تجمع للمصابات بمرض الذئبه الحمراء

اولا اسال الله العظيم رب العرش العظيم أن يشفيها
ثانيا الدكاترة مو بسهولة يقررون انو تزرع كلية
اللي اعرفه انه ماتزرع الا اذا تعطلت الكلية عن العمل تماما
ثالثا يضر ولا لا اللي اعرفه اني سألت مرة دكتورتي عن
العمليات الجراحية قالت ممكن مرضى الذئبة يسوون العمليات
عادي بس زراعة اسألوا احسن لكم والذئبة بشكل عام اذا نشطت
يصير المصاب كأنه ميت

اسال الله العظيم ان يشفيكم يارب

بنات ابشركم تحاليلي كويسه بس الدكتور طلب مني اشعه مغناطيسيه لراس عشان الصداع ونقص لي في السلسبت صرت اخذ حبتين
وقاله اخوي ان جاني عريس وفرح وقال لازم اشوفه قبل الزواج عشان افهمه الموضوع مادرى انا مفهمينه يقول يجي مشاكل كثيره عندنا عشان كذه

هلا بنات كيفكم
****لله بخير انا اليوم عندي موعد الله يستر
مالكم بالطويله
اخذنه النتايج طبعا اختكم بالله انجحت وجبت معدل مره حلو اخذت 4,75 من 5 بس في ماده قاهرتني:mad: منزله معدلي معني طالعه واثقه من a+ بس انا ماسكت قلت يا انا يا هالدكتور وروح ورفع تظلم >>>مصدقه بيعطيها وجه :arb:
عاد بو الشباب يقول خلاص بيرسبك كل سنه وحين ميته خوف :icon33:

اي صح امي تسلم عليكم وموصيتها تدعي حق بنات التجمع وترى ماقعدت اسبوع بس 3 ايام قص علي يقول بيعوضني بعدين

QUOTE=الآنسه جمانه;48221156]بنات ابشركم تحاليلي كويسه بس الدكتور طلب مني اشعه مغناطيسيه لراس عشان الصداع ونقص لي في السلسبت صرت اخذ حبتين
وقاله اخوي ان جاني عريس وفرح وقال لازم اشوفه قبل الزواج عشان افهمه الموضوع مادرى انا مفهمينه يقول يجي مشاكل كثيره عندنا عشان كذه

اي جمانه خليه يروح عند الكتور على الاقل يفهمه طبيعت المرض
بس تصدقين مو بس الزوج لازم يروح لازم عايلته كلها علشان يفهمون
يعني تخيلي انا زوجي مرره متفهم لمرضي وعادي مايتذمر ولا شي بس عندي حماتي (اخت زوجي الكبيره ) مره مؤذيه دايمن تعايرني
شوفي انا من النوع الي ماروح جمعاتهم الي كل سبوع لانهم يسونها في مزارع وتخيلي هناك شمس وحاله والله من اروح ارجع تعبانه وجهي كانه محترق فبطلت ماروح عاد هي ماتقصر على طول حش فيني انا انا باخذ اخوهم واني دلوعه واني مادري شنو
وتوني من اسبوعين كان خطوبت اخته الصغير تصلت عمتي الا اجي ورحت وياليتني مارحت
تصوري كنا جالسين بالمجلس وقدام الحريم اجانب ماعرفهم ولا يعرفوني وجالسين يتكلمون على مرت الرجل الثانيه
عاد عمتي قالت الحمدالله مافيه من عايلتنه احد ماخذ شنو ردت اهي اخته قالت لايمه والله هاشم راح ازوجه توه صغير ماتهنه قاصين عليه عاطينه هالمريضه ولا احين حامل بعد يمكن مايطول الي في بطنها ويموت :44:
تدرين والله ماقدرت ارد عليها وكل الي في المجلس يطالعوني ومسكت نفسي لين مشوى الناس وبعدين دخلوا الرجال ومن السوالف قالت ها ياهاشم ماودك في مره ثانيه رد ليه لاء ويضحك
تدرين لين احين حره فيني عليها بس مشكلتي ماعرف ارد



ادري طولت بس من حر مافيني


يله بنات سلام ولاتنسوني من الدعاء