يعطيكم الف عافيه جاك يا مهنى ما تمنى بصراحه انا ما كنت اعرف شئ في الميك اب وبعد ما اخذت دورة في الميك اب عرفت اشياء كثيرة وعرفت الماركات الحلوة وبفضل الله عرفت الاشياء اللي تناسبني واللي ما تناسبني وجربت الين وصلت الى الدرجات اللي تناسبني وخصوصا كريم الاساس والارواج والبلاشر والاضاءات بصراحه الفرش ما كان عندي فيها مشكله بس المشكله كانت في ان بشرتي سمراء وتعرفوا البشرة السمراء مو اي كريم يناسبها خصوصا اذا كانت البشرة دهنيه ومختلطه فصعب تلاقي شئ ثابت ويبين طبيعي وبصراحه لي تجارب فأكيد راح اقولكم على التجارب اللي ناسبتني للفائده واتمنى منكم الدعاء الخالص لي وقريبا راح انزل صورة الاشياء الحلوة اللي الكل مندهش منها بسم الله علي اول حاجه نبدأ
بالنسبه لكريم الاساس بصراحه ماناسبني ولا اعجبني الا اف سان لوران وانا عرفت السبب لأنه ماركه اف سان لوران لها باع طويل في مجال المكياج واستطاعت شركه اف سان لوران ايجاد كريم مناسب للبشرة السمراء والدهنيه المختلطه ومالقيت لها منافس لحد الآن وفرررحت بصراحه لما لقيت شئ يناسبني ودخل مزاجي وبقووووووووة
ومن فرت ةرحت السوق وقلت ابغى ادور على كريم اساس تاني يناسبني لازم اغير عن اف سان لوران وبصراحه لقيت ميبيلين منزلين درجات حلوة ومناسبه للبشرة السمراء بس بصراحه ما جازفت ولا اشتريتها لأني لما جربت على يدي كأني حأطه مويه حسيته خفيف مرة ممكن اجربه مستقبلا يا كثر كلامي المهم
بالنسبه للبودرة انا طبعا زماااااااان كنت استخدم نيبو بس للأسف ما عاد صاروا يجيبوا الدرجه اللي تانسب البشرة السمراء انقطعت من الاسواق ما الاقي الا البشرة الفاتحه مرة ولا ناسبتني والى الآن مالقيت بودرة تناسبني ابغاها يكون لونها مناسب لي مو كأني مشهبه خخخخ
المهم ورحت لمحل ولقيت عنده ماركه اول مرة اسمع فيها اللي هي اوروجانس وقال لي صاحب المحل هذي للبشرة السمراء وفعلا اللون اعجبني غامق نوعا ما المهم علبته سوداء وهو عباره عن كريم مع بودرة مدموج مع بعض جربتي على يدي واااااااااااو مرة شئ جونان
واشتريتها ورحت للبيت وجربتها طلعت مرة حلوة حتى امي قالت اعتمديها حلوة عليكي بس برضوا ما زلت ابحث عن البودرة اللي تناسبني مو لاقيه شئ مناسب لأنه اتعلمت في الدورة انه بعد ما تحطي البلاشر على الخدود لازم تحطي فوقه بودرة عشان يخففي من حده احمر الخدود ويصير اللون كأنه طبيعي للخدود اكيد فهمتوا عليه<< اوكي>>
بالنسبه للأرواج انا استخدم ريميل والالوان المفضله ليه راح اقولكم عليها وعارفه انها ماراح تعجبكم بس واحدة والشئ اللي يناسبها انا سمراء فألوانكم اللي تختاروها مرة اوفر وماتناسبني يعني البنك لو امووووت ما احطه اطلع وع مثلا ماركه ريميل اخذت منها روج احمر لا تقولي انتي سمراء كيف احمر احمر غامق ولما حطيته مرة طلع حلو عليه رقمه 175
والروج التاني كمان من ريميل لونه وردي غامق مو على بنك مستحييييل يجي حلو عليه ورقمه 084
بالنسبه للأيشدو كراجا بس ايش يا بنات مرة حلو بس يبعوها مفردة مالقيت علبه كامله يعني انتي تختاري لون وهو يعطيكي انا اخترت علبه واحده مدموج فيها ثلاث الوان اللي هو >> بيج فاتح وبرونزي وبني فاتح بس مررررررررة حلو صح العلبه صغيرة بس اللون مرة مركز كراجا انا شفت اعلاناتها على قناه ستروس واعجبني مرة بس مالقيت في السوق علبه كامله لقيتها مفرده ب 45 ريال بس تستاهل
بالنسبه للبلاشر برجوا اخذت درجتين وردي واحد بلمعه قويه والتاني مطفي بس درجات غامقه شويه مو مرة بس مناسبه ليه وبصراحه المشمشي من برجوا دااااااااااخ رأسي وانا ادور مالقيت خساره كنت حآبه عشان اعمل الميك اب برونزي بس لقيت البديل بصراحه ماركه اول مرة اسمعها اخذت البلاشر منهم المشمشي اسم الماركه كوين لاين مش بطاله حلووووووة واعجبت امي
نيجي للعيون الحلوين الماسكرا من ميبلين ذا كولو سول فولوم اكسبريس كذا مكتوب عليه ولون العلبه صفراء يقولوا نازله جديده تعمل على اطاله الرموش وتكثيفها وترطيبها فعلا يا بنات انصحكم فيها وربي اول مرة استخدم ماسكرا ما تدبق ولا تشبك الرموش في بعض بصراحه كثير بنات يمدحوا ماسكرة ماكس فاكتور انا مرة ما ناسبتني
الكحل الازرق القلم بصراحه كثير بنات مدحوا برجوا بس مالقيتها مخلصه ولقيت ماركه تانيه اعجبني حده اللون الازرق وخصوصا مع العدسات الرصاصي الفاتح اووووووووا حكايه بصراحه واسم ماركه الكحل الازرق بوند ستريت حلوووووووووه
ونسيت اقولكم عارفه طولت عليكم لقيت شدو من ماركه مكياج بصراحه مرة حلوووووة عباره عن سته الوان كل لونين بجنب بعض مثلا اخضر فاتح بجنبه الزيتي اعجبتني الوانه
واخيرا الاضاءه اللي تحت العين وعلى عظمه الخد لا تفوووووووووووووتكم ماركه اسمها <<لمسه << مو معروفه واول مرة اسمع فيها بس اعجبني مرة اضائتها شئ خيااااااااااااال
تعبت وربي من كثر الكتابه انتظروني قريب راح انزل صور الميك اب تبعي بس اهم حاجه لا تنسون تدعون لي حبايبي
ودمتم
الأرواج - البلاشر - الاضاءة - الفرش (( تجارب نصائح استفسارات حواء))
متابعة النقاش، صفحة 61