شاركي في النقاش

سجلي الدخول لإضافة تعليق.

التعليقات

34

  2. @hdooaaallyl

    شوفي لو رحتي لأي محل بيقول لك الطبيعي أفضل وأرخص
    وميزته أنه ما يتأثر بالحرارة والبرودة بس يتأثر بالأحماض والدهون لذلك حافظي عليه منها
    وميزته بعد أنه ممكن تلمعينه وتجلينه بجلاية الرخام ويطلع يبرررررررق من جديد
    وأنا عندي رخام طبيعي من 27 سنة والحمدلله ماعمري جليته وماشي مع التنظيف بالكلور مع أنه رخام عادي القديم اللي أبيض مموج برمادي
    والآن عندي رمادي منقش بأسود شوفيه بموضوعي حق الكابتشينو،
    أو أي موضوع من مواضيع الطبخ بتلاقينه واضح
    والله عليه لمعة موب طبيعية رووووعة



    أما الصناعي بصراحة شفته عند ناس كثير غير عملي أبد
    وعيبه يمتص الدهون ولا يتحمل الحرارة وإذا في الشتاء وحطيتي عليه شيئ حار ممكن ينشلخ من أوله لآخر وينشعر ويروح عليك وطي وبالأضافة إذا كشر أو فركته الخدامة بليفة وتمخش خلاص ماله حل والمخوش هذي تصير تجمع الوسخ عكس الطبيعي تجلينه ويرجع يبرق
    وسعره أغلى من الطبيعي اللي متعارف أنه يستخدم للمطابخ
    لأنه الرخام الطبيعي فيه أنواع غالية المتر منها يوصل لـــ 2000ريال لكن لايستخدم للمطابخ
    الرخام الصناعي حوض المجلى حقه يجمع البكتريا بسهولة ويكشر بسهولة ويتأثر بالتنظيف ويكشر بسرعة
    يعني عليك بالأستيل أفضل صحياً ولا يطلع صوت قرقعة للمواعين

    هذا رأيي من خلال تجربتي ومشاهداتي


    فيه نوعية إسمها كوريان طبعا المادة هذي غااااااااااااااالية جداً وتستخدم غالباً في تلبيس المطابخ الأوروبية

تابعي تجارب أخرى من هذا القسم.