اتوقع بيحولج عادي لكن اول ما يحولج على قسم الانابيب لازم تفتحين ملف هناك و بعدها تاخذين الموعد و ما اعتقد تحصلين مواعيد قبل رمضان و خاصة عند شحاته لكن حاولي تطلبين منه اهو يتوسط لج للموعد . شوفي ايش يصير معاج هالشهر و بعدين و بعدين انا احس تريحين من المنشطات والابر و تاخذين فترة رمضان راحة علشان تتدخلين على الانابيب فريش .. و ما يكون جسمج و مبايضج مرهقة .. لا تستعجلين :) و اكيد الخيره فيما اختاره الله .
سوري بعدل الجدول بعد شوي :) الله يسير لج يارب .
مب شرط تبلد حس لكن يمكن ربي هون عليج و صبرج او يمكن انتي للحين فيج شويه امل علشان جذي... انا كل اللي زعلته هالمرة ربع يوم بس و بعدها خلاص و صحت مرة و انا اصلي و انتهى الموضوع فسبحان الله انا اطلب من ربي دايما ان يربط على قلبي و يصبرني و يمكن سبحان الله ربي صبرج و ربط على قلبج .. يارب يرزقج عاجل غير اجل .
الله يثبت اجنتج يارب عليج بالدعاء و الاللحاح و الرقية.. و يارب يا من ثبت السماء بغير عمد ثبت اجنتها يارب .
ايش فيهم الحوامل الحساسين :) يختي الخدمات الله مكثر منهم و جيبي وحدة و علميها مثل ما علمتي اللي قبلها بتعلمينها .. هونيها عليج و ما دام السالفة فيها سواد ويه احسن لج انها تسفرت .. و الله انا ما اعرف مكاتب و الا كنت فدتج ..
الله يرزقج بالخدامة الطيبة الامينة يارب .
تجمع البنات المقبلات على اطفال الانابيب في قطر والحوامل الجزء السابع
متابعة النقاش، صفحة 377
