السلام عليكم
ابي اخلي هالموضوع تجمع لكل وحدع تعاني من نفس مشكلتي
حموضة بشكل يومي ومستمر من المعدة
بالنسبة لي بدأت المشكلة من 3 سنوات بدون سابق انذار
ولما كشفت عقب سنه يمكن طلع انها جرثومة خذت لها علاج ولما وقفته رجعت الحموضة شكيت ان الجرثومة لازالت موجوده
وبعدين سافرت برا وسويت منظار وقالوا لي ماعندي جرثومة
وانا كنت مفكرة ان الحموضة بسبب الجرثومة طلع لا
وعطوني دواء مخفض للحموضة بس ذبحني واوجع معدتي ووقفته مع ان الدكتور قال لي اخذه 3 شهور
ابي تجاربكم في الموضوع
وخاصة ان الحموضة بدون علاج خطيرة ووممكن تسبب مشكلة في المريء ويتحول الى سرطان
جربت دواء اسمه لوزيك فايدته انه يضيق صمام فم المعدة عشان الحمض مايطلع للمريء بس لما استخدمه احس الحموضه تختفي ولما اوقفه على طول ترجع يعني مافي فايدة من الادوية
وتقليل حمض المعدة خطر لانه الحمض وظيفته قتل الجراثيم والمكيروبات ولما ينقص بيكون الجسم معرض لها
شاركي في النقاش
سجلي الدخول لإضافة تعليق.
التعليقات
26- الطاهر محد يعاني من هالمشكله غيري
- بعد عمري لا تقولين كذا
لكن يمكن ماطحتي بدكتور سنع
انا عن نفسي قاعده استخدم علاجات جرثومه المعده حاليا
لانه حموضه والالم بالمعده والقولووووووون دماااااار
طيب يالغاليه جربي اكلي خيار حلو للحموضه والتفاح بعد لانهم يمتصون الحمض
وكلام النت ومقالاته لاتصدقينها
انا رحت للدكتور ابربر على راسه كل شوي اقول قريت وقريت
بغى يشوتني مع الباب
ف مو كل مقاله لاي دكتور تطلع صح
وماتشوفين شر - والله يابنات انا عندي نفس المشكلة والى الان مالقيت لها علاج:
- اااااه يا اختي جيتي عالجرح انا من وعيت على الدنيا
وانا اعاني من حموضة المعدة وقولون الحمد لله وطوال الوقت احارب الحموضة شي خيار وشي جزر وشي حبوب الحموضة وهدي حياتي
والله يشفيني واياك وكل مريض يارب - الله يشفيك يارب
انتي لاتروحين لدكتور إلاا لمن تسمعي تجارب عنه وعن علاجاته وإذا هي نافعه بإذن الله او لا..؟
يعني لاتروحين لمجرد انو هودكتور لا ياعيوني روحي لانه فاااااااااهم شغله زين<<هذا اهم شي ياعيوني والله يشفيك يارب.. يعني مايكون بس شهاده وهو بس يدربي الدميجه وماعنده سالفه
طيب انتي من وين؟؟؟
هههههههه هههههه ضحكتين الله يسعدك
فعلا هذي مشكله فينا نقعد نبحث بالنت وبعدين نصدق ونبلش باعمارنا..!
مواضيع مشابهة
تابعي تجارب أخرى من هذا القسم.