شاركي في النقاش

سجلي الدخول لإضافة تعليق.

التعليقات

102
  1. @khlsto_alasamy

    هذا من العين والله العالم الناس مالها الظاهر وتسولف انكم مبسوطين حتى احنا العيون تعبتنا ارقي نفسك وبيتك وامسكي الاستغفار
  2. @alzyn_ghsal_ydyn

    اسال الله العظيم رب العرش العظيم ان يفرج همك ويعوضك بخير ويرزقك الزوج الصالح ويسعدك في الدنيا والاخره اللهم امين
  3. حبيبتي مبين التعب من كلامك ..

    أنتي اللحين ثايرة وجامعة الصغير قبل الكبير على راسك ..

    قبل ما تقرين كلامي تعوذي بالله من الشيطان الرجيم ..

    ما راح أقولك الدنيا ما تستاهل .. لأنك عارفة هالشيء .. بس راح أقولك .. أن الدنيا كل يوم تصدمنا وتفجعنا بمصائب

    نعتقد أننا ما نخرج منها .. ولكن نلقى بعدين السلوى والنسيان من رب العالمين ونطلع أقوى من قبل ..

    يالغالية .. أذا مد الله في عمرك بتشوفين من الدنيا ما يخليك تضحكين على نفسك أنك بكيتي على هالأشياء ..

    ما أبغاك تتشائمين بقدر ما تدركين اللحضة الحاضرة اللي أنتي تعيشينها ..

    لا تحسبين الناس ساكتين وإلا يتظاهرون باللي عندهم ما عندهم محن ..
    لا والله يمكن يحاولون يغطون على اللي عندهم بشكليات عقيمة ..

    قد يكون عندهم أمراض سرطانات أيدز أعاقات حوادث ..

    عندهم أدمان ومخدرات وسجون ومشاكل ..

    عندهم جهل وظلال وتحجير وعنف أسري ..

    عندهم ضعف وازع ديني وقلة أخلاق وفضايح الله لا يبلانا ..

    عندهم فقر ويتم وحاجة ومذلة ..

    عندهم وعندهم ووو

    ومع ذلك يطلع من بينهم نماذج رائعة ومشرقة ..

    تلقين فيهم المبستم والراضي والمحبوب والتايب واللي لازال يبحث فيهم عن الأمل

    ناس والله يا خية لو سمعتي عن قصصهم .. يذوب لها الحجر .. ومع ذلك تجدينهم فعالين وملهمين لكل اللي حولهم ..

    من كلامك مبين أنك لسى صغيرة والمستقبل قدامك .. والحياة لابد نتعثر فيها .. مثل ما فيها محطات حلوة ..

    صيحي .. أبكي بالساعات .. طلعي كل اللي بخاطرك .. أغسلي قلبك من كل هم ..

    لكن لا تنكدين على نفسك ..وتستحضرين كل شيء في بالك ..

    أرمي التعبان ورى ظهرك .. ولا تخلينه يأثر عليك .. أو يحطمك ويوصلك لهالحالة ..

    أكيد أنك تملكين أشياء كثيرة ما خسرتيها .. حافظي عليها .. أكسبي أشياء جديدة ..

    واللي خسرتيه تأكدي أنها أشياء ما كانت لك من البداية .. بالعكس ..خلي عندك أحساس أنهم هم اللي خسروك ..

    بقدر ما فيك من طيبة قلب وصدق نية وحب ووفاء لهم ..

    ولا أوصيك .. أبعدي عن المحيط اللي فيه صراع حتى لو كان من أهلك ..

    عيشي بسلام مع نفسك ومع الآخرين ..

    نفسك أولى عليك بالحب والأمان .. ريحيها حتى تريحك ..

    الله يكون معك ويفرج همك ويسعدك .. ويوفقك بالدين والدنيا ..
  4. @catcoota

    ياختي في بيوت كذا ما تخلى من المشاكل وحياة غريبة عجيبة الله اعلم باصحابها
    تاكدوا ان بيتكم يخلى من المحرمات افلام موسيقى اغاني
    تاكدي من ان كل شيء في بيتكم حلال لبسكم حلال اكلكم حلال
    ابعتدوا عن كل ما يغضب الله
    حافظوا علىتشغيل وقراءة سورة البقرة وعلى الصلوات
    تصدقوا
    بالنسبة للسفرات اذا كانت لبلاد الكفار اصلا حرام السفر لغير الحاجة لبلاد الكفار ويمكن هاذا احد اسباب المشاكل لانكم فعلتم شيء حرام والله غضب عليكم
    سافروا للعمرة بدل ما تسافروا لبرا وماراح تشوفي غير الخير
    وشكله فيكم عين او حسد
    حافظي على الصلوات والزمي البقرة وتصدقي وادعي واقتربي من الله كثير
    هاذا وقت القرب من الله والتوسل اليه بالدعاء
    الله حاب يسمع صوتك وانتي تبكي وتدعي
    والله قريب يجيب دعوة الداع اذا دعان
    خذي بالاسباب وتوكلي على الله وافعلي ما يرضي الله وراح تشوفي كيف الله يعطيكي اللي تبيه من سعادة و زوج وعلاقة طيبة مع الاهل و صديقات و حياة مليئة بالرضى وبعيدة عن التعاسة والحزن
    الله يفرج همك

تابعي تجارب أخرى من هذا القسم.