الديوانية الثامنه لقمرا واخواتها في عالم البناء والعمار

ريماس كلها الماس
والله ما عندي اي خبره في الرخام بخصوص الدرج
الصالات وباقي البيت فافضل انك تاخذين بورسلان مره رائع وعملي مو مثل الرخام يبغاله عنايه البورسلان اشكال وانواع مرره روعه وفيه بلمعه وفيه المطفي وفيه اشكال رخاميه بعد اذا انتي تحبي تعريقات الرخام وارخص من قيمة الرخام بكثير وممكن تحطي النعله غامقه انا كان ودي بس راحت علي ونصيحه لا تشكلين كثير انا حاطه الدورين بورسلان ابو لمعه ولون سكري ما شكلت ابد طبعا بيتي شريته جاهز بس غيرت لان الي الشركه حطت اشكال والوان طبعا غرف النوم اذا بتفرشينها حطي نوعيه عاديه ورخيصه لانه بتنعدم مع الغرا
وعلى فكره مطبخي بعد بورسلان لانه من جد تعبك يبان زي المرايه

البورسلان مسحه وحده بالممسحه يلمع لمع حتى تعكس اللمبات فيه يهبل وانا من المؤيدين له والاحجام تجيك يا مربعه يا مستطيله وانتي والي تحبين في تركيبها مرتصه بجنب وفوق بعض او مثل طوب البنا في الترتيب وممكن تختارين اكثر من مقاس ويركبونها بترتيب عشوائي فهمتي علي بس اهم شي تكون نفس اللون <<<<<حلوه ترتيب عشوائي
عارفه اني دخلت سواليف ثانيه ما سالتي عنها بس والله من مودتي لك نصحتك بالي عندي
صح لو توصلتي لشي بخصوص رخام الدرج علميني لان الدرج اصلا لازم يكون رخام وراح اغير الي عندي الله يعين

سؤال ثاني عن شبابيك المجلس لانها تطل على حديقه والدور الارضي مرتفع 70 سم فقلت لزوجي بلوكه واحده وفوقها الشباك حتى يبان المنظر
لكن المقاول يقول ماينفع لازم 3 بلوكات طوب من تحت ثم الشباك عشان الرخام وغيره؟؟؟؟؟؟؟؟؟؟صحيح كلامه

اختي راعية مبدا كلام المقاول غير صحيح تقدرين ترفعينه مساحة بلكه وحده علشان الدفان والبلاطه بارتفاع 15 سنتيمتر ويبقى لك 5 سنتيمتر فوق البلاطه ويكون شكلها افضل تقدرين تشوفين الحديقه وانتي جالسه بالمجلس اما لو ر فعها 3 بلكات راح عليك المنظر