شاركي في النقاش

سجلي الدخول لإضافة تعليق.

التعليقات

229
  1. @la_llkhltat

    وليش تنقهري ؟ انتي رضيتي بزواجه ورجعتي له بكامل رضاك .. شي طبيعي زوجته بتحمل .. وشي طبيعي بتجيب ولد لأن اي وحدة تحمل فيه احتمال 50 % بنت 50 % ولد .. مو شي عجب يعني !!! حتى القطاوة تجيب ذكور واناث

    كبري عقلك واتركي عنك التفاهات .. وطهري قلبك من الغيرة والحقد
    دام تزوجها وانجبت خلاص صارت ام عياله ووجودها بحياته مثل وجودك بالضبط

    اما ترضي وتمشي الحياة طبيعية .. او تطلقي وريحي نفسك ان شفتي حالك الموضوع كله فوق طاقاتك ..ولا يكلف الله نفسا الا وسعها

    بس تجلسي تبكي وتحطي اذنك للناس اللي ماتخاف الله ..ويدخل الحسد والغل والحقد بقلبك ..واخرتها تجيك الامراض اسم الله عليك ..هذا شي غلط ومرفوض


    قومي افرشي سجادتك صلي لك ركعتين واطلبي الله يرشدك للصواب .. واستخيري


    وكفي يدك عن الاتصالات بزوجك .. اكيد هو الان منشغل لا تلصقي فيه زيادة .. الرجال كل ما لصقتي فيه كل ما دفك وابعدك
    لا تخلينه يحس انك انتي العلة اللي تنكدي عليه كل ما فرح .

    خليه بعيد هالفترة .. واشتغلي نفسك لا تخليه محور حياتك

    المولود بيفرح فيه يومين بعدين بيزهق من ازعاجه وطلبات امه .. وبيشتاق لك ساعتها وبيرجع

    بس انتي خلك صبورة ولا تنشبي لا تخليه يكره الساعة اللي يشوفك فيها ويروح الدور الراحة عند غيرك



    اطلعي دوري لك وظيفة ولا كملي دراسة واشغلي وقتك باللي يفيدك وينفعك

تابعي تجارب أخرى من هذا القسم.