:: ولدي عمره سنة بـ ــس لا يمشي ولا يتكلم :( ::

السلام عليكم ورحمة الله وبركاته

خواتي العزيزات ..

ولدي عمره الحين ماشاء الله سنة و 4 شهور.. بس مايمشي للحين!!! بس يوقف عالاشياء ويمشي عليها شوي بس ابدا ما يعرف يوقف لحاله بدون ما نمسكة على طول يطيح.. بس اذا ماسك شي او مسكناه من يدينه الاثنين يمشي بس لو مسكناه من يد وحده مايعرف ويطييييح... :(


وابدا ما يعرف يتكلم .. يعني يقول خرابيط.ويغني مرات هابي يبرثداي بس مب مفهومه وايد.. وللحين ماقاللي "مــامـــا" اللي اتمنى اسمعها منه قلبي.. :( ويوم افهمه اقوله قولي ماما ابي يردد وراي مايعرف

خايفة عليه... وشو اسوي

وحد مر عليه هالشي؟؟؟

22 تعليق 40,225 مشاهدة

شاركي في النقاش

سجلي الدخول لإضافة تعليق.

التعليقات

20
  1. @m_amp_ms



    انا ولدي ماتكلم الا بعد سنه بالضبط
    وخرابيط مثل ماقلتي
    والحين عمره 3سنين مسوي نفسه فاهم ويقلد كلام اي واحد اكبر منه

    طيب باسألك ..
    لوانتي طلبتي منه شي يفهم عليك؟ اذا ايه فهو طبيعي
    ماعليه شر ان شاءالله
    سبحان الله تلاقين البنات بعمر السنه يتكلمون قبل الاولاد
  2. @bronzy_dlaa

    انا ولدي عمره سنه وشهر ما يتكلم ولا يمشي .
    بس يوفق شوي ويطيح ..
    ****لله ربي يكبرهم ونشوفهم يمشون ويهذرون ..
  3. @allh_maa_almthlom

    اكيدد البنت بتهذر قبل الولد بلا والله من القافه هههههههههههههههه

    طبيعي اختي في اطفال احيانن صعبين في كل شي حتى في الجلسه والحبي وكل شي
    انا ولدي مشى متاخر يمكن سنه وشهرين عكس اخوي مشاءالله تبارك الله مشاء ابو 8شهور ولدي يتكلم عادي حتي يناديني بأسمي دايم حتى في السوق ازعاج ابوه يتضايق اقوله طفل وش بيفهمه عمره الحين سنه وخمسه شهور واخوي مشاءالله حكيه مفهوم طبع ولدي واخوي مابينهم شيي يمكن فرق 5 شهور
  4. @rain_dance

    صاحبة الموضوع
    مشكوووووورات خواتي...

    يوم اكلمه عن شي مثلا اقوله عطيني يعطيني .. ولا وين اخوك فلان يأشر عليه...بس يوم اقوووله قول ماما يطناااظر فيني ولااا يقول شي :( كأنه مب فااهم...

    وحده قالتلي شكله بيكون ثقيل اذا كبر يعني كسووووول.. بس ماشاء الله عليه الحين يخرب كل شي..
    بس لبيه يقووول مامااااااااااا

    وفعلا يقولون البنات يمشون ويتكلمون خاااصة قبل الولد أجل ماننلام نحن معشر النساااء يوم يقولون ثرثاراات هههه..

    برونزية دلع ياااارب ما يخلص هالشهر إلا وهم يمشون ويتكلمون ^_^
  5. نفس ولدي عمرة سنه وشهر ومايتكلم ومايمشي الا على الاشياء واحاول اوقفه لوحدة بس يطيح ولو كان ماشي على جدر امسكه واقوله هدا هدا ابيه يمشي معاي يطيح احس فيه خوف

    وبرضه مايقول ماما لما اقوله ماما يقول بابا :icon33:

    واحاول القنه كلمات بس لسه مايتكلم

    الله يقر عيننا بمشيهم ونطقهم ويكونون سليمين معافين من كل شر ياااارب

تابعي تجارب أخرى من هذا القسم.