يااااااااااااااارب افرجها علي

السلام عليكم , اسعد الله اوقاتكم بكل خير
حبيباتي بنات حواء هذي اول مشاركه لي بالمنتدى واعذروني مشاركتي شوي كئيبه بس وش اسوي وربي حييييييييييييييييييل تعبانه ومنهاره ومدمره نفسيا
انا بنت عمري 33 سنه ماسبق لي الزواج , انخطبت من حوالي شهر وشافوني اهله وحيل عجبتهم وانا بعد ارتحت لهم مره خصوصا امه وبعد فتره جا وشافني وعجبته ومشت اموري تمام واستخرت كثير وحسيت انه نصيبي , وغلطتي اني صدقت وغرقت باحلامي وتخيلته زوجي وتحلمت بعيالي وبيتي وربي حتى اسماء عيالي اخترتها وتخيلت اشكالهم - لبى قلوبهم - وبديت اهتم بنفسي واخطط للملكه والزواج وفجأه انهارت كل احلامي , في يوم اسود جا واحد عند الوالد وقال انصحك لوجه الله لا تزوجه تراه فيه وفيه وفيه والوالد الله يسامحه ويغفر له ما كذب خبر ولا تأكد من صحة الكلام مع انه سبق وسأل عنه وكان الكل يثني عليه وطوالي اتصل فيه وقال الله يستر عليك مالك عندنا نصيب , حاولت اناقشه قلت يا بوي تأكد بالأول يمكن هالرجال حاقد ولا يبيه لحدا بناته وياليتني ما تكلمت وربي جرحني وكسر قلبي قال لي خلاص يا بنت السالفه انتهت والرجال مو من نصيبك لا تكونين حبيتيه ولا لا تكونين تعرفينه من قبل وتبينه وربي انصدمت معقول ابوي حبيبي يشك باخلاقي ليش يا ربي ؟؟ ليش البنت اللي تبي الستر ما تتوفق لا وينشك باخلاقها بعد ؟؟وربي ما أبي غير الستر وكنت ناويه احطه بعيوني واحط امه فوق راسي , ماعاد عرفت ابكي على ايش , ابكي على حلمي اللي انهدم ولا ابكي على كرامتي اللي انجرحت نفسيتي دمااااااار والدنيا بعيني اضيق من خرم الابره كرهت نفسي وحياتي وكل شي يااااااااااااااارب اللهم أجرني في مصيبتي واخلف لي خيرا منها يا أرحم الراحمين عوضني خير عاجلا غير آجل انك على كل شيء قدير
ادعو لي حيييييييييييييييل تعبااااااااااااااااااااااانه

17 تعليق 1,010 مشاهدة

شاركي في النقاش

سجلي الدخول لإضافة تعليق.

التعليقات

17
  1. الله يعوضك باللي أخير منه ان شاءالله
    (وعسى أَن تكرهوا شيئا وهو خير لكم)

    الزمي الاستغفار والدعاء وربي يعوضك ان شاءالله
  2. @mhg

    ياعمري والله ..كسرتي قلبي
    ماتعرفين ياقلبي يمكن يكون خيره لك ويعوضك رب العالمين باللي احسن منه
    وبالنسبه لعمرك انتي تعتبرين صغيره مو كبيــره ولحد الان يتمنوونك مليوون رجاااااااااااال
    بس ادعي رب العالمين اللي مايخيب عبده ولا رااجيه
    ويالله ياكريم يرزقك بالزوووج الصاالح اللي يحفظك ويرااعيك ولا يشوف غيرك وتكونين بعيوونه مثل الورده
    ويرزقك ياربي بالاولاد الصااااااالحين اللي يبروونك يارب العاالمين
  3. @ahl_nona19


    الخيره فيما يختاره الله

    ولاتزعلين نفسك ماهو نصيبك قدر الله وما شاءفعل..

    و ان شاءالله ربي بيرزقك الزوج الصالح عاجلا غير اجلا

    ربي يسعدك

تابعي تجارب أخرى من هذا القسم.