
\\
ريج البنفسج ..
انزين اذا ما حسوا ان عندي ولاده مبكره ..
شسوي ؟
و هالابره لآزم انا اطلبها ولا هم يـوصفونها لي
انا قلت ابي اسوي ربط .. بس قالي ظافر ما تحتاجين الحمدلله لان طول عنق الرحم طبيعي , بس اذا تبين بسويلج
وقلت بستشير دكتور ثاني
يوم دخلت على دكتور فادي في حمد .. سالته ..
قال لي ما اؤيد اذا طول العنق عندج طبيعي لانّ الخيوط او الغرز هذي ممكن تسبب التهابات وممكن تكون كشي غريب يدخل على الجسم ف ما يتقبلها بسهوله ..
وان هاي الربط ما راح يمنع شي الله كاتبه لج ..
المهم ان الكلام اقنعني و قلت اللي الله كاتبه بيصير ..
:)
..
حبيت فكرتج بخصوص الجدول
لان انا بديت ارتب غرفتي في بيت امي .. ف قلت بابدى حبه حبه ..
باجيب نجار يشيل كبتي و فصلت لي كبت جديد .. و عقبها صبغ و ورق جدران و زَل ..
:icon28:
وعلى طاري المفرش ..
شريته من زارا هوم .. روحي شوفي يمكن تلقين شي لان ملاحفهم وايد سميل وكلاس بنفس الوقت .. وانا ابي شي جي
وكل اللي اقرا عنهم في مواضيع التجهيزات شاريين ملاحفهم من هناك ..
بس الي خذته للمستشفى مب لبيت ابوي ..

وامس رحت فيلاجيو
شريت شيئين كيوت للبيبيات من زارا
شفتهم مسويين تنزيلات قلت باتمشى ادور قمصان لي بقصّه ..
ولاشعوريا اشوف نفسي صوب النيو بورن ..
خذت لهم بيجاما و شي جي كيوت جنه قالتلي خالتي ينلبس عادي تحت المهاد ..
فديتهم .. احسهم بيطلعون انتف .. مادري شاخذلهم
بس اللي خذته واحد من 0-3
والثاني من 0-1 يعني حق اول الايام بسسس ..!
لان ماشاء الله اليهال اول الايام تحسينه ماشاء الله يكبر بسرعه
وبس بحط هالاغراض ف شنطه وكل ما شريت شي بحطه فيها ..
والله يتمم على خير ان شاء الله
..
وعلى طاري عوار الظهر و الورج .. عندنا وعندج خير . . ويا مالج من الخير بعد حبيبتي
لان تونا باول المشوار ..
والله المستعان
..
تحسين طلع لج بطن ؟
لا تنسين تدهنين بطنج بكرييييييييم زبدة الكاكاو .. انا كل ليله احط من اول الشهور
احس صدري شوي بدا يتشقق .. :44:
نسيته ما كنت ادهنه
اذا تبين صورة الكريم اللي وصف لي اياه الدكتور بـصوره لج اشتريه من الصيدليه
لاني احسه وايد زين
..
حسبي الله على نظام الجامعه
كل يوم طالعين بقرار يديد ذيلا ؟
والله في ناس مادري مافيهم احساس ابداً ..
يعني وحده والده ما كملت شهر تطلع و تجحت في مبانيكم

بس بسالج
انتوا الكورس الياي يبدا شهر 9 صح ؟
ومتى يخلص ؟
مب 12 ؟
لان احنا ولادتنا على شهر 12 ان شاء الله
ف بتكونين توج ما ولدتي جنه؟؟؟؟؟
ماقدر اخذ اجازتي في رمضان ..
لان الدوام يكون خفيف وحلو .. ومافي زحمه
فقلت باخذها عقب اجازة العيد ان شاء الله
احنا نظامنا .. الوالده تقعد 50 يوم .. وانا عقبها باخذ من سنويتي اسبوعين او 10 ايام
بيطلعون لي 60 يوم ..
شهرين حلوين ..
عشان اقدر ارد استعيد رشاقتي
