيها وشيلها على طول وحطيها بماعون التقديم .. وهالشي تكررينه على دفعات لين يخلص المقدار عندج ...



وموفقه يارب ...

تسلمين...........يافديتك جت بوقتها