عمي ابو زوجي مجنني

أختي كان الله في عونك .. بس حبيت ألفت نظرك لجانب من مشكلتك
أنتي تقولين انك عروس جديدة صار لك 3 شهور بس و تقولين في رد آخر إن عمك أبو زوجك يقول لولده " من تزوجت تغيرت علي "
يمكن عمك من النوع اللي متعلق بولده كثير و هذا الكبير و أكيد له معزة خاصة فيمكن اللي قاعد يسويه من إزعاج لكم بس من تعلقه وحبه و اختبار لولده لا أكثر ولا أقل .
يعني يمكن هو عنده هاجس أو خوف إن ولده لو تزوج راح يتغير عليه وكلامك يؤكد إنه خايف من هالناحية يعني زوجك ما يقصر و مع ذلك يقول له تغيرت علينا
صدقيني عمك بس خايف إنه يفقد ولده و خايف من إنه لما يدخل حياة جديدة راح ينساهم .

وإنتي عليك إنك تسايري عمك و لا تحسسونه إن زواجكم يعني إنسحاب ولده من حياته ، لا خليه يتواصل معه ويبره و يلبي له كل طلباته . ساعتها الشايب من نفسه راح يحس إن خوفه من هالنقطة ما له داعي و إزعاجه لكم بالتالي راح يخف و يصير حاله حال الناس . يعني هذي إن شاء الله مشكلة مؤقتة و إختبار لكم و إن شاء الله تكسبون الشايب .

وإنتي خلي زوجك يوديك لمنطقة بعيدة من ديرتكم يعني روحي لديرة قريبة منكم واجلسي لك يومين يكون زوجك فيها معك طول الوقت .

والله يوفقك

بس هو حاليا يخضع زوجك لاختبار يبي يشوف هل هو بيتغير عليه او لا

والشي هذا مو شرط يقصده لا صدقيني يطلع معه بطريقه لاشعوريه

هو خايف وحاس انه بيفقده ويبي يثبت لنفسه العكس

فتره وتعدي تأكدي انها ماراح تعدي الا بشي واحد

وهو التجاااااهل زوجك في الآخر بيتعب

وابوه بيمل

وانتي اشغلي نفسك باي حاجه

اطلعي لاهلك او صديقاتك كلمي ع التليفون اقعدي ع النت

مارسي حياتك زي ماكنتي تمارسيها وانتي بنت

مو معقول انك في بيت اهلك حاطه يدك على خدك تنتظري العريس

اكيد كان لك مشاغل وهوايات وعلاقات عيشييييها وصدقيني بيخف الوضع عليك

يمكن يغار عليه لاتستغربي
واحد من اخواني كذا رغم انه مو الكبير
لكن ابوي كان معتمد عليه بدرجه كبيره قبل الزواج
والولد خدوم مره ويوم تزوج كلنا لاحضنا ان ابوي صاير يغار ليه
ومايرتاح لزوجته رغم ان اخوي ماتغير لكن صار يدقق في تصرفاته
يعني مثلا قبل الزواج عادي لوجلس 3 ايام مادق
لكن الحين صار يتحسس اذا مادق ويشيل بخاطره