المعذرة لو كانت الحلول اللي بقولها مكررة ...
بالنسبة للقيشاني أفضل حل له هو البوية ... اختاري لون حلو ويمشي مع لون البانيو وادهنيه وما راح تحتاجين كمية كبيرة من الدهان (أقترح عليك لون فستقي إذا كان البانيو أزرق ... وتفاحي إذا كان البانيو سماوي) ...
طبعاً فيه أنواع خاصة بدورات المياه مقاومة للرطوبة وراح يفيدك العامل بمحل الدهانات بكل شي تحتاجينه ... وما أنصحك بالاستيكرات لأنها صايرة في كل بيت وكل مكان ... صارت مملة بصراحة ...
والبانيو اكتمي نفسه بستارة تغطيه طول الوقت :) ... ستي ماكس عندهم أشكال مرة رائعة ...
الإضاءة أنا معك إنها هامة جداً ... وصور الديكور اللي نشوفها وننبهر فيها تلقين السر الأكبر فيها هو الإضاءة ... فأقترح عليك تستبدلين كل اللمبات النيون بسبوت لايتس أو ثريا بسيطة تعطيك جو غير أو أي إضاءة صفراء ... وبإمكانك تاخذينها معك إذا انتقلتي بإذن الله ... وخلي لهم لمباتهم البيضاء الحلوة :)
وفكرتك بخصوص الأباجورات مرة حلوة ... خصوصاً الأباجورات الطويلة اللي مظلتها "مقلوبة" :) ... يعني تكون إضاءتها باتجاه السقف .... هذي مرة تسوي جو حلو ...
غرفتك إلغي منها الشفونيرا لأنها مالها أهمية كبيرة ... وتقدرين تستغنين عنها بالتسريحة العادية ... وممكن تستخدمينها كمدخل للشقة وتحطين فوقها فازة كبيرة حلوة أو أي حركة تشوفينها مناسبة ...
إطار التكييف أحسن حل له تجيبين المعجون حق الدهانين وترممين فيه الإصابات البليغة :) ... وبعد ماينشف تبخينه هو ويا إطار المكيف ببخاخ دهان من نفس لون الجدار ... طبعاً الباقي من المعجون اقفلي فيه "متاهة" الدش اللي في جدار دورة المياه :)
وبس هذا اللي جا ببالي ... الله يسعدك ويجعله بيت الخير والطاعة والسعادة يارب :)
ساعدوني في اخفاء عيوب بيتي الله يسعدكم في الدارين
متابعة النقاش، صفحة 9