~{ حوامــــل ونفــــاس الغربة }~ {الملف 2}

ابشركم بنات اللي صار لي صار عادي ومافيه خطر الحمد لله بس قالت لو صار مره ثانيه فهذا هو الخطر
او صار معه حراره في الجسم او صداع وبعدين قالت لي طبعا دكتورة السيرجري اني لازم اريح
وسوت لي وشافت النبض صار طبيعي والمويه الي انزلت مو موية الطفل ولو كانت مويته كان سقطت
والحمد لله على كل حال

ما تشوووفي شر ان شاءالله
واتبهي على نفسك وريحي

:26: السلام عليكم


حبيت اشكر الاخت عين القمر نجلاء **** يجزاها كل خير مع اني سهرتها واقلقتها معي يوم ولادتي ,, **** افرح نظرتك قريب وتقومين بالسلامة ,,
اكتب لكم قصة مغامرتي مع ولادتي المعتبرة هذا يا طويلات العمر بدا الطلق معي علا الساعة 2 الليل بس كان مؤدب شوي كل نص ساعة يطل علي وكل مالة يشد لين صار كل ربع ساعة طبعا كان الخوف مسيطر علي اكثر من الالم والقلق ,كنت بروح المستشفى من بدري بس الاخت عين القمر قالت لا تروحين لانهم بتعبونك في القياس ,حاولي تتاخرين المهم يا حبايبي علا الساعة12 خلاص وصلت حدي واروح لهم لقيت الرحم مفتوح 4قلت كويس قرب الفرج,بس شي حلو المستشفى والعناية وغرفة الولادة كانها فندق :),و**** شي المهم يا بنات احلا شي عندهم الاكسجين يوة و**** حسيت اني سكرانة فاقدة الوعي تمنيت اني جايتهم اول ما جاني الطلق,و**** يا بنات من جد انا مساكين في السعودية مدري ليش الاكسجين عندهم كذا لية ما يعطونا في السعودية مثلة دخلت عالم ثاني والميداويف كانت اتهاوش علا شاني ما عاد فكيت الا كسجين اتقول بس اذا جاك الالم وانا ما صدقت لقيت شي نساني الالم ,هذا يا طويلات العمر ما حسيت الا والميداويف اتصحيني اجايبة كورة كبيرة واتركبني عليها وانا عايشة جوي احس اني طايرة في السما واتقول نططي عليها بعدين ما تعبت الا في طلعة النونو هاذي اللي من جد تعذبت فيها ما بغا يطلع
بس اتصدقون تذكرتكم في ها الحظة وانا في اقسى مرحلة من التعب الا الميداويف تقول لي بوش بوش الا واتذكركم و**** اني احبكم تذكرتكم في هالحظة لاني دائما تمر علي كلمة بوش في المنتدى بس ماعرف معناها بالظبط اهي في الولادة بس مدري وش هي الا افهمها ساعتها الا وشرف ميدو بس كانت تجربة حلوة لاحظت انهم عكسنا في السعودية نتعذب في الطلق ما تجي طلعة النونو الا انتي خلاص طافية ما تحسين فيها من العذاب اللي شفتية من الطلق هنا العكس ترتاحين او بمعنى اصح تسكرين في الطلق بس تتعبين في الطلعة,ما طولت جيتهم الساعة 1 الساعة 5 ولدت والحمدللة علا كل حال ,.حبيت اكتب لكم تجربتي واتمنى اكون خفيفة عليكم واعذروني علا التقصير اي استفسار انا حاضرة...

ليندا لووووول ضحكتيني والله والحمدلله على سـلامتك وترى بلعكس يدوو الاوكسجين في السعوديه وترى الولاده حظ وتساهيل ممكن وحده ما تتعب في السعوديه بس برى تشوفها صعبه وتتعب مو شرط ابدا
واللهم لـــــك الحمد
والف مبروك
اما بووش لوووول معاناها دفع او يدف
والحمدلله على سلامتك مره تانيه
....