السلام عليكم
كيف حالكم بنات
بنات انا بشاروكم بحاجه بس اول شي ان كان وحده بتجرح وترد رد قاسي لا ترد تكفوون
المشكله :انا لي مطلقه 10 شهور والسب والله ما ادري وشو موب واضح يعني وعندي ولد الموهم من طلعت من بيته ما رفعت عليه السماعه ولا حاجه وغيرت رقمي وجاني مره كلام من وحده موثوقه انو قال هي ما حسستني انها شرتني وخليها تدق نتفاهم وتبشر باللي تبي انا مو وحش وانا اطنش امس خالتي جلست تكلمني لانو جاني 3 خطاطيب طول الفتره هذي وماوافقت لانو ما اشوف نفسي مع غيره احبه واغليه من جد قالت خلاص اجل يومنك تبينه حاولي ليش كذا جالسه هو يبيك وانتي تبينه والكل رافع خشمه عن الثاني تنازلي شوي قالت لي انو ارسلي له رساله انو بخلي الولد عندك لانو مضطره اسافر ((هو عموما ياخذ الولد كل اسبوع ))وشوفي وش رده اذا كان فيه رجعه بيستغل هالفرصه وان كان ما بخاطره ما بيرد وبيطنش وعلى الاقل كسبتي شرف المحاوله ويصير ان جاك بعده احد توكلتي ورحتي بنصيبك وش رايكم بنات انا متوهقه من جد لدرجه انو لما يتكلم علي احد اخاف انو ينتشر ويصك الطريق انو يرجعني اعلق امالي عليه بس ما قدرررت والله ما قدرررت كنت اقول اني بنسى ورحت وجيت وسافرت وكملت الدراسه وعلاقات والله ما افضى بس تعرفون اللي مع الناس وبنفس الوقت موب معهم احس انه يبيني بس يبي له احد يدفه لانو متوقع ابوي يرفض وابوي الحمدلله طاح اللي براسه مدري وش اسوي احس بصييييح
ادري الكلام مخربط اعذروني بس قلت مالي الا انتو ما عندي خوات وخالتي هذي مو بالبلد ما اقدر دايم اتواصل معها واشاورها واحكي عن اللي بخاطري
واذا تحسون انها حلوه الحركه وش ممكن ارسل غير كذا شي يتعلق بولدي عشان يعني يصير بيننا تواصل
واذا الحركه مالها داعي تكفووون ادعوولي انو الله يرده لي او انسااااه
شاركي في النقاش
سجلي الدخول لإضافة تعليق.
التعليقات
75- الله يعينك حبيبتي
ااب - الله يوفقك ان شاء الله انتي استخيري وشوفي
- مثل ماقالت تنازلي وكلميه عن الولد يعني اي موضوع
- الله يفرج همك وييسر امرك
استشيري شخص ثقه في العائله وان شاء الله ما يقصر يفيدك
لاننا ما ندري عن الظروف واسباب الطلاق وكذا
حبيت انبهك اختي حلفك هذا ما يجوز يالغلا امااانه امااانه امااانه
اتمنى تعدلينه
الله يفرج همك حبيبتي - اختي اذا انتي تبينه وهو يبيك لازم احد يتنازل
طيب ليش ما ترسلين له رساله انكم تتقابلون وتتناقشون في وضعكم
وحطوا شروط ان النقاش يكون في مكان هاديء ومن دون الولد
واذا واحد فيكم تكلم الثاني يحسن في الاستماع للطرف الثاني
وتستخيرون قبل اللقاء وبعد اللقاء
والله يكتب لكم اللي فيه الخير
مواضيع مشابهة
تابعي تجارب أخرى من هذا القسم.