شاركي في النقاش

سجلي الدخول لإضافة تعليق.

التعليقات

407

  1. @rhab_alhk

    صاحبة الموضوع
    *دوري*
    أختي رحاب الحق .. انا شعري جاااف والحنا او السدر يجففه بزياده .. يصير ازيد للخلطه شيء من عندي !!...يعني مثلا بيضه أو كم ملعقة زيت او .إلخ ... أو الأفضل أغسل شعري من الخلطه بالماء وبعدها اجففه واحط خلطة (( العسل والبيض والمايونيز ..إلخ .…
    هلا حبيبتي اي يصير تحطين زيت وبيض ومحلب أصلا البنات كل وحدة أخترعت خلطة من عندها وحطت الشي اللي يناسب شعرها
    أنا أحط زيت النارجيل وآخر مرة حطيت بيضة ومحلب مطحووووووون 3 ملاعق
    أهم شي يكون في الخلطة سفن أب وسلامتك

    أنا بصراحة لازم أغسل شعري بشامبو ما أشتهي أحس شعري مو نظيف
    بس مشاعر نجمة تغسله بالبسلم بس وتزيته بعد الحمام وبعدين ترجع تغسله بشامبو
    وتقدرين بعد الخلطة تحطين أي خلطة ترطبه براحتك أو حمام زيت
    أنا عن نفسي ما استغني عن حمام الزيت وبالتوفيق ان شاء الله

    ومشكووووورة عيوني على الدعوة الحلوة مثلك ولك مني أحسن منها آمين

  2. @noars_3

    نـــــوارس
    بما إني يديده ع المنتدى .. و أنا أتصفحه .. لفت انتباهي هالموضوع بصراحه .. أنا قررت اسوي الخلطه .. بس الحين أتريه الحنا .. بس عندي سؤال .. يعني شو ممكن أضيف عسب يعطيني ألوان للشعر .. !! والسموحه ...
    هلا عزيزاتي ..

    أنا سويت الخلطه .. وغسلت شعري .. :D

    بس بصراحه .. أظاهر الخلطه ما ضبطت مع شعري ..

    لكن حسيت بتغيير بسيط جدا .. و الحمدلله ..

    و شعري مب من النوع اللي يبين فيه اللون .. بعد الحمدلله ..

  5. @gmal_alroh

    honey boney
    هلاااااااااااااااااا بنات اليوم ان شاء الله بجرب الخلطة وأعلمكم بالنتايج
    Sorry خواتي اللي مارديت عليهم
    لأني انقطعت عن المنتدى كله وعن الموضوع ويوم رديت له لقيت الموضوع فوق ال4 الصفحات عن آخر مشاركة فيه وأحيانا كان الكمبيوتر يعلّق وما كان عندي وقت أقرأ المشاركات وأرد عليها وخفت من كثرة الصفحات



    أعتقد الاخت رحاب الحق ما قصرت في الشرح والإجابة
    وأشكرج على تعاونج


    بالنسبة اللي جربوا الخلطة وما عطتهم النتيجة المطلوبة
    أرد وأعيد وأزيد : جربوا طريقتي اللي كتبتها بالضبط ( في الصفحة 7 )
    هذا الرابط

    لا تخلطون الزيت مع الحنة ، لا ، لا ، لا .............................الخ

    تسبحون شعركم بالزيت ( ويفضل زيت النارجيل ) لدرجة تحسين انه شعرج يقطر زيت ويا محلب وتسوون تدليك لراسكم لمدة 10 دقايق على الأقل
    أدري انه لوعة جبد
    بس كله في سبيل شعر ناعم ومفرود ومسبسب
    اخلطوا المقادير الجافة + عصير ليمون + سفن أب ويا بعض


    أنا شارحة الطريقة بالتفصيل الممل جدا
    طبقوها وبعدين ابؤوا آبلوني

تابعي تجارب أخرى من هذا القسم.