بسم الله الرحمن الرحيم
السلام عليكم ورحمة الله وبركاته
لا لا هذا الموضوع تحذير من قناة تعرض لها فتره
اسمها
(سات7 كيدز )
هذي اول قناة مسيحيه للأطفال في الشرق الاوسط

التردد تبعها يطلع في عرب سات ونايل سات ويوم بحثت لقيته تقريبا يطلع في ترددات كثيره
يعني غزو مو فكري زي ما تعودنا من قنوات معينه لا
هذا غزو ديني
د(طبعا القناه واضح جدا انها تنصيريه يعني يستخدمونها للتبشير)
طبعا القناه مره مره تلفت انتباه الاطفال لأن طريقة عرضهم تروق للأطفال جدا جدا

ويوصلون لهم بسرعه
انا طبعا ما كنت اعرف انها مسيحيه ابد

شوي الا اطالع وحده تنشد واللي لفت انتباهي انها في كنيسه
وشوي الا جابو المسيح حقهم معلق في الجدران
وشوي الصليب
والكلمات افضع وافضع
مضمونها ( انو هذا الملصق بالجدران هو اللي بيخلصكم وهو اللي يغفر لكم وهو اللي بيدخلكم الجنه ) يقصدون طبعا المسيح
على العموم

حسبي الله ونعم الوكيل
انتبهوا للصغار
ترا حنا ننشغل بعض الاحيان وما ندري وش جالسين يسوون
ولكن احسن طريقه امسكوا الريموت ولا تخلون الا كم قناه
انا اروح عند ناس واشوف في الرسيفر حقهم القنوات متكرره واذا جيتي تبين قناه معينه تجلسين ساعه على ما تحصلينها مدري وشهاللخبطه وشلون عايشين
كل شي بالريموت وحنا جالسين وعجزانين نحط كم قناه اللي نشوفها وبس
بعضهم فوق 500 قناه !!
انا يوم سويت كذا ارتحت مره اللحين الحمدلله ما اشيل هم يعني اي قناه جديده تدخل عرض الاحظها على طول
استوا ابي اجيب لكم شعار القناه

سبحان الله اول ما شفت القناه من فتره كنت ابي انزل الموضوع ونسيته مره راح من بالي
وذكرتني فيه اختي جزاها الله خير وكتب اجرها
منقول بتصرف بتصرف كبير
اتمنى الموضوع يعجبكم والقى تفاعل
مثل ماعودتوني ياحبايبي
ولكم ارق التحايااااا:26: