صيفنا ونوم ابناءنا عند غيرنا؟؟انتم مع او ضد؟؟؟

.:.

انا أؤيد هذه الفكرة اذا كان عندهم بنات قد بناتي ..
وترى اذا رفضتي راح يكرهونك بناتك ويقولون ان كل الحريم يخلون بناتهم وانتي ماتخلينهم..
وتصوري نفسك مكانهم راح تنقهرين خصوصا اذا وحده رضت امها تبقى معاهم ..
مثلا رحتي عند اخواتك او اخوات زوجك وعندهم بنات قد بناتك وفي وحده من عماتهم رضت تخلي بنتها عند بنات الحرمة ذي
وانتي ما رضيتي تخليني بناتك راح ينقهرون بطريقة ماتتخيلينها وياخذون عنك فكرة سيئة..
يمكن بعدين يصدقون نفسهم ويقعدون كل مارحتو عند ناس نبى نقعد نبى نقعد
هنا عندك اعذار منها:
ماعندكم ملابس ان شاءالله المرة الجايه ..
لكن بكرة بنتمشى عند البحر مثلا..او غيرها
او بكرة بنسافر تمشيه..
وايضا اذا كان البيت فيه اولاد وفهميهم ذا الشئ..
وإذا سمعوا كلامك كافئيهم بايسكريم او حلاو او بطاطس..

وكمان انتي تقدري ترتاحي مع زوجك..بس مو كل يوم رازين وجههم هناك..
وترى اذا استمتعوا بينسوك تماما يعني ارتاحي...
وانتي لا تكوني طيبه طوال الوقت توافقين ولاتكوني ثقيلة دايم لا لا
ارجو اني وصلت المعلومة وفقك الله لما يرضى..

.:.

ارفضها بشددددة وبناتي عمرهم ما ناموا عند احد بس ولدي الله يحفظه اختي في ديرة بعيدة شوي ولما تجي تجلس عند اهلي اسبوع او اسبوعين وولدها بسن ولدي فدائما يحاول ولدي ينام معهم مرات اوافق ومرات ارفض

ضد هذي الحركه ..وخاصه البنت الوقت صار يخوف ولاتامنين أحد عليهم

عادي مافيها شي والله كل شخص ينام بالمكان اللي يعجبه يعني احرم بناتي وعيالي من الوناسه وساعة الصدر وجمعت البنات اللي بسنهم خاصة اننا بموسم اجازه عشان افكار مجرده مالها اساس وخوف ماله مبرر !!

والله اذا ربيت اطفالي صح وكنت لهم صديقه وقريبه وعلمتهم الصح من الخطأ ماعليهم خوف

القاعده في هذا الموضوع من وجهة نظري التربية السويه السليمه وبعدها الانطلاق في الحياة بكل ثقه