مساء الخير يا حوامل
كيف حالكم وكيف الحمل عامل معكم
صدقوني انا عندي الحمل كله اهون من التربيه والرضاعه وتعبها... خاصه اذا كان البيبي من النوع اللي يبكي كثير.
بنتي الله يخليها ماخذه وقتي كله ماعندي وقت لنفسي ابد... بس احس اني بديت اتعود عليها اكثر.. يعني صرت اعرف اذا ممغوصه او تبكي تبي حليب.. ويا حرام هي دائما ممغوصه احترت معها،،، مغص وامساك شديد.. بالنسبه لي ما ارضعها من صدري دائما لان مافيني حليب يكفيها.. فاستخدم لها حليب نان ومن يومين غيرت لها الحليب واخذت لها نان بعد ولكن للاطفال اللي يعانون من المغص وللي معدتهم حساسه ولكن ما زالت مثل ما هي.. حرام توجع القلب لما اشوفها تتألم وتبكي بشدة ووجها يصير احمر من الالم اللي حاسته... اعطيتها ينسون علشان يخفف عليها ولكن بدون امل... يا ليت اللي تعرف طريقه تعلمني.
بالنسبه للحزام انا ما استخدمته.. مع اني كنت ناويه استعمل وجبت منه ولكن لما سألت الدكتوره.. قالت لي لا تستخدميه.. لانه الحزام راح يخلي عضلات بطنك تعتمد عليه بالشد وبالتالي ما راح تشد عضلات بطنك لحالها راح تتعود ان يكون في شئ يشدها.. والاحسن علي حد قولها اني اشفط بطني بنفسي وطبعا الرياضه ولكن مش قبل 6 اسابيع بالنسبه لي لان ولادتي قيصريه.
وانا بصراحه مستعجله وابي اضعف بسرعه.. خاصه ان عندي عرس اختي بعد شهرين... وزوجي من النوع اللي يدقق.. يعني صرت اهتم بشكلي مع ان ما عندي وقت وصرت البس حلو بدل الجلابيات والبيجامات اللي كنت البسهم اول ما ولدت... ومن كم يوم جبنا مصوره علشان تصور بنتي وتصورنا معها.. فاضطريت اني البس واسشور شعري واحط مكياج.. ويا ليتكم شفتوا الصدمه علي وجه زوجي بس كان مبسوط... وعلشانه خليت كشختي علي ما بدلت ولا مسحت المكياج.... يعني لا تهملوا نفسكم ابد... تراها نصيحه.
imay حبيبتي كيف الوزن معك
WeeLaaH و عطر الشموع و ام عبدالرحمن شخباركم.... الله يهون عليكم
حوامل الشهر الخامس
متابعة النقاش، صفحة 241