من جد يابنات خاطري ابكي
صار لي قرابة الشهرين ادخل هذا القسم واستفدت والله استفاده عظيمة وحبيت اطبق اللي استفدته
استنيت لين اخر الشهر(علشان الراتب) ولما اخذت مصروفي ارسلته لاختي علشان تشتريلي بعض الاغراض
لاني ما اقدر انزل للسوق الا مع زوجي وزوجي مايحب الفرفره
واغراض البيت يبيلها
عموما لماارسلته كلمت اختي وقلت لها ابغى كذا وكذا وكذا
فالت تم والله يجزاها خير كل يوم تنزل تاخذلي شوي وتكلمني تعطيني التفاصيل
وانا مستانسه بشكل ماتتخيلونه وانتظر متي يجوني
ارسلتهم الخميس الله يجزاها خير مع قريبنا
وانتظرت لين اليوم راح زوجي لمه وجابهم
من الفرحه ما قدرت انتظر حطيت العشاء لزوجي قال ماتبغين تتعشين ؟ قلت له لا مالي نفسي جلست شوي وبعدين قمت افتح الاغراض
لما فتحتهم طارت عيوني حاولت امسك نفسي قدام زوجي
واطلع فذا الاغراض واطلع وانا مصدومه
كل غرض يفجعني بعد الثاني
تخيلوا ولا شي من اللي ابيه جابته
والاغراض اللي جابتهم لو بيجوني بلاش ماحطيتهم
المصيبة اختي هذي ذويقة شلون جابت كذا ما ادري
كتمت دموعي وسكت ابغى احاول اكلمها اقولها ع الاقل يعطيك العافية قدام زوجي ما قدرت خفت اجلس ابكي
زوجي لاحظ تغيري قالي شفيك كتمتي؟؟
قلت له مو هذي الاغراض اللي ابيها
قال عادي
قلت له ودموعي نزلوا حرمت نفسي مصروفي واخرتها ولاشي
ماتحملت طلعت للمطبخ وجلست ابكي
حتى زوجي رحمني قال خلاص بوديك الاسبوع ذا وتشترين اللي تبينه
من جد قهر
كان خاطري اصور بعد ما اظبط وانزله زي البنات لكن
الحمد لله على كل حال
شاركي في النقاش
سجلي الدخول لإضافة تعليق.
التعليقات
59- وش دعوى ياعمري عادي الخسارة بالعمر وهذا درس لزوجك عشان يخليك تتقضين بمزاجك اللي تبين وخليه يتعود انتي اللي تروحين معه او مع غيرة
- مصيبة انا فديرة ما عرف فيها احد الا زوجي واهله
يالله الحمد لله ع كل حال إذكروا الله 333 وش دعوى ياعمري عادي الخسارة بالعمر وهذا درس لزوجك عشان يخليك تتقضين بمزاجك اللي تبين وخليه يتعود انتي اللي تروحين معه او مع غيرة
- عاااادي ... اهم شي اشكري اختك
واللي ما تبغيها وزيعها هدايا ..
والحمدالله زوجك اخذ درس
وموفقة زهرة فنلندا خليه يتعود يآخذك ويدور معك وش وره آنتي زوجته بعد
لاتعودينه تبدبرين عمرك وتخلين حد يجيب لك مقآضيكي غلط بكره لي بغيتي شي مآجآبه لكي وآختك تجآملك مره بعده لا
وفرصه جآتك هذآ آلموقف آستغليه وغيري طبع حيآتك
مواضيع مشابهة
تابعي تجارب أخرى من هذا القسم.