انا ام و بنتي في صف رابع بمدارس نجد في الرياض و هذي السنه طبقو التعليم الجماعي عن طريق المجموعات يعني المعلمه تشرح بس 10 دقائق و بعدها توزع عليهم اوراق عمل و يحلونها جما عيا
انا اتفق معهم بان الطريقه حلوه و تعلم البنت العمل الجماعي بس في المواد العلميه و خصوصا الرياضيات الحديثه انا اشوف انها صعبه
تصورو درس المنازل الخمسه اخذوه بحصه و حده و بشرح 10 دقائق فهل يعقل هذا
بنتي اذا جت من المدرسه تقول انا مافهمت من المعلمه اي شئ و اقوم و اشرح لها الدرس و اعطيها تمارين من عندي و صرت احضر لها الدرس تبع بكره و تصير هي الي تشرح و تعلم لزميلاتها في المجموعه
بس صار الشرح و حل التمارين كله على الام في البيت
المعلمه تقول لها كل الدرس حلوه في البيت و بعض المسائل تكون مبهمه للبنت و الام
ياليت المسؤلات يساعدوني و يعطوني رايهم بالتعليم الجماعي و خصوصا في ماده دسمه و تحتاج لشرح مطول و اكثر من حصه و هي مادة الرياضيات
شاركي في النقاش
سجلي الدخول لإضافة تعليق.
التعليقات
5- ياأختي المدرسه اللي تدرس فيها بنتك أهليه .. لأن المدارس الحكوميه ماطبقت هذا النظام ..
فالحل الوحيد أنك تنقلين بنتك لمدرسه حكوميه أفضل لها من حيث التدريس وخبرة المدرسات وطريقة التدريس.. الله يوفقك ويسهل على بنتك.. - حبيبتي بالعكس انا معلمة رياضيات ولي سنتين اطبق هذا النظام وبالعكس يجعل الحصه حمااس عند التلميذات وصرت مثل اعلى في الاشراف التربوي عشان هالمجموعات وحققت الطالبات عندي نتايج جداا ممتازة مقارنه بمعلمات اخريات يطبقون النظام القديم الي هو الشرح الطويل وعلى الطالبه فقط حل الواجب بالبيت صدقيني بس بنتك ماتعودت على الطريقه شوي شوي وتبدأ تتعلم وتصير مبدعه الله يخليها لك
- التعليم الجماعي رائع ىرائع رائع جدا اذا تم توزيع الطلاب بشكل مقنن واستخدم بشكل صحيح اي انه في كل مجموعة عدة مستويات من الطلاب ففيهم الممتاز والمتوسط والضعيف اما اذا اختل هذا فلايثمر بالشكل المتوقع منه 000
عموما التعليم الجماعي معروف في دول عالمية كثيرة وهو ممتاز جدا ولكن كما ذكرت له شروط000فلايصح ان تجعلهم بنفس المستوى الضعيف جميعا او اكثرهم يميل للكسل والملل و0000الخ - انا معكم بان التعليم الجماعي مفيد و لكن الي اقصده هل يفيد في ماده دسمه مثل الرياضيات تحتاج لشرح مطول و تمارين
- يصلح لكل المواد000
وبالاخص كما ذكرتي مادة الرياضيات والمواد التي تحتاج لمجهود ذهني وتفكير 00لان الطفل يفكر بطريقة قريبة من طريقة تفكيراقرانه ونظرا لوجود المتميزين في المجموعة فان هذا بحد ذاته ممتاز لانتقال المعلومة بينهما
حفظك الله سبحانه
مواضيع مشابهة
تابعي تجارب أخرى من هذا القسم.