السلام عليكم ورحمة الله وبركاتة
انا الان بفترة النفاس بيت اهلي لي شهر وزود وقريب اطلع من الاربعين عندي ولد وجبت بنت
(بالبداية اقولكم علاقتي باهل زوجي بينا حدود ازورهم مرتين بالاسبوع وانا مبعدة نفسي عنهم اطباعي تختلف عن اطباعهم مرررة وهم موعاجبهم لانهم يبون مرت الولد وعيالها عندهم على طووول وانا ماابي هالشي )
وكنت معزومة امس بحفلة من قراااايب زوجي وقلت لزوجي ابي اروح الشقة اخذ ملابسي وشوية اغراض
ورحت معة مع ولدي عمرة سنة وفوق وكان ولدي توووة صاحي من النوم ومتبهدل ومأكلتة لحم وصاااير زفر ووو
قلت بأخذة لان اهلي موبالبيت بس اختي الصغيرة تمسك بنتي المولودة وهووو مشاغب بيتعبها
وقلت لها ربع ساعة وراجعة
طيب انا شقتي فوق اهل زوجي وابو زوجي كان برة عند البيت وقلت لزوجي لا تدخلة بيتكم الولد متبهدل يفشل
قال لا انتي رووحي فوق
واخذ ابو زوجي ولدي ودخلة بيتهم وهو مررررة متبهدل ومعفس ووصخ
انا انقهررررت قلت ليش يدخلة اهلك وش بيقولون عني وعن اهلي بيقولون وصخين ومهملييين
اخذت اغراضي ونزلت من الشقة وقلت لزوجي مو جايب الولد طنشني ورجعني بيت اهلي وخلى ولد عند اهلة
انا انقهرررت ليش يحاسدني قلت بردهااا لة ومورايحة حفلة قرااايبة
طيب انتظرت بعدين جاب الولد مروشينة ومغيرين ملابسة انا جنييييييييت ليش يتلقفوون وهم عارفين اني مااحب احد يتدخل بعيااالي ومااحب ولدي يروح لهم كثييير هو يروح مع ابوة ويرجع مع ابووة غالبا
المهم دقيت على حماتي وقلت لها انتي ماتشوفينها لقافة
هبببببت فيني وقالت انتي ماتستحين تقولينها احنا عماتة عادي وانتي وانتي وقالت كلالالالام يجرررح والله
ساعة الاربع ماعطتني فرصة اتكلم كأنها حاااقدة علي ماصدقت
المهم قالت انا بقول لاخوي لاتجيب عيالك ولانبيهم الامع امهم ولا راح نلمسهم
وسكككرررت منها وانا متضايقةوخايفة على مشاعري زوجي يكفي اني زعلتة وهو طيب مايستاهل
واليوم ماكلمني ولادق علي
وشرايكم بالسالفة ؟؟؟؟؟؟ مين الغلطاان انا ولازوووجي ؟؟؟
اتمنى تكون ردودكم نصايح تريحني
وجزاكم الله الجنة
الموضوع مغلق