صنم بوذا في اسواقنا !!!

@khoh_mrrrh محررة برونزية

السلام عليكم ورحمة الله وبركاته

صدمه :icon33: اليوم كنت في محل دايسوو الي بالعثيم مول وشفت رازين في الرفوف مجسم صغير حجم اليد لصنم البوذا !! طبعا انا عرفته لاني سافرت لشرق اسيا ودائما اشوفه عندهم في الاماكن العامه والمحلات وهم يقدسونه ويعبدونه بس الغريبه اني اشوفه في بلاد التوحيد واكيد فيه ناس شرته على حسن نيه يحسبونه تحفه ياربيه انا كلمت الكشير وقلت كيف تبيعون صنم بوذا عيني عينك قال هذا تحفه قلت انا لازم ابلغ الهيئه طلعت وانا حمقانه وسئلت عن الهيئه قالو اليوم مامرو واحتمل مايمرون طلعت وانا في قلبي غصه ابي انكر المنكر العظيم بس ياليت الي قريبه من السوق يعني الي في حي النسيم واللي تقدر تروح تبلغ الهيئه وتحتسب الاجر وتراه في الرفوف الي امام الكشير مع الاجراس الي تتعلق وتطلع صوت شكله دب ومكرش ويضحك وبعضه وجه فقط والبعض بالجسم لابس لبس مثل الاحرام الله يشرف الاحرام
لونه ذهبي وفي منه ملون وخشبي واكيد الي راحت شرق اسياء شافت هذا الصنم لانه مشهور عندهم
وهذي صورته اخذتها من النت للتوضيح



للاسف ماصورت الي في المحل نسيت من الحمق :icon33:

61 تعليق 8,175 مشاهدة

0 0

شاركي في النقاش

سجلي الدخول لإضافة تعليق.

التعليقات

59

  1. @sdyk_mrym محررة برونزية

    #47599828
    الله يهديك لوكنت مكانك كاااان بكل بساطة قلت ممكن اشوف التحفة هذي وامسكها في يدي اوكسرها في الارض اكييييد بيخااااف ويخبيها ماااارح يطلعها عشااان الهييئة الله حسيييبه

  2. @ana_rzony عضوة جديدة

    #47599958
    قال عليه الصلاة والسلام00ولو دخلوا جحر ضب لدخلتموه00 لاحول ولاقوة الابالله اللهم احفظ الاسلام والمسلمين00

  3. @maalm_thoook عضوة نشيطة

    #47599968
    الله يرحمنا برحمتة هذا جهل عظيم ومصيبة اعظم صنم في بلاد الحرمين؟؟

  4. @ma_ly_ghyrk محررة برونزية

    #47599972
    جزاك الله خير على غيرتك على دينك
    و جعلها في موازين حسناتك
    تلاقينه من الهنود والباكستانيه اللي يشتغلون بالمحل جايبينه يترزقون منه لحسابهم
    استغفر الله و اتوب اليه

تابعي تجارب أخرى من هذا القسم.