شاركي في النقاش

سجلي الدخول لإضافة تعليق.

التعليقات

1,514

  1. @sbrk_yaklby_1

    جلكسي2010
    الله يتمم حملك على خير دعواتك اني الد طبيعي
    السلام عليكم
    شلونكم شخباركم شمسوووين؟؟

    ام حوريه:
    هلا خيوو شخبارش؟؟
    علااوي زوين بس متوهقه وياه في الثياب ماشاءالله طوويل .. بس ضعيف
    يعني الثياب اللي طوله وااسعين عليه .. واللي قده شاقحين عليه
    يكسر خااطري بس اتملل وناس قالو لي مو زين كله ينام يعني ابو صفار متخمر فييه
    اني اقعده عشان مايتخمر فيه ابو صفار له
    خخخخ لازم اطالع في المنظره اتطمن على مستقبلي له
    والملح انتظر السيم يطيح ماباقي شي اطلع من الاربعين تاريخ 8-7 اطلع

    ام علااوي:
    هلا وغلا شخبارش حبوبه؟؟
    الله يساعدش صراحه .. اكره شي الشهر التاسع
    كل الاشهر في صوب وهالشهر برووحه في صوب ثاااني ممل حده
    ولدي خلاص تعود على الرجول وخلص في النهار من يزن شوي على طول نط ليه ابوه شاله
    والليل اني منزهقين عليه شكلنا .. والحين تعود ومو قادرين عليه اذا يصيح كل واحد يقول لثاني
    قوم شيله .. وهو يقول قومي شيليه خصوصا اذا نايمين وهو يصيح يبغي بس احد يشيله افف ملللل
    والقياس مو تغربلينهم لان في دكاتره تعصب وماتتحمل نفس وحده كانت وياي مصريه طايف موعدها
    وبيعطونها طلق صناعي كانت تفحصها الدكتوره المها وباعدت ايدها جان الدكتوره تعصب وتمشي
    ورجعت ليها حطت التحميله مالت الطلق وقالت ليها ماحطيتها عدل ومشت عنها
    ومسكينه تمت ساعتين لازم عقب التحميله ساعتين وراح الحمام الا التحميله طايحه
    بعضهم مايتحملون بسرعه يعصبون ويتنرفزون بس اذا دخلوا ناس واجد وياها قولي لها يصير يطلعون؟؟
    يازعم سوي روحش بريئه وخلاص .. وان شاءالله ماتحتاجين الى كل هالسوالف ينزل عليش الماي وسيده تروحين ولاده لا يقيسونش ولا شي ..
    امم مابفتي ليش في سالفه الطلق .. لان ماادري انتي صبري وشوفي شنو يصير خصوصا ان موعدش ماطاف
    بس يمكن هالحبوب عشان الابر اللي عطوش اياها تسكر الرحم له
    اول مره اشوف وحده تتمنى وزن بيبها يكون كبير يقولون ان يغربل في الولاده مايطلع بسرعه خخخ
    وناس يقولون المربرب احسن دفعه وحده وهو طالع .. اني ولدته 3 ونص بس ماتعبت في حزه ولادته بس شقوني
    واااااااجد .. وترى اذا وزنه 4 كيلو بيقولون ليش بنسوي عمليه بس رفضي
    لان هذي المصريه اللي كانت وياي وزن ولدها 4 كيلو قالوا لها مابتقدرين عمليه مارضت
    تقول لهم انا ولدي الاول 4 كيلو و ولدته طبيعي شلون هذا تبون عمليه مارضت كلللش فحاسبي يقولون ليش
    وترضخين لهم .. سمعت العمليه متعبه والامها ماتخلص .ز هو صح الشق تحت مو شوي بس بالكثير شهر الى شهرين ويرجع كل شي طبيعي عكس العمليه
    اذا تأخير موعد لازم السلمانيه عقب هم يعطونش تحويل الى جدحفص تخطيط كل يوم تروحين وحزه الولاده
    انتين تختارين المكان او تروحي السلمانيه او جدحفص
    وان شاء الله يارب تولدين طبيعي والله يسهل عليش ولادتش وتقومين بالسلامه وتسوين تجارب في علاوي
    وتجين اهني تفلسفين لينا شوي ومنش نستفيد عباره

  2. @am_aalaaaaaaoy_1

    جلكسي 2010
    مشكوره حبيبتي على دعاج
    والله يسهل عليج يارب وتولدين طبيعي

    صبرك ياقلبي
    أي احس الشهر طويل وباقي على الموعد يومين واحسهم شهرين مو يومين
    والله يعينج يوم انج عودتي ولدج على الرجايل لان صج يصيرون متعبين
    خصوصا وقت النوم والرضاعه تبغين تنامين والا كل شوي تقعدين له
    وتشيلين وتحطين واول ما يحس انه على الارض يصرخ مره ثانيه
    يالله عاد الحين لحقي عليه ههههههه

    وعلى سالفة القياس شكلي بغربلهم لان كل ما احاول اهيأ نفسي
    واقنع روحي فيه ما اقدر اقتنع خخخخخ والله يرسل لي دكتوره
    بنت حلال وتقدر ظروفي ووضعي يااااارب
    وان شاء الله مثل ما دعيتي لي اروح لهم واني موصله حدي
    وعلى طول ولاده لا احتاج تمغلص ولا قياس ولا خرابيط
    وان شاء الله ما أتاخر عن موعدي وابتلش معاهم هم من غير
    شئ بلشه بعد اتاخر اوووف مأساه

    وعن الابره الي تسكر الرحم سألت الدكتوره قالت لي لاتخافين
    عاديه وكانت لتسكين الألم ولا تخافين والله يستر ان شاء الله

