الادويه خذي لك علبه حطي فيها ميزان الحراره وخافض للحراره وبنادول لك وبنادول شراب للاطفال مررره ممتاز
وعلاج للكحه والزكام ونزلات البرد وتحميلات للاطفال
ومسحات طبيه ولصق جروح وفيكس وفازلين وواقي شمس
والملابس خذي لك كم بنطلون لك وكثري تيشيرتات وترنقات قطنيه لان هناك حر موت وخذي لك بلوفر متين لو رحتي جنتنق ترا هناك برد
ولاتنسين النظاره الشمسيه والقبوعات حقت الشمس لاولادك وزوجك ولاتنسين العربانه للطفل ضروريه وكذلك المظلات او ممكن تشترينها من هناك
وملابس العيال خذي لهم بناطيل وتيشيرتات وكثري منها لانهم اطفال ويوسخون ملابسهم بسرعه
وخذي لهم شي متين لجنتنق لايتعبون عليك وكثري لهم ملابس داخليه وخلي كل شي قطني
وللنوم خذي لهم كم بيجامه لاتكثرين ..
اما بالنسبه لملابس السباحه ماله داعي تاخذينها من هنا لان هناك عند الشواطئ والمدن المائيه في محلات تبيعها اشكال والوااان
والاحذيه خذي لكل واحد جزمه سبورت مع شراب وصندل واحد
وخذي لهم شنطه وحده حطي فيها سناك وتسالي واشياء خفيفه لو ازعجوك اعطيهم وممكن دفاتر تلوين
يتسلون فيها او اي لعبه خفيفه ماتثقل عليك
والعبايه لازم تاخين عبايتين وطرحتين ونقابين لانهم مهمات جدا كل يوم بتتوسخ عليك عشان كذا لازم غيار
وجزماتك نفس الشي خذي لك جزمه سبورت وحده مريحه مع صندل فلات او شبشب انيق فلات لك لاتكثرين جزم لانك تكيد بتشترين من هناك
ولاتنسين مناديل الديتول ضرووووريه جدا حطيها في شنطة اليد ولاتنسين بعد غطاء المرحاض البلاستك تلاقينه بالصيدليات مره مهم
عشان الجراثيم والامرض الله يكفينا الشر ..
ولاتنسين تشيلين شنطه قماشيه او اللي تجي بلاستيك الخفيفه اللي تتسفط عشان المشتريات من هناك وخفيفه ماتاخذ وزن
وبس هذا كل اللي عندي
أحتاج مساعدة في وجهة السفر/ تم تعديل العنوان / م دمج المواضيع المتشابهه
متابعة النقاش، صفحة 402
