cup cake....بس بال.ب.ط.ا.ط.ا..سهل ويريع واممم طيب (بالصور)

قد يحتوي هذا الموضوع على محتوى غير مناسب. عرض الموضوع
كيفكن صبايا اشتئتلكن واشتئت لهالقسم الرائع
حبيت اعطيكم هالوصفة سريعة ومريحة وعشا خفيف مو كتير خفيف شوي ههههه
طبعا العنوان سهل وسريع مو يريع بس من كتر ما هو سريع كتبت يريع ههههههههههههه
نبدا بسم الله بالمقادير
3 حبات بطاطا مقشرة ومقطعة دوائر
وقية ونص لحمة مفرومة واللي بتحب تزيد براحتها انا ما عندي حد الا انا وزوجي
بصلة مفرومة ناعم
نص ملعئة هيل
نص ملعئة قرفة
نص ملعئة ملح
نص ملعئة فلفل اسود
نص ملعئة كاري
ومكعب ماجي
واي نوع جبنة بتحبيها كشكوان او موزاريلا
اول شي بنسلئ البطاطا
بنفرم البصلة وبنئليها شوي وبنحط اللحمة المفرومة وبالاخر بنضيفلها البهارات ومكعب الماجي وبنشفها عالاخر بعد ما يدوب الماجي وتاخد طعم البهارات
بنهرس البطاطا منيح وما بنخلي اي تكتل فيها وبنحط عليها نص ملعئة ملح ونص ملعقة فلفل اسود
وبنجيب قالب الcup cakeوبندهنه بشوية زيت
وبنفرد البطاطا المهروسة بالقالب بهادا الشكل
وهيك عن اريب
يتبع ...........

140 تعليق 16,249 مشاهدة

شاركي في النقاش

سجلي الدخول لإضافة تعليق.

التعليقات

136
  1. صاحبة الموضوع
    بعدين بنحط اللحمة بالوسط بهادا الشكل
    وهيك عن اريب

    بنحمرهم من تحت ومن فوئ بنحط عليهم الجبنة انا استعملت كشكوان وبحمرهم شوي وهيك شكلهم النهائي



  2. صاحبة الموضوع
    وانا عملت بجنبهم فتوش والكل بيعرفه



    وسلطة جرجير وهي عبارة عن ضمة جرجير نص حبة بندورة مقطعة جوانح رفيع ونص بصلة مقطعة جوانح رفيع وشوية زيت زيتون ورشة ملح وعصرة ليمون واخيرا رشة سمائ

    ويمي يمي صحة وعافية على الوبكم يارب