    وعلى وزن البيبي بالعكس عجيب لما يجي كبير شحلاوته
    يصير منفوخ بس وين يا حسره وزن البيبي يادوب موصل 3
    و اسمع دائما يقولون الكبير يطلع بسرعه صدق يشوقون اكثر
    بس يساعد اكثر في الدفع والخروج بس الصغنون يظل يغافص
    ولا يساعد الام في الدفع فيغربلش تغربل لما يطلع
    وصديقتي ما شاء الله عليها جابت ولدها طبيعي وزنه 4ونص
    بس ولدته في البحرين التخصصي و اخذت ابرة الظهر حتى اني
    اقول ليها اشوى اخذتين الابره لان لو ما اخذتينها جان الله العالم
    شلون بتتحملين خروجه وهو وزنه 4ونص والحمدلله تيسرت امورها
    بفضل رب العالمين بس الحين فش خساره صار ضعيف على قولتهم
    نفخ مال بطن بس

    وان شاء الله اولد ولا احتاج اتشحطط على السلمانيه وجدحفص
    وان شاء الله السلمانيه ما يسوون فيني النذاله اذا رحت للولاده و
    يحولوني جدحفص لو اماكن ثانيه حزت الحزه لاني ما ابغي اولد
    الا بالسلمانيه هناك عندي ناس تتحمل فيني :)
    صديقاتي و اهلي يشتغلون هناك
    وصديقتي بعد قابلة توليد اقول ليها بس اشرفي على حالتي
    بس ما ابغيش لاتكشفين عليي ولا تولديني بس توصي فيني
    واشرفي على الوضع من فوق لفوق خخخخخخ
    اتقول الله يساعد الي بيولدج مو تصرخين وتعفسين المكان
    ترى ما يفيد الصراخ وبتتعبين روحج ولو اني ادري ومتوقعه
    ويش بتسوين

    سمعوا يا أمهات
    امس يوم رحت أمشي حسيت ان نزلت عليي افرازات
    يعني مو مثل المعتاد قبل هل يعني هذا ان قربت الولاده بشكل
    طبيعي والا شلون؟؟ وطبعا الضغط تحت هذا هو ونغزات
    تجي وتروح كل بين فتره والثانيه


    الله يسهل ان شاء الله على الجميع ياااارب
    اللهم هون الطلق وحسن الخلق يا ارحم الراحمين

  3. @sbrk_yaklby_1

    ام علااااوي:
    هلا حبوبه شخبارش؟؟
    الله يساعدش ويسهل عليش كاسره خاطري عباره
    لان مريت بهالتجربه فأ؛س فيش بعمق
    ولدي بعد عقب الولاده فش واااجد.. اكو متوهقه ويه ثيابه
    ماشاء الله عليه طويل بس ضعيييف يعني الثياب اللي طوله خباخب عليه واللي قده شاقحين
    حليو تولدين في مكان عندش ناس فيه يعني بيتوصون فيش عدل ولا بتتعبين
    بس اهم شي مايجون حزه الولاده لان الوحده ماتدري شتسوي حزه الولاده واذا احد يعرفش وتواجد هناك
    مابينسى الموقف اني قلت لزوجي ماابغي احد يجي وياي .. جت من الله ترقدت قبل الولاده بيومين
    حتى يوم ادش غرفه الولاده زوجي مو موجود خلصت الزياره الساعه 8 وكان توه مبتدي الالم وطردوه قالوا له مابتولد اليوم روح بيتكم
    بس مسكين كان حاس اني بولد ونطر برى الى الساعه 9 وشوي الا 10 ونص اني متصله ليه بولد
    بس دخلوني قبل مايجي ويوم ولدت وخلصت شفته هو واخوي
    بس تصدقين احسن جديي على الاقل ماصاد عليي بونت كله مره يتحجج فيني مايدري شسويت ولا يدري صارخت او لا
    والصراخ مثل ماقالوا ليش ترى واله يضرش اكثر من يفيدش اخت صديقتي من كثر ماقامت تصرخ التف الحبل السري على ولدها
    وسووها عمليه .. بس اذا تاخذين نفس بسررعه ينفتح رحمش ويخف الالم عنش وتولدين بسرررعه
    صديقتي ماشاءءالله عليها ولادتها سهله ان شاء الله تصيرين مثلها .. نزل عليها الماي في بيتهم وماصادها الم راحت
    وبسرعه ولدت .. حتى السيم طاح ليها في اقل من اسبوع ماراحت الحمام الا كااااااامل طايح في الكوتكس خط كامل طاح كله مره وحده

  5. @am_aalaaaaaaoy_1

    أم لجين حبيبتي
    حياج الله ونورتي صفحتنا
    واكيد نستقبلج بقلب مفتوح لج ولغيرج
    وان شاء الله نفيدج ونستفيد منج
    والله يثبت لج حملج ويهون عليج طلقج ويسهل ولادتج يااارب

    صبرك ياقلبي
    اي لاتخليني كل ادعي ليي ترى محتاجين لدعاكم
    اكو مهدده عليهم ما يجون ويقولون لي اوكي
    وحزة الحزه الله يستر جان مو يطبون ويسونها فيني
    بعدين لازم احتاج احد ويايي زوجي وامي على الاقل
    احس في احد ينتظرني بره الغرفه لو صادني شئ ما شيات
    والصراخ الله يستر شكله لابد منه بعد طلعت روح من روح
    اصعب شئ على وجه الارض
    والله يسهل ولادتي مثل ما سهل على رفيقتج ان شاء الله
    وكلها تساهيل بيد رب العالمين والله يسهل علينا وعلى الجميع ياارب

تابعي تجارب أخرى من هذا القسم.